Roma 9
9
Uumati Ipilina Aulataʼala
9:1-29
1Iaku kupogauaka kabanara roonamo kuposaangu tee Isa Al Masi tee iaku inda kugau-gau, sampe o ngangarandaku ikuasaina Rohina Aulataʼala sii amembali sakusiiku 2ande incaku amaasi, tee o ngangarandaku inda aunto-unto amaporo. 3Iaku uka kurela ande atundaaku Aulataʼala tee kupogaa tee Isa Al Masi, ande o giu incia sumai to kutulungiaka manga witinaiku mosalipuna tee iaku. 4#Limb. 4:22.Manga incia sii satotuuna o miana Israel, tee manga incia aangkea amembali anana Aulataʼala tee padhamo atarima kamuliangi, atarima manga pojanjia, atarima Hukumuna Taurati, atarima tuturana ibaadati, tee atarima sagala giuna janjina Aulataʼala. 5Manga incia satotuuna o siwuluna opu-opuata ipilina Aulataʼala, tee aminaaka i tanga-tangana manga incia o Isa Al Masi alaahiri amembali maanusia. Incia atopekalanga minaaka i bhari-bharia giu, tee Incia o Aulataʼala molaengana ipuji saʼumurua. Aamin!
6Moomini mboo sumai, iaku inda kupogauaka ande o firimanina Aulataʼala indamo atopake. Roonamo inda bhari-bharia mia mominaakana i lipuna Israel o miana Israel, 7#Bhaa. 21:12.tee inda bhari-bharia anana Nabii Ibrahim atosarongi uka siwuluna Nabii Ibrahim mototuu-totuuna, maka mboomo mopadhana motoburi, "Tangkanamo siwuluna Ishak bhemotosarongina siwulumu." 8Maʼanana, inda bhari-bharia mia mominaakana i siwuluna Nabii Ibrahim amembali atosarongi anana Aulataʼala, maka tangkanamo siwulu mominaakana i pojanjiana Aulataʼalamea motosarongina siwuluna Nabii Ibrahim. 9#Bhaa. 18:10.Roonamo janjina Aulataʼala mboo sii, "I tao i aroa i bula mopokana tee bula incia sii, Iaku bhekuumba pendua, tee o Sarah bheapalaahirimo samia ana umane."
10Mencuana soo incia sumai, maka o Ribka uka apalaahiri rua mia ana umane minaaka i samia ama, siitumo Nabii Ishak opu-opuata. 11Maka wakutuuna rua miaia anaana sumai indapo alaahiri, Aulataʼala padhamo apatotapuaka bheipilina sapadhana sumai. Opea ipilina Aulataʼala sumai inda aose opea momembalina ipewauna maanusia, maka aose kakembana Aulataʼala. Roonamo wakutuuna rua miaia anana Ribka sumai indapo amembali apewau giu malape atawa o giu madhaki, 12#Bhaa. 25:23.Aulataʼala padhamo apogau tee Ribka, "Ana tumpemu bheamembali bhatuana andina." 13#Mal. 1:2-3.I nuncana Kitabi Momangkilo atoburi ande o Aulataʼala apogau mboo sii, "Yakub kumaasiakea, maka o Esau kubancia."
14Ande mboo sumai, opea bheipogauakata? Buaka o Aulataʼala inda aʼadili? Inda, Aulataʼala sumai aʼadili mpuu! 15#Limb. 33:19.Roonamo Aulataʼala apogau tee Nabii Musa,
"Iaku bhekudhawuaka kaasiku to mia imaasiakaku,
tee Iaku bhekupekalulu incaku to incema bheipekaluluakana incaku."
16Jadi o giu incia sumai mencuana rampaakanamo kapeeluana maanusia atawa o usahana maanusia, maka aminaaka i kaasina Aulataʼala. 17#Limb. 9:16.Roonamo i nuncana Kitabi Momangkilo Aulataʼala apogau tee Firaun, "Iaku kuangkako umembali samia raja mamudhaakana ususuaka kuasaku tee upakoleleaka saroku i saangua dunia." 18Jadi o Aulataʼala adhika kaasina incana to incemapo uka ipilina, tee apekakaa incana to mia ipilina.
19Sii-sii ingkomiu koroo bheupogau tee iaku, "Ande mboo itu, apokia o Aulataʼala dhaangiapo uka apasala maanusia? Incema buaka momembalina mobhalina kapeeluana Aulataʼala?" 20#Yes. 29:16; 45:9.E maanusia, incema buaka ingkomiu mbakana ubarani utagali Aulataʼala? Amembali buaka o giu motokarajaa aabha i mia mokarajaaia, "Apokia ukarajaaku mboo sii?" 21Buaka o pande poluka inda tee hakuna tee tana reona? Atantumo dhaangia, pande poluka akohaku akarajaa opeapo uka ipeeluna. Roonamo minaaka i satongka tana mopokana incia amembali akarajaa saangu bara momulia, tee amembali uka akarajaa bara inda momulia. 22Mboomo uka tee Aulataʼala. Incia tee kuasana to akarajaa opeapo uka ipeeluna tee ingkita maanusia. Incia tee hakuna to ahukumu mia madhaki tee apatokamata kuasana. Maka Incia asabara tee manga mia mopewauna giu ipamuruakana tee molaengana motohukumuna saʼumurua. 23Tee cara incia sumai, Incia asusuaka kabharina kamuliangina to manga bara imaasiakana tee mopadhana ipasiapuakana to motarimana kaasina, siitumo ingkita. 24Ingkitamo o manga mia mopadhana ikembana, tee mencuana soo miana Yahudi, maka o mia inda motolentuna miana Yahudi uka. 25#Hos. 2:22.Giu incia sumai apokana tee firimanina Aulataʼala mopadhana ipakawaakana alaloi Nabii Hosea,
"Manga mia inda motolentuna uumatiku bhekusarongia 'uumatiku,'
tee manga mia inda imaasiakaku bhekusarongia 'mia imaasiakaku.'
26 #
Hos. 1:10. Tee i tampa mopadhana ipogauakaku to manga incia mboo sii,
'Ingkomiu sii mencuana uumatiku,'
iwe sumai manga incia bheatosarongi, 'Manga anana Aulataʼala modhadhi.' "
27 #
Yes. 10:22-23. Nabii Yesaya uka apogau mboo sumai to miana Israel,
"Moomini o kabharina siwuluna Israel mboo kabharina bhone i tawo,
maka tangkanamo saidhemea bhemosalaamatina.
28Roonamo opea ifirimaniakana bheasangka tee amadhei
apewaua Kawasana Opu i bhawona alamu sii."
29 #
Yes. 1:9. Tee mboomo mopadhana ipogauakana Yesaya,
"Ande o Kawasana Opu Mokuasaina alamu inda mangabholiaka siwulu,
sumaimo ingkita tatopabinasa mboomo Kota Sodom tee Kota Gomora."
Manga Miana Yahudi Aose Dhala Mosala to Apotibhaaka Kabanara
9:30--10:3
30Ande mboo sumai, opea momembalina ipogauakata? Manga mia inda motolentuna miana Yahudi inda mopeelona kabanara, apotibhaakamo kabanara, siitumo kabanara mominaakana i iimani. 31Maka o miana Yahudi mompuu-mpuuna incana mopeelona kabanarana Hukumuna Taurati inda amembali aose o hukumu incia sumai. 32Apokia manga incia inda amembali aose o hukumu incia sumai? Roonamo manga incia inda aosea tee iimani, maka manga incia aosea tee pewauna karona. Manga incia atosunu i bhatu itosunuaka,#9:32 bhatu itosunuaka: Siitumo Isa, roonamo dhaangia o mia inda moparacaeana tee momandawuna, maka dhaangia uka o mia moparacaeana tee o dhalana indamo tee mojolia. 33#Yes. 28:16.mboomo mopadhana motoburina i nuncana Kitabi Momangkilo,
"Kamatamea, Iaku padhamo kudhika saangu bhatu itosunuakana mia i Gunu Sion,
siitumo saangu bhatu maoge imanduliakana mia,
tee o mia moparacaeana tee Incia inda bheatopekaea."
Currently Selected:
Roma 9: KMW
Highlight
Copy
Compare
Share
Want to have your highlights saved across all your devices? Sign up or sign in
Ongoing © Wycliffe Bible Translators, Inc
Roma 9
9
Uumati Ipilina Aulataʼala
9:1-29
1Iaku kupogauaka kabanara roonamo kuposaangu tee Isa Al Masi tee iaku inda kugau-gau, sampe o ngangarandaku ikuasaina Rohina Aulataʼala sii amembali sakusiiku 2ande incaku amaasi, tee o ngangarandaku inda aunto-unto amaporo. 3Iaku uka kurela ande atundaaku Aulataʼala tee kupogaa tee Isa Al Masi, ande o giu incia sumai to kutulungiaka manga witinaiku mosalipuna tee iaku. 4#Limb. 4:22.Manga incia sii satotuuna o miana Israel, tee manga incia aangkea amembali anana Aulataʼala tee padhamo atarima kamuliangi, atarima manga pojanjia, atarima Hukumuna Taurati, atarima tuturana ibaadati, tee atarima sagala giuna janjina Aulataʼala. 5Manga incia satotuuna o siwuluna opu-opuata ipilina Aulataʼala, tee aminaaka i tanga-tangana manga incia o Isa Al Masi alaahiri amembali maanusia. Incia atopekalanga minaaka i bhari-bharia giu, tee Incia o Aulataʼala molaengana ipuji saʼumurua. Aamin!
6Moomini mboo sumai, iaku inda kupogauaka ande o firimanina Aulataʼala indamo atopake. Roonamo inda bhari-bharia mia mominaakana i lipuna Israel o miana Israel, 7#Bhaa. 21:12.tee inda bhari-bharia anana Nabii Ibrahim atosarongi uka siwuluna Nabii Ibrahim mototuu-totuuna, maka mboomo mopadhana motoburi, "Tangkanamo siwuluna Ishak bhemotosarongina siwulumu." 8Maʼanana, inda bhari-bharia mia mominaakana i siwuluna Nabii Ibrahim amembali atosarongi anana Aulataʼala, maka tangkanamo siwulu mominaakana i pojanjiana Aulataʼalamea motosarongina siwuluna Nabii Ibrahim. 9#Bhaa. 18:10.Roonamo janjina Aulataʼala mboo sii, "I tao i aroa i bula mopokana tee bula incia sii, Iaku bhekuumba pendua, tee o Sarah bheapalaahirimo samia ana umane."
10Mencuana soo incia sumai, maka o Ribka uka apalaahiri rua mia ana umane minaaka i samia ama, siitumo Nabii Ishak opu-opuata. 11Maka wakutuuna rua miaia anaana sumai indapo alaahiri, Aulataʼala padhamo apatotapuaka bheipilina sapadhana sumai. Opea ipilina Aulataʼala sumai inda aose opea momembalina ipewauna maanusia, maka aose kakembana Aulataʼala. Roonamo wakutuuna rua miaia anana Ribka sumai indapo amembali apewau giu malape atawa o giu madhaki, 12#Bhaa. 25:23.Aulataʼala padhamo apogau tee Ribka, "Ana tumpemu bheamembali bhatuana andina." 13#Mal. 1:2-3.I nuncana Kitabi Momangkilo atoburi ande o Aulataʼala apogau mboo sii, "Yakub kumaasiakea, maka o Esau kubancia."
14Ande mboo sumai, opea bheipogauakata? Buaka o Aulataʼala inda aʼadili? Inda, Aulataʼala sumai aʼadili mpuu! 15#Limb. 33:19.Roonamo Aulataʼala apogau tee Nabii Musa,
"Iaku bhekudhawuaka kaasiku to mia imaasiakaku,
tee Iaku bhekupekalulu incaku to incema bheipekaluluakana incaku."
16Jadi o giu incia sumai mencuana rampaakanamo kapeeluana maanusia atawa o usahana maanusia, maka aminaaka i kaasina Aulataʼala. 17#Limb. 9:16.Roonamo i nuncana Kitabi Momangkilo Aulataʼala apogau tee Firaun, "Iaku kuangkako umembali samia raja mamudhaakana ususuaka kuasaku tee upakoleleaka saroku i saangua dunia." 18Jadi o Aulataʼala adhika kaasina incana to incemapo uka ipilina, tee apekakaa incana to mia ipilina.
19Sii-sii ingkomiu koroo bheupogau tee iaku, "Ande mboo itu, apokia o Aulataʼala dhaangiapo uka apasala maanusia? Incema buaka momembalina mobhalina kapeeluana Aulataʼala?" 20#Yes. 29:16; 45:9.E maanusia, incema buaka ingkomiu mbakana ubarani utagali Aulataʼala? Amembali buaka o giu motokarajaa aabha i mia mokarajaaia, "Apokia ukarajaaku mboo sii?" 21Buaka o pande poluka inda tee hakuna tee tana reona? Atantumo dhaangia, pande poluka akohaku akarajaa opeapo uka ipeeluna. Roonamo minaaka i satongka tana mopokana incia amembali akarajaa saangu bara momulia, tee amembali uka akarajaa bara inda momulia. 22Mboomo uka tee Aulataʼala. Incia tee kuasana to akarajaa opeapo uka ipeeluna tee ingkita maanusia. Incia tee hakuna to ahukumu mia madhaki tee apatokamata kuasana. Maka Incia asabara tee manga mia mopewauna giu ipamuruakana tee molaengana motohukumuna saʼumurua. 23Tee cara incia sumai, Incia asusuaka kabharina kamuliangina to manga bara imaasiakana tee mopadhana ipasiapuakana to motarimana kaasina, siitumo ingkita. 24Ingkitamo o manga mia mopadhana ikembana, tee mencuana soo miana Yahudi, maka o mia inda motolentuna miana Yahudi uka. 25#Hos. 2:22.Giu incia sumai apokana tee firimanina Aulataʼala mopadhana ipakawaakana alaloi Nabii Hosea,
"Manga mia inda motolentuna uumatiku bhekusarongia 'uumatiku,'
tee manga mia inda imaasiakaku bhekusarongia 'mia imaasiakaku.'
26 #
Hos. 1:10. Tee i tampa mopadhana ipogauakaku to manga incia mboo sii,
'Ingkomiu sii mencuana uumatiku,'
iwe sumai manga incia bheatosarongi, 'Manga anana Aulataʼala modhadhi.' "
27 #
Yes. 10:22-23. Nabii Yesaya uka apogau mboo sumai to miana Israel,
"Moomini o kabharina siwuluna Israel mboo kabharina bhone i tawo,
maka tangkanamo saidhemea bhemosalaamatina.
28Roonamo opea ifirimaniakana bheasangka tee amadhei
apewaua Kawasana Opu i bhawona alamu sii."
29 #
Yes. 1:9. Tee mboomo mopadhana ipogauakana Yesaya,
"Ande o Kawasana Opu Mokuasaina alamu inda mangabholiaka siwulu,
sumaimo ingkita tatopabinasa mboomo Kota Sodom tee Kota Gomora."
Manga Miana Yahudi Aose Dhala Mosala to Apotibhaaka Kabanara
9:30--10:3
30Ande mboo sumai, opea momembalina ipogauakata? Manga mia inda motolentuna miana Yahudi inda mopeelona kabanara, apotibhaakamo kabanara, siitumo kabanara mominaakana i iimani. 31Maka o miana Yahudi mompuu-mpuuna incana mopeelona kabanarana Hukumuna Taurati inda amembali aose o hukumu incia sumai. 32Apokia manga incia inda amembali aose o hukumu incia sumai? Roonamo manga incia inda aosea tee iimani, maka manga incia aosea tee pewauna karona. Manga incia atosunu i bhatu itosunuaka,#9:32 bhatu itosunuaka: Siitumo Isa, roonamo dhaangia o mia inda moparacaeana tee momandawuna, maka dhaangia uka o mia moparacaeana tee o dhalana indamo tee mojolia. 33#Yes. 28:16.mboomo mopadhana motoburina i nuncana Kitabi Momangkilo,
"Kamatamea, Iaku padhamo kudhika saangu bhatu itosunuakana mia i Gunu Sion,
siitumo saangu bhatu maoge imanduliakana mia,
tee o mia moparacaeana tee Incia inda bheatopekaea."
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ongoing © Wycliffe Bible Translators, Inc