1 Samoela 31
31
Ny nahafatesan’i Saoly
(Jereo 1 Tan 10.1-14)
1Ary niady tamin’i Israely ny Filistinina; dia nandositra azy ny Israelita ka faty maro no nitsitsitra teny an-tendrombohitr’i Gilbôa#31.1 Gilbôa: jereo 28.4 sy nta.. 2Nilofo nanenjika an’i Saoly sy ireo zanany lahy ny Filistinina ka nahafaty an’i Jônatàna sy i Abinadaba ary i Melkisa, izay samy zanakalahin’i Saoly. 3Nanindry an’i Saoly ny fanafihana ka sendra ny mpandefa tsipîka izy, ary natahotra mafy azy. 4Dia hoy i Saoly tamin’ilay mpitondra ny fitaovam-piadiany:
–Raiso ny sabatrao ka trobaro aho, fandrao ireo mpanompo sampy ireo indray no ho avy hitrobaka ahy, ka hanao ahy ho fihomehezana.
Fa tsy nanaiky ilay mpitondra ny fitaovam-piadiany satria natahotra mafy. Koa nalain’i Saoly ny sabatra, dia nianjerany. 5Ary rehefa hitan’ilay mpitondra ny fitaovam-piadiany fa maty i Saoly, dia mba nianjerany koa ny sabany, ka niara-maty taminy izy.
6Andro iray ihany izany no nahafatesan’i Saoly mbamin’ireo zanany telo lahy sy ny mpitondra ny fitaovam-piadiany ary ny miaramilany rehetra.
7Rehefa hitan’ny Israelita izay teny an-dafy andrefan’ny lohasaha#31.7 Ny lohasaha etoana dia ny lemak’i Jizrehela izay nitobian’ny Filistinina (28.4). sy teny an-dafy andrefan’i Jôrdàna fa nandositra ny tafik’i Israely sady maty i Saoly sy ny zanany, dia nandao ny tanàna izy ka nandositra. Tonga kosa ny Filistinina ka nipetraka tao.
8Ny ampitso, nony tonga ny Filistinina haka ny zavatra teny amin’ny faty, dia nahita an’i Saoly sy ny zanany telo lahy nitsitra teo an-tendrombohitr’i Gilbôa. 9Notapahiny ny lohan’i Saoly sady nalainy ny fiadiany ka nalefany hitety ny tanin’ny Filistinina hanambaràna izany vaovao izany ao amin’ny Tempolin-tsampiny sy amin’ny vahoaka. 10Avy eo dia napetrany tao an-tempolin’ny Hastôreta ny fitaovam-piadian’i Saoly; ary ny fatiny nahantony teo amin’ny mandan’i Bety-Seana#31.10 Bety-Seana: tanàna eo akaikin’ny ony Jôrdàna, tokony ho 75 km avy ao Jerosalema..
11Rehefa ren’ny mponin’i Jabesy-Gilehada#31.11 Jabesy-Gilehada: jereo 11.1 sy nta; io tanàna io dia 15 km ao atsimo atsinanan’i Bety-Seana. ny nataon’ny Filistinina tamin’i Saoly, 12dia niainga ny lehilahy maherifo rehetra ka nanao lava alina naka ny fatin’i Saoly sy ny fatin-janany teo amin’ny mandan’i Bety-Seana. Nony tafaverina tany Jabesy izy ireo, dia nodorany ny faty. 13Nangoniny ny taolambalony ka naleviny tao ambanin’ilay hazo tamariska tao Jabesy; ary nifady hanina nandritra ny fito andro ny olona mba ho fisaonana.
Currently Selected:
1 Samoela 31: DIEM
Highlight
Share
Copy
Want to have your highlights saved across all your devices? Sign up or sign in
Dikanteny Iombonana Eto Madagasikara © Malagasy Bible Society, 2004.