Romans 10
10
1I pho nia no tang, Israel tang ulun cham ang aa ta itinthin etho ning rangma Shkewa ma i romtam. 2Ning aa Shkewa tung aa raaq tathin chey ro eq aa ta nga ning ma miikkhi kot ang, etharin ning tinthin sha asing asam atol jamoq ang moq. 3Ning aa Shkewa asing sha sam moq, eshirangma ning aa ning ni ning asing sha kap ma tathin aa. Etho eshirangma ning aa Shkewa asing jakkhung o tong moq. 4Khristo thong sha tathun ang aa, irimal ang eq utang eq tho han ajo piq aa asing sha kapna.
Lunwan sha thaji ma
5Thong wang kapta asing tung aa raaq Moses aa irimal wit aa, “Bari miq rey eshi raaqkhat sha tat aa, piq eshiwang atharang tong na.” 6Etharin bari asing sha kam wang, iri tung aa raaq bat aa, “Nang aa ba tin o nak raaq u, Khristo sha sol kat ma mungtan náng utang wàng na?” 7“Irimal tho tathin ching ang moq, Khristo sha utik wang aluk náng sol wan rangma anim mingkang náng utang ka na?” 8Etharin chamlang ta raaq aa? “Raaq sha ba relna, ira ba nung na etho ba tin na.” Eshi kam raaq sha í phanchan i. 9Nim aa nim nung wang Jesu sha Teyhungwa ta sam eq raaq inn jo etho Shkewa piq tha amáng wang wey thajeyta ta han inn jo, nim aa ulun kap nin. 10Chammatakoi nim tin wang kam eq etho asing sha kap aa etho nung eq kam sha wungbat eq ulun ang aa. 11Asang likwit na bat aa, “Utang eq piq han aa, baluk o tho rakri moq angna.” 12Jehudi tang nia Gentile tang sha adak adak ang moq, chammatakoi Teyhungwa thaji rangma Teyhungwa etho piq haltey thaji rangma ahan sunmaan kot aa. 13Chammatakoi, “Teyhungwa miing haltey thaji shey lunwan kapna.”
14Etharin ning aa piq o han moq ang ajo, ning aa piq sha chammal jin halna? Etho ning piq tung aa raaq tat moq ang ajo piq shi chammal eq jin han na? Etho ning ma chamtey eq phanchan moq ang ajo ning aa chammal eq jin tat na? 15Etho utang eq takat moq ang ajo chamtey eq chammal eq jin phanchan na? Asang likwit na thawit aa, “Barey tungtang qhal phanchan aa, ning jaa shi chamtan ma qhal aa!” 16Etharin thaji eq eshi tungtang qhal tha tat moq angta. Chammatakoi Isaiah aa bat aa, “Teyhungwa, utang eq í tungtang qhal sha han ta?” 17Irimal ang ajo kam sha tat tungkang o etho utat sha Khristo tung aa raaq phanchan wang ang aa.
18Etharin nga pit phang, “Ning aa tat moq angta i?” Khakla o tat ta. Asang likwit na thawit aa,
“Ning tharaaq tha thaji mingkang náng chuwang ta,
ning raaq tha mingkang thun náng thuta.”
19Nga wey pit phang: Israel miqtang eq sam moq angta i? Phang sha Moses aa bat aa,
“Bara phan ajat ang moq ning tungkang o, nim tin o nga ngiljo hun náng,
Miqthom phan ajat tungkang o nga nim sha takhaq pha náng.”
20Isaiah tin thajong jamoq bat aa,
“Barey nga bi pha mong angta, ning aa nga kapta;
Barey ngama pit tho pit moq angta, ning o nga takhi táng.”
21Etharin Israel tung aa raaq piq aa bat aa, “Saalthing raaqkhat tat moqtey etho udan tey tha ijak lak eq ban ang.”
Currently Selected:
Romans 10: Muklom
Highlight
Share
Compare
Copy
Want to have your highlights saved across all your devices? Sign up or sign in
CC BY-NC-ND 4.0
