Wahiyuu 13
13
Binata Molimbana Minaaka i Nuncana Tawo
13:1-10
1 #
Dan. 7:3; Wah. 17:3; 17:7-12. Kasiimpo kukamata uka sambaa Binata Masega atiumba minaaka i nuncana tawo. Incia akotandu sapulu angu tee akobhaa pitu angu. I manga tanduna dhaangia sapulu angu mahakota, tee i manga bhaana atoburiaka manga saro mohinana Aulataʼala. 2#Dan. 7:4-6. Binata Masega ikamataku sumai o bhanguna mboomo harimau mokotanda-tanda, maka o aena mboomo aena beruang tee o ngangana mboomo ngangana singa. Naga sumai adhawuaka to Binata Masega sumai o kakaana, kauncuramakana, tee kakuasana momaoge. 3Sala saangu bhaana minaaka i pitu angua bhaana Binata Masega sumai mboomo dhaangia tee kambela imateaka, maka o kambela imateaka sumai auntomo. Saangua dunia amente tee aose Binata Masega sumai. 4Manga incia asomba naga sumai, roonamo incia padhamo adhawuaka kuasana i Binata Masega sumai. Kasiimpo manga incia asomba uka Binata Masega incia sumai tee aabha, "Incema mopokanana tee Binata Masega incia sii? Incema buaka momembalina moewangia?"
5 #
Dan. 7:8; 7:25; 11:36. Binata Masega sumai adhawuakea muncu to asomboaka karona tee ahina Aulataʼala tee incia atarima kuasa to apewaua kangengena pata pulu rua mbula. 6Sabutuna incia abungkale muncuna tee ahina sarona Aulataʼala tee tampa mbooresana tee bhari-bharia mia momboorena i sorogaa. 7#Dan. 7:21. Binata Masega sumai adhawuakea uka kuasa to abhali manga mia mosaalihi tee apekatalo manga incia, tee adhawuakea uka haku to aparinta bhari-bharia pogau, kaomu, suku, tee lipu. 8#Zab. 69:29. Bhari-bharia mia i dunia bheasombaia, siitumo manga mia inda motoburina sarona#13:8 inda motoburina sarona i nuncana Bokuna Mia Modhadhina i Sorogaa: Atawa amembali uka, "Motoburina minaaka wakutuuna alamu atopadhaangia i nuncana Bokuna Mia Modhadhi i Sorogaa." minaaka i wakutuuna dunia atopadhaangia i nuncana Kitabina Mia Modhadhina i Sorogaa; boku incia sii o pewauana Anana Dumba motosumbele.
9Incema mokotalingana, incia tabeana aporango!
10 #
Yer. 15:2; 43:11. Mia itantuaka to atotaangi,
dhaanamo bheatotaangi;
mia itantuaka to atopekamate tee hancu,
dhaanamo bheatopekamate tee hancu.
I nuncana giu incia sii bhari-bharia mia mosaalihi tabeana asabara tee akoʼiimani.
Binata Molimbana minaaka i Nuncana Tana
13:11-18
11Kasiimpo iaku uka kukamata sambaa binata mosagaanana molimbana minaaka i nuncana tana. Binata incia sii akotandu rua angu mboomo tanduna anana dumba tee ande apogau o suarana mboomo sambaa naga. 12I aroana binata mobhaa-bhaana, binata incia sii uka apakea o hakuna to aparinta mopadhana itarimana minaaka i Binata Masega mobhaa-bhaana sumai. Saangua dunia tee bhari-bharia momboorena i nuncana apakisaaia to asomba i Binata Masega mobhaa-bhaana mountona minaaka i kambelana imateaka sumai. 13Incia uka apadhaangia manga tanda inda momentela. I aroana manga mia, binata i rua mbaana incia sii uka apasapo waa minaaka i laiana tee apasapoa i bhawona dunia. 14Rampaakanamo incia apewau manga tanda inda momentela tee kuasa itarimana minaaka i Binata Masega sumai, binata i rua mbaana apasaladhala manga mia momboorena i bhawona dunia. Incia atumpu manga mia sumai to apakaro saangu patu barahala mokobhanguna mboomo Binata Masega mobhaa-bhaana momambelana minaaka i hancu, maka dhaangiapo adhadhi. 15Binata i rua mbaana sii amembali adhawuakea inyawa to patuna Binata Masega mobhaa-bhaana sumai, sabutuna o patu sumai amembali apogau tee apekamate bhari-bharia mia inda mosombaia. 16Bhari-bharia mia, malape kaogesa atawa o mia maidhiidhi, morangkaeana atawa momisikinina, malape o bhatua atawa o maradhika, apakisaaia binata sumai to atarima tanda i lima kaanana atawa i bhawona rouna manga incia. 17Inda samia uka momembalina mopoali poasona, maka tabeana manga incia mopakena tanda incia sumai, siitumo sarona Binata Masega incia sumai atawa o nomoro mosusuakana sarona.
18I nuncana giu incia sii tabeana afaraluu hikimati. Mia moʼaarifu tabeana agagari maʼanana nomorona Binata Masega sumai, roonamo nomoro sumai asusuaka sarona samia maanusia. Nomoro sumai satotuuna 666.#13:18 666: Aposala-sala o fikirina mia pokaina tee incema imakusuduakana tee angka incia sii. Maka itarimana sagaa minaaka i fikirina mia bhari, nomoro incia sii to asarongiaka Kaisar Nero mominaakana i Pamarintana Roma. I nuncana buri Ibrani, maʼanana nomoro incia sii aminaaka i jumlaana sarona "Kaisar Nero" siitumo 666. Roonamo saasaahorufu kaburi i nuncana pogau Ibrani dhaangia tee maʼanana. Jadi ande o nomorona sarona mia talentuakea saasaahorofu minaaka i jumlaana sarona, sumaimo nomoro incia sumai amembali awakiliaka sarona.
Currently Selected:
Wahiyuu 13: KMW
Highlight
Copy
Compare
Share
Want to have your highlights saved across all your devices? Sign up or sign in
Ongoing © Wycliffe Bible Translators, Inc
