رؤیا یوحَنّا 3
3
رِسالَة الْمَسیح إلَیٰ کَلیسة ساردِس
1«وَ إکتِب لِمَلاک الْکَلیسه بي ساردِس:
«ذاک الَّذي عِندَه سِبِع أرواح الْإلَه وَ سِبِع نُجوم، هِیچ ایگول: عارِف أعمالَک، صیت إلْلي أنتَ حَيّ عالیه، أمَّن أنتَ مَیِّت. 2فِز، وَ ثَبِّت شي الَّذي باقي وَ بي حالَة الْمُوت! لِأن ما شِفِت أعمالَک کامله بي نَظَر إلَهي. 3چا إتذَکَّر شي إلْلي حَصَّلته وَ سِمَعته؛ أحُفظه وَ توب. لُو ما تْفِز، بي بوگه راح أیّي لِک وَ أنتَ ما راح تِعرُف ذیچ ساعه إلْلي راح أیّي لِک.
4«بي هِل حال عِندَک چِم شَخُص بي ساردِس إلْلي بَعَدهُم مو لاطخین هِدِمهُم بي الْنِجاسه. هَذول بي إهدوم بیض، راح یِخطون خَطَوات مَعَي، لِأن یِستاهلون. 5کِلمَن یِفوز، راح یِتزَیَّن بي هِیچ هِدِم أبیُض وَ أبَد ما راح أمحي أسمه مِن دَفتَر الْحَیَاة، بِل راح أعتُرُف بي أسمه بي حُضور أبوي وَ مَلائِکتَه. 6ذاک إلْلي عِندَه أذَن خِل یِسمَع إلْلي الرّوح شي یگول لِلْکَلیسات.
رِسالَة الْمَسیح إلَیٰ کَلیسة فیلادِلفیه
7«إکتِب لِمَلاک الْکَلیسه بي فیلادِلفیه:
«ذاک إلْلي إیکون قُدّوس وَ حَقّ، ذاک إلْلي عِندَه مِفتاح داوود الْمَلِک، ذاک إلْلي یِفتَح وَ أحَد ما یِگدَر یِسَکره، وَ ذاک إلْلي یِسَکِّر وَ أحَد ما یِگدَر یِفِتحه، هِیچ ایگول: 8أعرُف أعمالَک. شوف، أنا حاط باب مَفتوح جِدَّامَک إلْلي أحَد ما یِگدَر یِسَکره. أدري إلْلي عِندَک قُدره قِلیله، أمَّن حافُظ کَلامي وَ ما ناکُر أسمي. 9شوف، ذاکول إلْلي إیکونون مِن مَحَل عِبادَة الشَّیطان وَ یِنْدِعون بي نِفِسهُم یَهُود وَ ماهوم یَهُود، راح أجبُرهُم خاطِر إیّون وَ یِسِجدون عِند ریلِیک، وَ راح یِعُرفون إلْلي أنا چِنِت أحِبَک. 10لِأن أنتَ حُفظِت کَلامي عَن الْصَبر، أنا هَم راح أحُفظَک بي أمان مِن ساعَة الْأمتحان إلْلي راح تِیّي عَلَیٰ کِل الْعالَم خاطِر تِمتِحِن ساکنین الْأرض.
11«عَن قَریب أیّي. شي إلْلي عِندَک، حِیل أحُفظَه خاطِر أحَد لا یَأخِذ مِنِّک تاجَک. 12کِلمَن ایفوز راح أجِعلَه عَمود بي مَعبَد إلَهي، وَ بَعَد أبَد ما راح یِترِک أهناک. وَ راح أکتِب عَلِیه أسِم إلَهي وَ أسِم مَدینَة إلَهي، أورشَلیم الْجِدیده إلْلي تِنزِل مِن السَّماء مِن صُوب الْإلَه، وَ أکتِب عَلِیه أسمي الْیِدید. 13ذاک إلْلي عِندَه أذَن خِل یِسمَع إلْلي الرّوح شي ایگول لِلْکَلیسات.
رِسالَه إلَیٰ کَلیسة لائودیکیه
14«إکتِب لِمَلاک الْکَلیسه بي لائودیکیه:
«ذاک إلْلي إیکون آمین، ذاک شاهِد الْوافي وَ الْحَقّ، ذاک إلْلي إیکون مَنشَأ خِلقَة الْإلَه، هِیچ ایگول: 15أعرُف أعمالَک؛ أدري إلْلي مِنتَه بارِد وَ مِنتَه حار. یارِّیت چِنِت لُو هَذ لُو ذاک. 16أمَّن چِن دافي، لا حار وَ لا بارِد، راح أتِفلِک مِن حَلگي. 17إتگول: ”أنا غَني؛ عِندي أموال وَ ماني مِحتاج شي.“ وَ غافل إلْلي أنتَ فُگُر وَ ذَلیل وَ مَسکین وَ عَمَّیٰ وَ عَریان. 18أنُصحَک إلْلي تِشتِري مِنّي ذَهَب خالُص إلْلي إمْصَفّه بي النَّار خاطِر أتصیر غَني؛ وَ أهدوم بیض، خاطِر تِلبَس وَ تِستُر عُورتِک الْمُخجِله؛ وَ کِحِل لِشَفاء أعیونَک خاطِر إتفَتِّش.
19«أنا أعاتِب وَ ائِدِّب أشخاص إلْلي أحِبهُم. چا خِل أتصیر عِندَک غیرَه وَ توب. 20شوف، موگُف عَل باب وَ أطرُق. لُو أحَد یِسمَع صُوتي وَ یِفتَح الْباب بي وَیهي، راح أدخُل وَ راح أگعِد وَیَّاه عَلَیٰ الْسُفرَه وَ هُوَّ وَیَّاي.
21«کِلمَن ایفوز، راح أسمَح لِه یِگعِد مَعَي عَلَیٰ عَرشي، مِثِل ما أنا فِزِت وَ گِعَدِت مَعَ أبوي عَلَیٰ عَرشَه. 22کِلمَن عِندَه أذَن خِل یِسمَع إلْلي الرّوح شي ایگول لِلْکَلیسات.»
Currently Selected:
رؤیا یوحَنّا 3: ACM
Highlight
Share
Compare
Copy
Want to have your highlights saved across all your devices? Sign up or sign in
©️2024 Korpu Company
