Ennanga 3
3
Omusengero gw’esêzi gw’omuntu oli omu marhabi
1Lulanga. Lwa Daudi. Amango al’iyasire omugala Absalomi.
2Nyakasane, baluzire nka nzige
abantezire bali banji-banji.
3Bali mwandu, abadwîrhe banshumika,
mpu: «Ntâkwo Nnâmahanga ankacimuciza!»
4Ci we mpenzi yâni, Nyamwagirwa,
we irenge lyâni we n’ihungiro lyâni.
5Nkayâkûza Nyakasane anayumve
anayumve izù lyâni oku ntondo yâge ntagatîfu.
6Ngwîshîre, mpunzire, nsinsimusire,
erhi Nnâmahanga ye nnancîkubagîre.
7Ntumvîrhi ngwêrhwe n’obwôba
bw’ezîra ngabo zingosire.
8Zûka, zûka, Nnâmahanga!
ontenze omu marhabi, mâshi Nyakasane!
Enzigo zâni ozikolere buligo
eyo mihera erhacisigalanaga ciru n’elîno lyo linyi ekanwa.
9Nêci, Nyamuzinda ye ciza,
Waliha, we bwangà bw’olubaga lwâwe!
Mashi Bible © BUKAVU Archdiocese of Bukavu, 2024.