Roma 16

Salamuna Paul to Manga Mia Moparacaeana i Kota Roma

16:1-16

1Iaku gauku kupapomataukomiu tee samia witinaita bhawine mokosaroakana Febe. Incia o witinaita molaianina jamaʼa i Kota Kengkrea. 2Ingkomiu tabeana utarimaia roonamo uposaangu tee Kawasana Opu mboomo laengana ipewauna manga mia mosaalihi, tee ingkomiu tabeana utulungia ande afaraluu kahambamiu, roonamo incia padhamo atulungi mia bhari tee incia uka padhamo atulungiaku.

3 # Tul. 18:2. Pakawaakea o salamuku to Priskila tee Akila, siitumo manga sabhangkaku sakarajaa to Isa Al Masi. 4Manga incia padhamo ataa inyawana to apasalaamatiaku. Mencuana soo iaku mopotarimakaasina tee manga incia, maka bhari-bharia jamaʼa mominaakana i manga mia inda motolentuna miana Yahudi uka.

5Pakawaakea uka o salamuku to jamaʼa moporomusakana i bhanuana manga incia.

Salamuku to Epenetus witinai imaasiakaku; incia o mia mobhaa-bhaana moparacaeana tee Al Masi i Poropinsi Asia.#16:5 Poropinsi Asia: Saangu poropinsina pamarintana Roma tee ibu kotana i wakutuu incia sumai o Kota Efesus, momembalina tampa mbooresana Paul wakutuuna alaiani Kawasana Opu. Sii-sii o "Poropinsi Asia" sii adhaangia i weta i bhara i lipuna "Turki."

6Salamuku uka to Maria, mopadhana momanguleakana karona to ingkomiu.

7Salamu to Andronikus tee Yunias; manga witinai salipuku tee manga sabhangkaku i nuncana katorongku. Manga mia incia sii satotuuna manga mia molabhina motohoromatina i tanga-tangana manga rasulu mosagaanana tee aporikana manga incia moparacaeana tee Al Masi kasiimpo iaku.

8Salamu to Ampliatus o sabhangkaku roonamo ingkami taposaangu tee Kawasana Opu.

9Salamu to Urbanus, sabhangka sakarajaamami to Isa Al Masi, tee o salamu uka to Stakhis imaasiakaku.

10Salamu to Apeles, mia mopadhana molaloina kapancoba tee akobukutii ande incia atotuu-totuu amaasiaka Al Masi.

Salamu tee bhari-bharia miana bhanuana Aristobulus.

11Salamu to Herodion witinai salipuku.

Salamu tee bhari-bharia miana bhanuana Narkisus moparacaeana tee Kawasana Opu.

12Pakawaakea o salamuku to Trifena tee Trifosa, mokarajaana mosawunabukuna molaianina Kawasana Opu.

Salamu to Persis sabhangka imaasiakaku. Incia uka mokarajaana mosawunabukuna molaianina Kawasana Opu.

13 # Mrk. 15:21. Salamu to Rufus o mia mokokalabhia ipilina Kawasana Opu, tee o salamuku uka tee inana iabhiku mboomo inaku karoku.

14Salamu to Asinkritus, Flegon, Hermes, Patrobas, Hermas, tee uka manga witinai mosaʼagama mopoosena tee manga incia.

15Salamu to Filologus tee Yulia, Nereus tee witinaina bhawine, kasiimpo Olimpas, tee bhari-bharia mia mosaalihi mopoosena tee manga incia.

16Uposalasalamumo podho-podho ingkomiu tee salamu momangkilo mobukeakana kaasi.

Bhari-bharia jamaʼana Al Masi apakawaaka salamuna to ingkomiu.

Kaudhaniaka Kapadhaa

16:17-24

17E manga witinaiku, iaku kuemani mpuu mamudhaakana ukoengati tee manga mia moumbaakana giu mopapogaagaakomiu tee ukoengati tee mia mopasaladhalakomiu minaaka i kaadhari mopadhana ipengkaadhariakamiu. Rampaakanamo sumai upekaridhomea o karomiu minaaka i manga incia, 18roonamo manga mia incia sumai inda alaiani Isa Al Masi Oputa Momalanga, maka soo alaiani nawusuuna karona. Manga incia atipu manga mia momakatena incana tee bhoasaka mopekawuju tee momamekona rangoana.

19Kataʼatimiu arangomea bhari-bharia mia. Rampaakanamo sumai iaku kukaunde-undeakakomiumo. Iaku gauku ingkomiu uʼaarifuaka bhari-bharia giu momalape, tee umangkilo minaaka i bhari-bharia giu momadhaki.

20Aulataʼala o minaana dhadhi malape sumai bhealausaka apatungku ibilisi i tambena aemiu tee apahancurua.

Maasangia o Isa Oputa Momalanga abarakatikomiu.

21 # Tul. 16:1. Salamuna Timotius sabhangkaku sakarajaa to ingkomiu, tee uka o salamu minaaka i Lukius, Yason, tee Sosipater sabhangkaku mosalipuna tee iaku to ingkomiu.

22Iaku o Tertius mohambana moburina sura incia sii uka kupakawaaka salamuku to ingkomiu sampokanata moparacaeana tee Kawasana Opu.

23 # Tul. 19:29; 1Kor. 1:14; 2Tim. 4:20. Gayus modhawuakana tampana butunga to iaku (Paul) tee bhari-bharia jamaʼa alamboko salamuna uka to ingkomiu.

Erastus, bendaharana kota,#16:23 bendaharana kota: Maʼanana o mia motoparacaeaakana to mokenina doina Kota Korintus. tee Kwartus witinaita uka alamboko salamuna to ingkomiu.

24[Maasangia o Isa Al Masi Oputa Momalanga abarakatikomiu. Aamin.]#16:24 Maasangia o Isa Al Masi Oputa Momalanga abarakatikomiu. Aamin: Dhaangia uka o kaburi mosagaanana inda tee aeati incia sii.

Bhari-bharia Kamuliangi to Aulataʼala

16:25-27

25Atopujimo Aulataʼala! Incia akokuasa apekatangkaaka iimanimiu alaloi Lele Malape mominaakana i Aulataʼala mopadhana ipakoleleakaku pokaiana tee Isa Al Masi. Iaku kupakoleleaka lele incia sumai apokana mboomo mopadhana ipakawaakana Aulataʼala; siitumo pokaiana tee haejatina Aulataʼala pepuu minaaka i zamani momangenge mpuu. 26Maka sii-sii o rahasia incia sumai padhamo apakawaakea tee apakoleleakea to bhari-bharia lipu apokana tee parintana Aulataʼala mobakaa tee alaloi Kitabi Mangkilo minaaka i manga nabii, mamudhaakana manga incia aparacaea tee ataʼati tee Aulataʼala. 27Incia sakaro-karona o Aulataʼala, Incia o Kawasana Opu mobukeakana hikimati. Maasangia Incia atomuliangi saʼumurua alaloi Isa Al Masi! Aamin.

Currently Selected:

Roma 16: KMW

Highlight

Copy

Compare