رومیان 13
13
الْأطاعَه مِن صاحبین الْقُدرَه
1خِل کِل شَخُص یَطیع قُوّاة الْحاکمَه. لِأن ماکو قُوّاة غِیر مِن صُوب الْإلَه. وَ ذاکول إلْلي موجودین، مَجعولین مِن الْإلَه. 2چا ذاک إلْلي یِقاوم الْقُوَّه، بي الْحَقیقه إمْقاوم عَلَیٰ شي إلْلي الْإلَه إمْقَرُرَه؛ وَ ذاکول إلْلي هِیچ یِعِملون، إیِّبون الْعِقاب لِنَفِسهُم. 3لِأن الْحُکّام ما یِخَوفون لِذاکول إلْلي یِعِملون الْخَیر، أمَّن یِخَوفون لِذاکول إلْلي یِعِملون الْشَر. هَل إترید ما تْخاف مِن صاحِب قُدرَّه؟ أفعَل شي إلْلي صَحیح، وَ أنتَ راح إتْحَصُّل الْمَدح. 4لِأن هُوَّ إیکون خادِم الْإلَه خاطِر یِعمِل لَک الْإحسان. أمَّن چا خاف، لوُ عِمَلِت عَمَل شَر، لِأن عَل فاضي ما یِحمِل الْسَیف. هُوَّ خادِم الْإلَه وَ عامِل الْغَضَب خاطِر یِعاقِب شَخُص إلْلي یِفعِل عَمَل شَر. 5چا الْإنسان کون مو بس لِإبتِعاد مِن الْغَضَب، بَل بي سَبَب ضَمیره هَم کون یِطیع الْقُوّات.
6بي هِل سَبَب هَم أنتُم تِدِفعون الْضَریبه، لِأن صاحبین الْقُدرَّه هُمَّا خِدَام الْإلَه، إلْلي عِینهُم عَلَیٰ هَذا الْعَمَل. 7أوفوا دِینکُم لِلْکِل: لو إتکون ضَریبه، أعطُوا ضَریبه؛ لُو إتکون جِزیَه، أعطُوا جِزیَه؛ لُو إیکون أحترام، أحتَرموا، وَ لُو إیکون أکرام، أُکُرموا.
تَحَقُّق الْشَریعه مِن طَریق الْمَحَبَّه
8لا إیکون دِین بي رُگبِتکُم لِأحَد غَیر هَي إلْلي حِبُوا بَعَضکُم. لِأن کِلمَن یِحِب الْآخَر، إمْحَقِّق الْشَریعه. 9لِأن أحکام إلْلي، «لا تِزني، لا تِقتِل، لا تْبوگ، لا تُطمَع،» وَ أي حُکُم آخَر إلْلي إیکون، إیکون مَخْلَص هَذا الْکَلام إلْلي، «حِب جارَک مِثِل ما تْحِب نِفسَک.» 10الْمَحَبَّه، ما تِصنَع خَطاء لِلْجار؛ چا الْمَحَبَّه هِیَّه إتکون تَحَقُّق الْشَریعه.
11وَ أنتُم تِعِلمون إلْلي بي أي زَمان إتْعیشون. لِأن الْساعه هَسَّه واصله ألکُم إلْلي إتگومون مِن الْنوم، چِن هَسَّه نَجاحنا مِتْگَرُّب أکثَر مِن ذاک الْزَمان إلْلي آمَننا. 12إنْتَهیٰ اللَّیل وَ إتْگَرَّب النَّهار. چا تَعالوا إنْکَتُّر أعمال الْظَلام وَ نِلْبَس دِرع الْنُور. 13کَما بي النَّهار، خِل نِتْعامَل بي شِکِل صَحیح. چا لا نْگَضي وَکِتنا بي الْحَفلات وَ الشِّرِب وَ الْفِساد وَ الْوَناسه وَ جَدَل وَ حَسَد، 14بِل ألِبسوا عیسیٰ مَسیح الرَّب وَ لا تْکونون وَرَاء شَهَوات نَفِسکُم.
Currently Selected:
رومیان 13: ACM
Highlight
Share
Compare
Copy
Want to have your highlights saved across all your devices? Sign up or sign in
©️2024 Korpu Company
