رومیان 14
14
مُؤمِنین الْضُعَفاء وَ الْأقویاء
1أقِبلوا شَخُص إلْلي إیمانه ضَعیف، بِدون ما إتْصُدرون حُکُم عَن الْنَظَرات. 2إیمان فِرِد شَخُص یِسمَح لِه یَأکل أي أکله، أمَّن شَخُص آخَر إلْلي إیمانه ضَعیف، بِس یَأکل خُضورات. 3خَل ذاک إلْلي کِل شي یَأکل، لا یِنظُر بي عَین حَقاره عَلَیٰ ذاک إلْلي ما یَأکل؛ وَ خَل ذاک إلْلي ما یَأکل کِل شي، لا یُقْضي ذاک إلْلي یَأکل أي أکله، لِأن الْإلَه قِبَلَه. 4أنتَ یاهو إلْلي تُقْضي خادِم شَخُص آخَر؟ ثَباته لُو طَیْحَته تِرجَع لِسَیَّده. وَ هُوَّ هَم راح یِضُل ثابِت لِأن الْإلَه قادِر یِثَبته.
5فِرِد شَخُص یِحسِب فِرِد یُوم أکثَر مُقَدَّس مِن باجّي الْأیَّام؛ بي حال إلْلي شَخُص آخَر، یِعتُبُر کِل الْأیَّام نَفس الْشي. کِلمَن کون إیکون کامِل قانِع بي عَگله. 6ذاک إلْلي یِحسِب فِرِد یُوم خاص مُهِم، یِعمِل هِیچ لِلرَّب. ذاک إلْلي یَأکل، یَأکل لِلرَّب، لِأن یِشکُر الْإلَه. وَ ذاک إلْلي یِبْتِعِد مِن الْأکِل، هُوَّ هَم یِعمِل هِیچ لِلرَّب وَ یِشکُر الْإلَه. 7لِأن وَلا أحَد مِنْنَا یِعیش لِنَفسه وَ لا أحَد مِنْنَا یِموت لِنَفسه. 8لُو إنعیش، إیکون لِلرَّب، وَ لُو إنموت، ذاک هَم إیکون لِلرَّب. چا شِنهي إنعیش، شِنهي إنموت، إنکون لِلرَّب. 9الْمَسیح هَم لِهِل سَبَب مات وَ إسْتَحیَّیٰ خاطِر إیکون رَب الْأحیَاء وَ الْأموات.
10چا أنتَ لِیش تُقْضي أخوک؟ وَ أنتَ لِیش تِنظُر بي عَین حَقاره لِأخوک؟ لِأن کِلنا راح نِحضُر مُقابیل کُرسي قَضاء الْإلَه. 11چِن مَکتوب بي کِتاب نَبي أشعیَاء:
«الرَّب إیگول: بي حَیاتي أحلِف إلْلي
کِل رُکبه راح تِنْحِني جِدَّامي
وَ کِل إلسان راح یِقُر بي الْإلَه.»
12چا کِل واحَد مِنْنَا راح یِدفَع إحسابه لِلْإلَه.
13چا، تَعالوا مِنَّا وَ هِیچ واحَد لا یُقْضي الْآخَر. بَل، صَمُّموا إلْلي وَ لا أحَد یِحُط صُخرة عَثره لو مانِع جِدَّام طَریق أخوه. 14أنا أعرُف وَ قانِع بي الرَّب عیسیٰ إلْلي وَ لا شي بي ذاتَه إیکون نَجِس. أمَّن لُو شَخُص یِحسِب شي نَجِس، إیکون لِه نَجِس. 15لُو تِحزِن أخوک بي أکِل إلْلي تَأکله، بَعَد ما تِتْعامِل عَل أساس الْمَحَبَّه. بي أکلَک، لا تِهلِک أخوک إلْلي الْمَسیح مات لِخاطرَه. 16لا تْخَلّون یِنگال شَر عَن کِل شي إلْلي أنتُم تِحِسبونه طَیِّب. 17لِأن مَلَکوت الْإلَه مو أکِل وَ شِرِب، بَل إتکون الْصَالِحیَّه، السَّلامه وَ الْفَرَح بي روح الْقُدُس. 18کِلمَن إلْلي بي هَل طَریق یِخدَم الْمَسیح، یِعجِب الْإلَه وَ هَم مَقبول عَند النَّاس.
19چا خَل نِتْبَع شي إلْلي إیکون سَبَب ثِبات السَّلام وَ بَناء بَعَضنا. 20لا تْخَرِّب عَمَل الْإلَه لِخاطِر الْأکل! کِل الْأکلات بي الْواقع طاهرَّات، أمَّن أکلَة أي أکله إللی إتْسَبِّب عَثرَة شَخُص آخَر، مو شُغلَه زَینه. 21الْزَینه هَي إلْلي تِبْعَد مِن أکل الْلَحَم لُو شَرب الْشَراب لُو أي عَمَل آخَر إلْلي یِسَبِّب عَثرَة أخوک.
22إیمان إلْلي عِندَک، أحُفظه بِینَک وَ بِین الْإلَه. خَیعون ذاک إلْلي لِخاطِر شي إلْلي یِحِسبه طَیِّب، ما یُقْضي نَفسه. 23أمَّن لُو أحَد مِترَدِّد عَن أکلَة أکله، لُو یَأکلها یِنْحُکُم، لِأن ما کِلَّه بي الْإیمان وَ شي إلْلي ماهو مِن الْإیمان، إیکون ذَنِب.
Currently Selected:
رومیان 14: ACM
Highlight
Share
Compare
Copy
Want to have your highlights saved across all your devices? Sign up or sign in
©️2024 Korpu Company
