Roma 10
10
1E manga witinaiku, kapeeluana ngangarandaku tee o doʼaku i Aulataʼala to miana Yahudi satotuuna mamudhaakana manga incia amembali atopasalaamati. 2Tee iaku kubarani kudhawuaka kasakusiiku to manga incia, ande manga incia ampuu-mpuu aʼusaha to alaiani Aulataʼala, maka o usahana sumai inda apewaua tee fahamu mobanara. 3Manga incia inda amataua o kabanarana Aulataʼala tee rampaakanamo manga incia aʼusaha to aose kabanarana karona, mbakanamo manga incia inda atungku tee kabanarana Aulataʼala.
Tatopabanara Rampaakanamo Kaparacaeata
10:4-15
4Sainamo tujuana kapadhaana Hukumuna Taurati sumai satotuuna o Al Masi, sabutuna o kabanara apotibhaakea bhari-bharia mia moparacaeaia. 5#Im. 18:5.Roonamo Nabii Musa aburi pokaiana tee mia motopabanarana molaloina kataʼatina tee tuturana Hukumuna Taurati, siitumo, "Mia motoabhina mobanara i aroana Aulataʼala tabeana adhadhi aose bhari-bharia tuturana Hukumuna Taurati sumai." 6-7#Kap. 30:12-14.Maka satotuuna o maanusia amembali atopabanara i aroana Aulataʼala tangkanamo tee kaparacaeana mpuu tee Al Masi. Giu incia sumai apokana tee parintana Aulataʼala modhaangiana i nuncana Kitabi Momangkilo motoburina mboo sii, "Bholi upogau i nuncana ngangarandamu, 'Ingkomiu inda ufaraluu upene sakawana i bhawona laiana atawa usapo i tambena alamu.' " Roonamo parinta incia sumai apogauaka pokaiana tee Al Masi. Maʼanana, "Ingkomiu inda afaraluu upeelo dhala sakawana i sorogaa to amembaliaka upasapo Al Masi i dunia mamudhaakana atulungikomiu. Tee ingkomiu uka inda afaraluu usapo i bhalona alamuna mia mate to upapeneaka Al Masi iwe sii. Roonamo Al Masi amakasumo tee ingkita."
8Jadi, dhalana kasalaamati ipakoleleakamami sii inda amarasai: Soo uparacaeamo! Cara incia sii uka apokana tee firimani modhaangiana i nuncana Kitabi Momangkilo motoburina mboo sii, "Dhalana kasalaamati mobanara mominaakana i Aulataʼala amakasumo tee ingkomiu, siitumo i nuncana ngangamiu tee i nuncana ngangarandamiu." 9Roonamo ande uʼakuia tee ngangamiu ande o Isa Al Masi sumai satotuuna o Kawasana Opu, tee uparacaeaia i nuncana ngangarandamiu ande o Aulataʼala padhamo apadhadhi pendua Al Masi minaaka i mate, tee mboo sumai ingkomiu bheutopasalaamati. 10Roonamo wakutuuna o giu incia sumai taparacaeaia i nuncana ngangarandata, ingkita tatopabanara i aroana Aulataʼala. Tee wakutuuna tatotuu-totuu tamangaku tamembali mia moosena Al Masi, ingkita bhetatopasalaamati. 11#Yes. 28:16.Tee i nuncana Kitabi Momangkilo atoburi mboo sii, "Incema-incema moparacaeana tee Incia, inda bheatopekaea." 12Firimani incia sumai to bhari-bharia maanusia, malape miana Yahudi atawa o mia inda motolentuna miana Yahudi. Roonamo tangkanamo sakaro-karona o Aulataʼala momembalina Kawasana Opuna bhari-bharia mia tee ataralabhi-labhi mpuu adhawuaka kabarakatina to manga mia moemanina katulungina. 13#Yol. 2:32. "Rampaakanamo sumai, bhari-bharia mia moemanina katulungi i Kawasana Opu bheatopasalaamati."
14Maka tuaapa manga incia amembali aemani tulungi i Kawasana Opu ande manga incia inda aparacaeaia? Tuaapa manga incia aparacaeaia ande manga incia indapo arango lelena? Tuaapa manga incia arango lelena ande inda dhaangia manga mia mopakoleleakea? 15#Yes. 52:7.Tuaapa amembali manga mia apakoleleaka lelena ande inda atolamboko? Mboomo mopadhana motoburina i nuncana Kitabi Momangkilo, "Amakesa mpuu o umbaana manga mia mobhawana lele malape minaaka i Aulataʼala!"
Abhari o Miana Yahudi Inda Moparacaeana tee Kitabi Momangkilo
10:16-21
16 #
Yes. 53:1. Moomini mboo sumai, inda bhari-bharia mia aparacaea tee Lele Malape sumai, mboomo ipogauakana Nabii Yesaya, "E Kawasana Opu, incema moparacaeana tee lele ipakoleleakamami?" 17Jadi o kaparacaeana manga mia aumba minaaka i porangona, tee opea irangona aumba alaloi mia mopakoleleakana lelena Al Masi. 18#Zab. 19:5.Maka iaku kuabha, "Buaka manga incia indapo arangoa o lele incia sumai?" Atantumo manga incia arangoa! Roonamo i nuncana Kitabi Momangkilo atoburi mboo sii,
"Suarana manga incia atorangomo i saangua dunia,
tee o pogauna manga incia akawamo i tapana alamu."
19 #
Kap. 32:21. Iaku kuabha pendua, "Buaka o miana Israel indapo amaʼanaia o Lele Malape sumai? Bhaa-bhaana tabeana tamataua ande o Aulataʼala padhamo apogauakea tee Nabii Musa mboo sii,
"Iaku bhekupamembali ngangarandamiu akaura-ura tee manga mia inda motosarongina 'uumatiku,'
tee Iaku bhekupamembalikomiu uʼamara tee lipu mokabhongo-bhongo."
20 #
Yes. 65:1-2. Mencuana soo incia sumai, maka tee kabaranina uka o Nabii Yesaya apakawaaka firimanina Aulataʼala tee apogau mboo sii,
"Iaku apotibhaakaaku manga mia inda mopeeloaku,
Iaku uka kuunda kupatomatauaka karoku to manga mia inda moabhaakaaku."
21Maka to miana Israel, siimo firimanina Aulataʼala ipakawaakana Nabii Yesaya, "Saeoa kupaulu limaku to lipu modorohaka tee lipu momentagali."
Currently Selected:
Roma 10: KMW
Highlight
Copy
Compare
Share
Want to have your highlights saved across all your devices? Sign up or sign in
Ongoing © Wycliffe Bible Translators, Inc
Roma 10
10
1E manga witinaiku, kapeeluana ngangarandaku tee o doʼaku i Aulataʼala to miana Yahudi satotuuna mamudhaakana manga incia amembali atopasalaamati. 2Tee iaku kubarani kudhawuaka kasakusiiku to manga incia, ande manga incia ampuu-mpuu aʼusaha to alaiani Aulataʼala, maka o usahana sumai inda apewaua tee fahamu mobanara. 3Manga incia inda amataua o kabanarana Aulataʼala tee rampaakanamo manga incia aʼusaha to aose kabanarana karona, mbakanamo manga incia inda atungku tee kabanarana Aulataʼala.
Tatopabanara Rampaakanamo Kaparacaeata
10:4-15
4Sainamo tujuana kapadhaana Hukumuna Taurati sumai satotuuna o Al Masi, sabutuna o kabanara apotibhaakea bhari-bharia mia moparacaeaia. 5#Im. 18:5.Roonamo Nabii Musa aburi pokaiana tee mia motopabanarana molaloina kataʼatina tee tuturana Hukumuna Taurati, siitumo, "Mia motoabhina mobanara i aroana Aulataʼala tabeana adhadhi aose bhari-bharia tuturana Hukumuna Taurati sumai." 6-7#Kap. 30:12-14.Maka satotuuna o maanusia amembali atopabanara i aroana Aulataʼala tangkanamo tee kaparacaeana mpuu tee Al Masi. Giu incia sumai apokana tee parintana Aulataʼala modhaangiana i nuncana Kitabi Momangkilo motoburina mboo sii, "Bholi upogau i nuncana ngangarandamu, 'Ingkomiu inda ufaraluu upene sakawana i bhawona laiana atawa usapo i tambena alamu.' " Roonamo parinta incia sumai apogauaka pokaiana tee Al Masi. Maʼanana, "Ingkomiu inda afaraluu upeelo dhala sakawana i sorogaa to amembaliaka upasapo Al Masi i dunia mamudhaakana atulungikomiu. Tee ingkomiu uka inda afaraluu usapo i bhalona alamuna mia mate to upapeneaka Al Masi iwe sii. Roonamo Al Masi amakasumo tee ingkita."
8Jadi, dhalana kasalaamati ipakoleleakamami sii inda amarasai: Soo uparacaeamo! Cara incia sii uka apokana tee firimani modhaangiana i nuncana Kitabi Momangkilo motoburina mboo sii, "Dhalana kasalaamati mobanara mominaakana i Aulataʼala amakasumo tee ingkomiu, siitumo i nuncana ngangamiu tee i nuncana ngangarandamiu." 9Roonamo ande uʼakuia tee ngangamiu ande o Isa Al Masi sumai satotuuna o Kawasana Opu, tee uparacaeaia i nuncana ngangarandamiu ande o Aulataʼala padhamo apadhadhi pendua Al Masi minaaka i mate, tee mboo sumai ingkomiu bheutopasalaamati. 10Roonamo wakutuuna o giu incia sumai taparacaeaia i nuncana ngangarandata, ingkita tatopabanara i aroana Aulataʼala. Tee wakutuuna tatotuu-totuu tamangaku tamembali mia moosena Al Masi, ingkita bhetatopasalaamati. 11#Yes. 28:16.Tee i nuncana Kitabi Momangkilo atoburi mboo sii, "Incema-incema moparacaeana tee Incia, inda bheatopekaea." 12Firimani incia sumai to bhari-bharia maanusia, malape miana Yahudi atawa o mia inda motolentuna miana Yahudi. Roonamo tangkanamo sakaro-karona o Aulataʼala momembalina Kawasana Opuna bhari-bharia mia tee ataralabhi-labhi mpuu adhawuaka kabarakatina to manga mia moemanina katulungina. 13#Yol. 2:32. "Rampaakanamo sumai, bhari-bharia mia moemanina katulungi i Kawasana Opu bheatopasalaamati."
14Maka tuaapa manga incia amembali aemani tulungi i Kawasana Opu ande manga incia inda aparacaeaia? Tuaapa manga incia aparacaeaia ande manga incia indapo arango lelena? Tuaapa manga incia arango lelena ande inda dhaangia manga mia mopakoleleakea? 15#Yes. 52:7.Tuaapa amembali manga mia apakoleleaka lelena ande inda atolamboko? Mboomo mopadhana motoburina i nuncana Kitabi Momangkilo, "Amakesa mpuu o umbaana manga mia mobhawana lele malape minaaka i Aulataʼala!"
Abhari o Miana Yahudi Inda Moparacaeana tee Kitabi Momangkilo
10:16-21
16 #
Yes. 53:1. Moomini mboo sumai, inda bhari-bharia mia aparacaea tee Lele Malape sumai, mboomo ipogauakana Nabii Yesaya, "E Kawasana Opu, incema moparacaeana tee lele ipakoleleakamami?" 17Jadi o kaparacaeana manga mia aumba minaaka i porangona, tee opea irangona aumba alaloi mia mopakoleleakana lelena Al Masi. 18#Zab. 19:5.Maka iaku kuabha, "Buaka manga incia indapo arangoa o lele incia sumai?" Atantumo manga incia arangoa! Roonamo i nuncana Kitabi Momangkilo atoburi mboo sii,
"Suarana manga incia atorangomo i saangua dunia,
tee o pogauna manga incia akawamo i tapana alamu."
19 #
Kap. 32:21. Iaku kuabha pendua, "Buaka o miana Israel indapo amaʼanaia o Lele Malape sumai? Bhaa-bhaana tabeana tamataua ande o Aulataʼala padhamo apogauakea tee Nabii Musa mboo sii,
"Iaku bhekupamembali ngangarandamiu akaura-ura tee manga mia inda motosarongina 'uumatiku,'
tee Iaku bhekupamembalikomiu uʼamara tee lipu mokabhongo-bhongo."
20 #
Yes. 65:1-2. Mencuana soo incia sumai, maka tee kabaranina uka o Nabii Yesaya apakawaaka firimanina Aulataʼala tee apogau mboo sii,
"Iaku apotibhaakaaku manga mia inda mopeeloaku,
Iaku uka kuunda kupatomatauaka karoku to manga mia inda moabhaakaaku."
21Maka to miana Israel, siimo firimanina Aulataʼala ipakawaakana Nabii Yesaya, "Saeoa kupaulu limaku to lipu modorohaka tee lipu momentagali."
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ongoing © Wycliffe Bible Translators, Inc