མཛད་པ། 26

ལེའུ་ཉི་ཤུ་རྩ་དྲུག

ཕོལ་ལོལ་གྱིས་རྒྱལ་པོ་ཨག་རི་པཱའི་དྲུང་དུ་ཉེས་སྐྱོན་མེད་དི་གསལ་བཤད་པ།

1དེ་ནས་ས་གནས་རྒྱལ་པོ་ཨག་རི་པཱ་ཁོས་ཕོལ་ལོལ་ལེ། ད་ཁྱོད་ཀྱིས་རང་གི་སྐོར་ལེ་རྒྱུ་མཚན་ཤོད་ཆོག་འོད་ཟིན་གསུངས་ཕེན། ཕོལ་ལོལ་གྱིས་ལག་ག་བརྐྱངས་ཏེ། མི་ཀྱ་ལེ་མར་བཞུགས་རོགས་ཟིན་ལག་བརྡ་བྱས་པི་རྗེས་ལེ། རང་ལེ་ཉེས་སྐྱོན་མེད་དི་ར་སྤྲོད་བགྱིད་རྒྱུ་ཆེད་དུ། 2རྒྱལ་པོ་ཨག་རི་པཱ། ད་རིང་གནས་འདི་རུ་ཡ་ཧུ་དཱ་པ་ཀྱ་ཀྱིས་ང་ལེ་ནག་ཉེས་བཙུགས་པའི་དོན་ཡེ་རེ། ད་ལྟ་ངས་ཁྱེད་རང་གི་མདུན་དུ་ང་ལེ་རང་ལེ་ཉེས་སྐྱོན་མེད་དི་སྐོར་ལེ་ཤོད་རྒྱུ་འབྱོར་རི་འདི་ལེ་ངོ་ཐོག་དགའ་རི་ཆེན་པོ་བྱུང་། 3ཅི་ལེ་ཟེར་ནི། ཁྱེད་ནི་ཡ་ཧུ་དཱ་པའི་ལུགས་སྲོལ་དིང་། ཁོང་ཀྱ་ཀྱི་རྩོད་གླེང་དེ་ཀྱ་ལེ་ཁྱེད་ཀྱིས་དགའ་མོ་མཁྱེན་གནང་གྱོ་འོད་ཕེན། སུན་སྣང་མེད་དི་ཐོག་ནས་ངའི་ལབ་ལེ་ཁྱེད་ཀྱིས་གསན་རོགས་གནང་། 4ང་རང་ཆུང་མའི་དུས་ནས་ཕེན། རང་གི་མི་རྒྱུད་དིང་། ཡང་ཡེ་རུ་ས་གླིང་རྒྱལ་ས་ལེ། ངའི་སྤྱོད་ལམ་ཅི་གི་འོད་མེད་དེ་ནི་ཡ་ཧུ་དཱ་པ་ཀྱ་ཀྱིས་ཟང་ཧ་གོ་འོད་དིག 5གལ་སྲིད་ཁོང་ཀྱ་ཀྱིས་ང་ནི་སྔོན་མ་ནས་ཕེན། ཉེད་ཀྱ་ཀྱི་ཕཱ་རུ་ཤི་པའི་གྲུབ་མཐའ་དམ་པོ་དེ་སྲུང་མྱོང་འོད་དི་སྐོར་ལེ་བདེན་དཔང་བགྱིད་འདོད་འོད་ནི་བགྱིད་ཐུབ་ཀྱི་དིག 6དཀོན་མཆོག་གིས་ཉེད་ཀྱ་ཀྱི་མེས་མེས་ཀྱ་ལེ་ཞལ་བཞེས་གནང་པི་དེ་ལེ། ངས་ཡིད་རྟོན་བྱས་པའི་རྐྱེན་གྱིས་ད་ལྟ་ཁྱེད་ཀྱི་མདུན་དུ་འདྲི་གཅོད་འདི་བགྱིད་དགོས་བྱུང་པི་དིག 7ཉེད་ཀྱ་ཀྱི་མེས་མེས་ཡི་སི་ར་ཨེལ་པའི་བི་ས་བཅུ་གཉིས་ཀྱི་རྒྱུད་པ་ཡེ་རེས་ཉིན་མཚན་མེད་སྙིང་རུས་བྱས་ཏེ། དཀོན་མཆོག་ལེ་དད་གུས་ངང་ནས་ཞལ་བཞེས་བོར་གནང་པི་དེ་འཐོབ་རྒྱུ་ལེ་རེ་བ་བགྱིད་འོད། རྒྱལ་པོ་ཨག་རི་པཱ། ད་ལྟ་ཡ་ཧུ་དཱ་པ་ཀྱ་ཀྱིས་ཟང་རེ་བ་དེ་རང་ཡིན་ནའང་། ང་ལེ་ནག་ཉེས་བཙུགས་པི་དིག 8དཀོན་མཆོག་གིས་གཤིན་པོ་ཀྱ་ཡང་དང་གསོན་པོ་བཟོ་གནང་རྒྱུ་ཡིན་དི་དོན་དེ་ལེ། ཁྱེད་ཀྱ་ཀྱིས་ཅི་ལེ་ཡིད་ཆེས་བགྱིད་མི་ཐུབ་འདུག་གོ་ཟིན་སྨྲས་པི་དིག

9ཡིན་ནའང་། དེ་སྔོན་ངས་ཟང་ཕྱོགས་ཡེ་རེ་ལེ་ནཱ་ཙ་རེལ་ཡུལ་གྱི་ཡེ་ཤུའི་མཚན་ལེ་འགེག་རྒོལ་བགྱིད་དགོས་བསམས་ཏེ། 10ང་ཡེ་རུ་ས་གླིང་རྒྱལ་ས་ལེ་འོ་དེ་གི་ཅོག་འདྲ་བགྱིད་མྱོང་འོད། ཡང་མཆོད་པ་འབུལ་མཁན་གཙོ་བོ་ཀྱ་ཀྱི་ལག་ནས་ཆོག་མཆན་འབྱོར་ཕེན། ངས་དད་པ་བགྱིད་མཁན་མང་པོ་ཞིག་བཙོན་ལེ་བཅུག་གི་མ་ཟད། མི་དེ་ཀྱ་སྲོག་ཁྲིམས་གཏོང་རྒྱུ་ལེ་ང་ཟང་མོས་མཐུན་བྱས་པི་ཡིན། 11ངས་ཚོགས་ཁང་ག་ས་ག་ལེ་ཕྱིན་ཏེ་ལན་མ་མང་པོ་མི་དེ་ཀྱ་ལེ། ཇོ་བོ་ཡེ་ཤུ་ལེ་སྐུར་བ་འདེབས་དགོས་འོད་དིག་ཟིན་བཙན་དབང་བཏང་པི་མ་ཟད། ཡང་དད་པ་བགྱིད་མཁན་ཀྱ་ལེ་ང་ཞེ་སྡང་ཆེན་པོ་ལངས་ཕེན། ལུང་པ་གཞན་གྱི་རྒྱལ་སའི་ནང་ལེ་འོད་ཡོད་དད་པ་བགྱིད་མཁན་ཀྱ་ལེ་ཟང་གནོད་འཚེ་གཏོང་རྒྱུ་ཆེད་དུ། ངས་རྗེས་འདེད་བགྱིད་དུ་འགྲོ་མྱོང་འོད། 12ཡང་ཉིན་མ་ཞིག་ངས་མཆོད་པ་འབུལ་མཁན་གཙོ་བོ་ཀྱ་ཀྱི་ལག་ནས་ཆོག་མཆན་བླངས་ཏེ་དཱ་མེ་སེག་རྒྱལ་ས་ལེ་འགྲོ་མྱོང་འོད། 13རྒྱལ་པོ་ཨག་རི་པཱ། ང་ལམ་ལེ་འགྲོ་རྒྱ་ཉིན་གུང་ཚོད་ལེ། དཀོན་མཆོག་གི་ཞིང་ཁམས་ནས་ཉི་མའི་འོད་ཟེར་ལས་ལྷག་ཚོད་འོད་ཟེར་ཆེན་པོ་ཞིག་ང་དིང་། ངའི་འབྲང་རོགས་ཀྱ་ཀྱི་ཕྱོགས་བཞི་ལེ་ཤར་རི་མཐོང་ཕེན། 14དེ་ལོང་མེད་ཉེད་ཀྱ་ས་ལེ་དགྱེལ་ལི་མ་ཟད། ཡ་ཧུ་དཱ་པའི་སྐད་ལུགས་ནས་ང་ལེ་སོ་ལོ། སོ་ལོ། ཁྱོད་ཀྱིས་ང་ལེ་ཅིའི་ཆེད་དུ་གནོད་སྐྱེལ་ལི་ཡིན་དོ། སེམས་པ་ནག་པོ་མི་ལེ་བྱས་ནི། བྱ་བ་རྩུབ་པོ་རང་ལེ་འོང་ཟིན་གསུང་སྐད་ཞིག་ཐོས་བྱུང་།#26.14 གེ་རིག་ཟེར་ལུགས་ནང་ལེ། ཕྱུགས་རྫིའི་རྒྱུག་པ་ལེ་འཕྲ་བརྒྱབ་ནི། རང་ལེ་གནོད་སྐྱོན་འོང་གྱི་དིག་ཟིན་འོད་དིག 15དེ་ནས་ངས། ཇོ་བོ། ཁྱེད་རང་སུ་ཡིན་དོ་ཟིན་ཞུས་ཏེ། ཁོང་གིས་ང་ནི་ད་ལྟ་ཁྱོད་ཀྱིས་གནོད་སྐྱེལ་ས་ཡེ་ཤུ་ཡིན། 16ཡར་ལོངས་དང་། ཁྱོད་ཀྱིས་ཅི་མཐོང་པི་དིང་། ངས་ཁྱོད་ལེ་ཅི་སྟོན་རྒྱུ་ཡིན་དི་དོན་ལེ་དཔང་པོ་བགྱིད་རྒྱུ་དིང་། ང་ལེ་ཞབས་ཕྱི་རྒྱུགས་མཁན་ལེ་སྐོས་རྒྱུ་ཆེད་དུ། ང་རང་མངོན་སུམ་ཁྱོད་ལེ་བསྟན་པི་ཡིན། 17ངས་ཁྱོད་རང་ཡ་ཧུ་དཱ་པའི་མི་དིང་། ཕྱིའི་མི་ཀྱ་ཀྱི་ནང་ནས་སྐྱོབ་རྒྱུ་ཡིན་དི་མ་ཟད། ད་ལྟ་ཁྱོད་རང་མི་དེ་ཀྱ་འོད་ས་ལེ་རྫོང་གྱོ་འོད། 18ཁྱོད་ཀྱིས་མི་དེ་ཀྱ་ལེ་མིག་འབྱེད་རྒྱུ་དིང་། མུན་ནག་ནས་འོད་ཟེར་ཕྱོགས་ལེ་སྤོས་ཏེ། བདུད་ཀྱི་རྒྱལ་པོ་སཱ་ཏན་གྱི་དབང་འོག་ནས་དཀོན་མཆོག་གི་ཕྱོགས་ལེ་བློ་ཁུག་སྟེ་སྡིག་སེལ་འཐོབ་རྒྱུ་དིང་། ང་ལེ་དད་པ་བརྟན་པོ་བྱས་ཏེ་སྡོད་མཁན་དམ་པ་ཀྱ་དིང་སྐྱེན་ལེ་ཐར་བའི་བགོ་སྐལ་འཐོབ་རྒྱུ་ཆེད་དུ་ཡིན་ཟིན་གསུངས་བྱུང་།

19རྒྱལ་པོ་ཨག་རི་པཱ། འོ་དེ་ལེ་བརྟེན་ཏེ། ངས་ནམ་མཁའི་ཞིང་ཁམས་ནས་བྱུང་བའི་ཞལ་གཟིགས་དིང་ཅོག་འདྲ་སྒྲུགས་རྒྱུ་ཆེད་དུ། 20དང་པོ་དཱ་མེ་སེག་རྒྱལ་ས་དིང་། རྗེས་ལེ་ཡེ་རུ་ས་གླིང་རྒྱལ་ས། ཡ་ཧུ་དཱ་ལུང་པ་ཀུན། ཡང་ཕྱིའི་མི་ཀྱ། ཡང་དེ་མན། མི་ཀུན་གྱིས་འགྱོད་བཤག་བྱས་ཏེ་དཀོན་མཆོག་གི་ཕྱོགས་ལེ་སེམས་ཁུག་པའི་ར་སྤྲོད་བགྱིད་རྒྱུ་དོན་ལེ། ལས་བཟང་པོ་བགྱིད་དགོས་འོད་དིག་ཟིན་ངས་ཆོས་བཤད་དི་ཡིན། 21འོ་དེ་ལེ་བརྟེན་ཏེ། ཡ་ཧུ་དཱ་པ་ཀྱ་ཀྱིས་ང་མཆོད་ཁང་ནང་ལེ་སྡོད་རྒྱ་འཛིན་བཟུང་བྱས་ཏེ་གསོད་རྒྱུ་བྱས་བྱུང་། 22ཡིན་ནའང་། དཀོན་མཆོག་གིས་ང་ལེ་སྲུང་སྐྱོབ་གནང་སྟེ། ད་ལྟ་བར་དུ་ང་རང་གསོན་པོ་སྡོད་ཐུབ་པི་མ་ཟད། མི་ཆེ་ཆུང་ཀུན་ལེ་བདེན་པའི་དཔང་པོ་བྱས་འོད། ངས་མི་དེ་ཀྱ་ལེ་ལུང་སྟོན་པ་ཀྱ་དིང་། ཡང་ལུང་སྟོན་པ་མོ་ཤེས་བསྟན་པའི་ལུང་བསྟན་དེ་ཀྱ་ཏན་ཏན་འོང་རྒྱུ་ཡིན་དི་དོན་དེའི་སྐོར་ལེ་པ་རྐྱང་བཤད་དི་ཡིན། 23སྐྱབས་མགོན་ཡེ་ཤུ་ལེ་དཀའ་ངལ་མྱོང་དགོས་པི་དིང་། ཁོང་རང་གཤིན་པོ་ཀྱ་ནང་ནས་ཡང་དང་གསོན་པོ་ལངས་མཁན་དང་པོ་དེ་ཡིན་དི་མ་ཟད། ཁོང་གི་འོད་ཟེར་གྱི་ཐར་ལམ་དེ་ཡ་ཧུ་དཱ་པ་དིང་། ཕྱིའི་མི་ཀྱ་ལེ་སྟེར་རྒྱུ་ཡིན་དེ་སྐོར་ལེ་བཤད་དི་ཡིན་སྨྲས་པི་དིག

24དེ་ནས་ཕོལ་ལོལ་གྱིས་རང་ལེ་ཉེས་སྐྱོན་མེད་དེ་ར་སྤྲོད་བྱས་ཕེན། སྤྱི་དཔོན་ཕོར་ཀེའུ་ཨོ་ཕེ་ཏི་ཁོས་ཕོལ་ལོལ་ལེ། སྐད་ཆེན་པོས་ངང་ནས་ཁྱོད་སྨྱོ་འདུག་གས། མ་གཞི་ཁྱོད་ལེ་ཡོན་ཏན་མང་པོ་བྱུང་ཕེན། ཁྱོད་སྨྱོན་པ་བྱུང་པི་དིག་སྨྲས་པི་དིག 25ཡིན་ནའང་། ཕོལ་ལོལ་གྱིས་བརྩི་བཀུར་འོད་ཡོད་སྤྱི་དཔོན་ཕོར་ཀེའུ་ཨོ་ཕེ་ཏི། ང་སྨྱོ་མེད། ངས་སྨྲས་པའི་ལབ་དེ་བདེན་པ་ངོ་ཐོག་ཡིན་དིག 26ཅི་ལེ་ཟེར་ནི། དོན་དེ་ཀྱ་ལྐོག་ཏུ་མ་བྱས་འོད་ཕེན། ས་གནས་རྒྱལ་པོ་ཨག་རི་པཱ་ཁོང་གིས་ཟང་དོ་སྣོང་བྱས་ཏེ་མཁྱེན་པི་དིག ངས་ཟང་འཁྱར་སྣང་མེད་དི་བརྒྱུད་ནས་ཁོང་ལེ་བཤད་དི་ཡིན། 27རྒྱལ་པོ་ཨག་རི་པཱ། ཁྱེད་རང་ལུང་སྟོན་པ་ཀྱ་ལེ་ཡིད་ཆེས་འོད་དས། ཁྱེད་རང་ཡིད་ཆེས་འོད་དི་ངས་ཧ་གོ་འོད་སྨྲས་པི་དིག 28དེ་ནས་ཡང་རྒྱལ་པོ་ཨག་རི་པཱ་ཁོས་ཕོལ་ལོལ་ལེ། ཁྱེད་ཀྱིས་ང་ལེ་དུས་ཁྱུག་ཚོད་ཞིག་གི་ནང་ལེ་བསྐུལ་མ་བཏང་སྟེ། ང་ཡེ་ཤུ་པ་ཞིག་བཟོ་འདོད་འདུག་གས་ཟིན་སྨྲས་པི་དིག#26.28 གེ་རིག་ཟེར་ལུགས་ནང་ལེ། ཁི་རིའི་སི་ཐོ་པ་ཟིན་འོད་དིག ཡང་བོད་སྐད་ལེ་ཡེ་ཤུ་པ་ཟིན་འོད་དིག 29ཡང་ཕོལ་ལོལ་གྱིས་དུས་རིང་ཐུང་ཅི་གི་ཞིག་གི་ནང་ལེ་བསྐུལ་མ་བཏང་ནའང་། ཁྱེད་པ་རྐྱང་གི་ཆེད་དུ་མ་དིག ད་རིང་ངའི་ལབ་ལེ་ཉན་མཁན་ཁྱེད་ཡེ་རེ་ཟང་ང་ཅོག་འདྲ་འོང་པར་ཤོག ང་ལེ་ལྕགས་སྒྲོག་བརྒྱབ་པི་ཅོག་འདྲ། མི་འོང་པར་ཤོག་ཟིན་ངས་དཀོན་མཆོག་ལེ་གསོལ་བ་སྨོན་ལམ་འདེབས་གྱོ་འོད་ཟིན་སྨྲས་པི་དིག 30དེ་ནས་ས་གནས་རྒྱལ་པོ་ཨག་རི་པཱ་དིང་། སྤྱི་དཔོན་ཕོར་ཀེའུ་ཨོ་ཕེ་ཏི་ཁོང་། ཡང་ཨག་རི་པཱའི་ནུ་མོ་པུར་ནི་ཀཱེའི་སྐྱེན་ལེ་སྡོད་མཁན་མི་ཡེ་རེ་ལེ་ཡར་ལངས་ཏེ། 31ཚོགས་ཁང་ནས་ཕྱི་ལེ་འགྲོ་རྒྱ། གཅིག་གིས་གཅིག་ལེ་མི་དེ་བཙོན་ལེ་བཅུག་དགོས་དོན་དིང་། གསོད་དགོས་པའི་ཉེས་པ་ཅི་གང་མ་བྱས་འདུག་ཟིན་འོད་དིག 32དེ་ནས་རྒྱལ་པོ་ཨག་རི་པཱས་སྤྱི་དཔོན་ཁོང་ལེ། གལ་སྲིད་མི་འདི་རྒྱལ་པོ་སེ་བཟིར་ལེ་ཞུ་གཏུག་བགྱིད་ཀྱི་ཡིན་མ་སྨྲས་འོད་ནི། ཁོ་རང་འགྲོ་ཆོག་གྱོ་འོད་དིག་ཟིན་སྨྲས་པི་དིག །

Currently Selected:

མཛད་པ། 26: DLPO

Highlight

Copy

Compare