Marko 1

I. Yowane mubatiza ayigîriz’abantu na Yezu arhondêra omukolo.

Enyigîrizo za Yowane, mushokolezi wa Yezu

(Mat 3, 1-12; Luk 3, 3-17)

1Omurhondêro gw’Emyanzi y'Akalembe ya Yezu Kristu, Mwene-Nyamuzinda. 2Nka kulya biyandisirwe n’omulêbi Izaya: Niene ntumire entumwa yâni embere zâwe, ekukombêreze enjira. 3Izù ly’odwîrhe ayakûliza omu irungu: Rheganyagi enjira za Nyakasane, yumanyanyagi bwinjà aha agera. 4Yowane acîyêrekana omu irungu. Akâg’iyigîriza abantu obubatizo bw’okucîyunjuza, lyo bababalirwa ebyâha. 5Bakamushimba kurhenga e Buyahudi yoshi, n’ab’e Yeruzalemu yoshi; akababatiza omu mîshi ga Yordani, nabo bakacîyunjuza ebyâha byâbo#1, 5 Bakacîyunjuza ebyâha byâbo: Obubatizo Yowane akâg’ihâna lirhàli isakramenla. Bwàli bubatizo bwa kucîyunjuza ebyâha. Bucîyunjuze bwimâna bwakag’irhenza ebyâha by’abakâg’iyankirira obo bubatizo.. 6Yowane akâg’iyambala ecirondo c’oluhù lw’engamiya, n’ebiryo byâge zàli nzige n’obûci bw’empoko. 7Erhi ayigîriza, akaderha, erhi: «Owayisha enyuma zâni andushire, ciru ntakwânîni okuyunama aha magulu gâge n’okumushwêkûlira orhugozi rhw’enkwêrho zâge. 8Namubatizize n’amîshi#1, 8 Yowane akâg’ibatiza n’amîshi gône; obubatizo bwa Mwâmi Yezu bôhe buli bwa mîshi na Mûka Mutagatîfu. Isakramenta ly’obubatizo likûla ecâha c’ecisisi n’ebindi byâha byoshi. Obubatizo buli isakramenta lirimwo obuhashe bwa Nnâmahanga bw’okurhenza ebyâha n’okurhuhiramwo obuzîne bwa Nyamuzinda. Burhujira bâna ba Nyamuzinda’Îshe, na balumuna b’Omugala, na ka-Nyamuzinda ka Mûka Mutagatîfu., ci yêhe ayish’immubatiza muli Mûka Mutagatîfu».

Yezu abatizibwa

(Mat 3, 13-17; Luk 3, 21-22)

9Muli ezo nsiku, Yezu ayisha, kurhenga e Nazareti, cishagala ca Galileya, abatizibwa na Yowane omu Yordani. 10Oku arhenga omu lwîshi, abona amalunga gayiguka, na Mûka Mutagatîfu amugwa oku irhwe omu nshusho y’e ngûkù. 11Izù lyarhenga emalunga, erhi: «We Mugala wâni murhonyi nzigira bwenêne».

Yezu ashumikwa omu irungu

(Mat 4, 1-11; Luk 4, 11-13)

12Ho n’aho Mûka Mutagatîfu amuhêka omu irungu. 13Abêra omu irungu miregerege makumi anni na madufu makumi anni, ashumikwa na shetani. Alimwo haguma n’ensimba; bamalahika bakazâg’imurhumikira.

II. Yezu omu Galileya

Yezu arhondêra okuyigîriza abantu

(Mat 4, 12-17; Luk 4, 14-15)

14Erhi Yowane ayûs’igwârhwa, Yezu ajà e Galileya. Aj’ayigîriza Emyanzi minjà y’Obwâmi bwa Nyamuzinda; akaderha, erhi: 15«Amango gahisire#1, 15 Amango gahisire: Amango g’okuyankirira Omucunguzi w’igulu gahisire. «Obwâmi bwa Nyamuzinda buli hôfi», kwo kuderha oku Yezu Kristu, Masiha, ol’irhegeka n’okuyigîriza abantu boshi, ayishîre. Ayish’irhuma abaganda bâge omu igulu lyoshi, bâyigîriza amashanja goshi enjira y’Obwâmi bwa Nyamuzinda, lyo bacunguka. , n’Obwâmi bwa Nyamuzinda buli hôfi: mucîyunjuze munayêmêre Emyanzi y’Akalembe».

Yezu ahamagala abaganda bâni barhanzi

(Mat 4, 18-22; Luk 5, 1-11)

16Erhi abà ayisha agera luhù-nyanja y’e Galileya, anacibona Simoni n’omulumuna Andreya, badwîrhe barhega orhwêshe rhwâbo omu nyanja: bulya bâli bashâna. 17Yezu anacibabwîra, erhi: «Nkulikiragi, nammujira badubi b’abàntu». 18Ho na halya baleka orhwêshe rhwâbo, bamushimba. 19Anacilîkûla, abona Yakôbo mwene Zebedeyo bo n’omulumuna Yowane, nabo erhi badwîrhe balunga orhwâbo rhwêshe omu bwârho; anacibahamagala. 20Basiga îshe Zebedeyo omu bwârho haguma n’abalimya, bamukulikira.

Yezu ayigîriza e Kafarnaumu anafumya omuntu olimwo shetani

(Luk 4, 31-37)

21Erhi bahika omu cishagala c’e Kafarnaumu, ayirukira ajà omu sinagogi olwa Sabato, arhondêra ayigîriza. 22Basômerwa n’enyigîrizo zâge, bulya akâg’ibayigîriza nka ogwêrhe obuhashe, ci arhali nka abigîriza bâbo#1, 22 Abigîriza bâbo: Abigîriza b’Abayahudi, bo Bafarizeyi n’Abasaduceyi, bakâg’ihugula enyigîrizo za Mûsa n’ez’abalêbi. Mwâmi Yezu yêhe akâg’iyigîriza oku buhashe bwâge, bulya arhali mujà-bugo-kwône, ci Nnâmahanga yenênè.. 23Mw’eyo sinagogi mwâli omuntu ogwêrhwe na shetani mubî. 24Anaciyâkûza, aderha, erhi: «Cici rhufânwa nâwe, ewani Yezu w’e Nazareti? Kali wayishire mpu orhuheze? Nkumanyire we ndi: Mutagatîfu wa Nnâmahanga#1, 24 «Mutagatîfu wa Nnâmahanga»: Mwâmi Yezu, bulya ali Mwene-Nyamuzinda, arhankashangîra na shetani, arhankashangîra n’omubî. Ali Mutagatîfu lwoshi; co cinarhuma abashetani bajugumana embere zâge. ». 25Okubundi Yezu anacimukankamira, amubwîra, erhi: «Hulika, onarhengemw’oyu muntu». 26Olya shetani mubî anacizunguza olya muntu, ayâma n’izù linene, amurhengamwo. 27Boshi banacirhangâla, bakadôsanya bône na nnene, mpu: «Kwo kurhi oku? Nyigîrizo mpyâhya nci ezi? Ci adwîrhe arhegeka abashetani, banamuyumve!» 28Irenge lyâge#1, 28 Irenge lya Mwâmi Yezu lyalumira omu Galileya yoshi erhi nyigîrizo n’obuhashe bwâge bw’okufumya abantu birhuma. lyayirukira lyalumira omu cihugo coshi c’e Galileya.

Yezu afumya nnazâla wa Petro

(Mat 8, 14-15; Luk 4, 38-39)

29Oku banahuluka omwôla sinagogi, bajà aha mwa Simoni na Andreya, bo na Yakôbo na Yowane. 30Nnazâla wa Simoni erhi agwîshîre, alwâla ishushira. Banacimubwîra ogo mwanzi. 31Amujaho, amugwârha oku kuboko, amuyimanza, na ho na halya ishushira lyabalala, abakolera.

Yezu afumya endwâla za ngasi lubero (Mat 8. 16; Luk 4, 40-41)

32Erhi kubà bijingo, gala mango izûba lizika, bamulêrhera ngasi yêshi wali mulwâla n’abàli bagwêrhwe na shetani boshi. 33Ecishagala coshi calundumana aha lusò. 34Afumya banji bâli bagwêrhwe n’obuzamba bwa ngasi lubero, analibirhakwo bashetani banji; ci ahanza abashetani okuderha, bulya bâli bamanyire ali ndi.

Yezu arhenga e Kafarnaumu anaj’ageragera omu Galileya

(Luk 4, 42-44)

35Erhi kuca, azûka sêzi mucêracêra, akanya acîjira aharhali bantu, aj’ishengeraho. 36Simoni n’abàli boshi bamukulikira. 37Erhi bamuhikaho, bamubwîra, mpu: «Boshi badwîrhe bakulonza». 38Abashuza, erhi: «Rhujè omu bindi bishagala biri hôfi, nj’iyigîrizayo nayo#1, 38 Yezu acîjizire muntu mpu ayigîrize abantu enjira y’Obwâmi bw’empingu, abayêreke obuzigire bwâge anabacungule; na ntyo ahè Îshe Nnâmahanga ìrenge n’obukuze bwimâna., bulya kwo kwarhumaga nyisha». 39Anacigeragera omu Galileya yoshi, aj’ayigîriza omu masinagogi gâbo analibirhakwo bashetani.

Yezu afumya omushomyo

(Mat 8, 2-4; Luk 5, 12-16)

40Hanaciyisha omushomyo, amufukamira, amushenga bwenêne, amubwîra, erhi: «Okalonza wananfumya». 41Yezu amufa bwonjo, alambûla okuboko, amuhumakwo, anamubwîra, erhi: «Nnonzize, fumaga». 42Ho na halya olushomyo lw’olya muntu lwazimangana, afuma. 43Yezu amukûba anamukankamira, erhi: 44«Omanye orhabwîraga ndi, ci ogende, oj’icîyêrekana emwa’abadâhwa, onaj’ihâna ngasi birhegesirwe na Mûsa#1, 44 Mwâmi Yezu acîjizire muntu mpu ayigîrize abantu enjira y’Obwâmi bw’empingu, abayêreke ohuzigire bwâge anabacungule; na ntyo ahè Îshe Nnâmahanga irenge n’obukuze bwimâna, bibè cêrekane c’okufuma kwâwe». 45Ci olya yêhe erhi alîkûla, arhondêr’alumîza n’okushwâliza ogwo mwanzi; ciru Yezu arhacijaga omu lugo n’obwâlagale, ci akacîbêrera kuli, aharhali bantu, bakarhenga oku ngasi murhundu bajà emunda ali.

Currently Selected:

Marko 1: MKB

Highlight

Copy

Compare