رِسالَة إلَیٰ فیلیپیین 2
2
أخذ نَموذَج مِن تَواضُع الْمَسیح
1چا لو مِتْشَجعین بي الْمَسیح، لو مَحَبّتَه سَبَب تَعزیَتکُم، لو عِندکُم شَراکه بي روح الْإلَه، وَ لو عِندکُم رَحم وَ شَفَقه، 2تَعالوا کِملُوا فَرَحتي وَ إتکون عِندکُم فِرِد فُکُر وَ مَحَبَّه مُتقابِلَه، کونوا عَلَیٰ فِرِد گَلُب وَ فِرِد رَأي. 3لا تِعِملون أي عَمَل مِن الْتَحَزُّب وَ الْتَکَبُّر، بِل بي الْتَواضُع أعتَبروا الْآخَرین أفضَل مِنکُم. 4خَلْ لا أحَد مِنکُم إیکون بِس بي فُکُر نَفسه، بَل فَکروا هَم بي الْآخَرین. 5إیکون عَندکُم ذاک فُکُر إلْلي چان عَند الْمَسیح عیسیٰ:
6هُوَّ إلْلي چان بي شِکل الْإلَه،
ما چِلِّب بي مُساواة الْإلَه،
7بَل خَلّیٰ نِفسَه
وَ أخِذ شِکل الْعَبِد،
وَ إتوَلَّد بي شِبه الْإنسان.
8وَ صار بي شِکل الْبَشَر
إتواضَع
وَ لِحَد الْمُوت،
طاع الْإلَه
حَتَّیٰ الْمُوت عَلَیٰ الْصَلیب.
9چا الْإلَه هَم چِثیر رَفَعه
وَ وَهِّبَه أسم فوگ مِن کِل الْأسامي،
10خاطِر بي أسم عیسیٰ تِنْحِني لِه کِل رِکبَه،
بي السَّماء، عَلَیٰ الْأرض وَ تَحت الْأرض،
11وَ أي لِسَان یِقُر إلْلي عیسیٰ الْمَسیح هُوَّ الرَّب،
لِمَجد إلَه الْأب.
أنوار بي الْعالَم
12چا یا الْأعزَاء، مِثِل ما کِل وَکِت چِنتُوا مُطیعین، مو بِس بي حُضوري، بِل هَسَّه أکثَر بي کثیر حَتَّیٰ بي غیابي، إسعوا أکثَر خاطِر إتْخَلصون نِجاحکُم بي الْإحتِرام وَ خوف؛ 13لِأن الْإلَه هُوَّ إلْلي لِرِضاء نِفسه یِعمِل بیکُم، هَم بي الْإراده وَ هَم بي الْعَمَل.
14إعِملوا أي عَمَل بِلا دَردِمه وَ جِدال، 15خاطِر بِدون قُصور وَ مَعصومین، إتکونون أولاد بِلا عَیب الْإلَه وَ بِین جیل زالِف وَ مُنحَرِف، تَضوون کِلنُجوم بي هِل عالَم، 16مِثِل ما أنتُم رَفَعتوا کَلام الْحَیَاة. بي هِل صورَه، أگدَر بي یُوم رَجعَة الْمَسیح أفتخَر إلْلي عَل فاضي ما رَکَضِت وَ عَل فاضي ما تَعَبِت. 17أمَّن حَتَّیٰ لُو أنا قَرار أنصَب کَهِدیه إلْلي تِنْصَب عَلَیٰ ضَحیَّة إیمانکُم إللي تِتقَدَّم، فَرحان وَ أفرَح مَعَ جَمیعکُم. 18وَ أنتُم هَم کون بي هِل إتکونون فَرحانین وَ تِفُرحون مَعَي.
تیموتائوس وَ إپافْرودیتوس
19عَندي أمَل بي الرَّب عیسیٰ بي هِل گُرُب أوَدّي تیموتائوس عَندکُم خاطِر أفرَح بي مَعرَفَة أحوالکُم. 20لِأن ما عَندي واحَد مِثله الَّذي بي خُلوص یِهتَم لِأمُرکُم. 21الْجَمیع بي فُکُر مَنافعهُم، مو مَنافِع عیسیٰ الْمَسیح. 22أمَّن أنتُم تِعُرفون إلْلي تیموتائوس مِتجَرِّب، لِأن مِثِل فِرِد ابن ویَّا أبوه، خِدَم مَعَي بي الْإنجیل. 23چا عَندي أمَل أوَدّيه عَندکُم بِس إتبَیِّن إشلون راح تِجري أموري؛ 24وَ بي الرَّب واثِق إلْلي أنا هَم بي هِل گُرُب راح أیّي عَندکُم.
25فوگ هَذ، أشوف ضَروري إلْلي أوَدّي ألکُم إپافْرودیتوس، هُوَّ إلْلي مِن صُوب أخ وَ زَمیل وَ رِفیج جَهادي، وَ مِن صُوب آخَر، مَرسولکُم وَ خادِم لِرَفُع حاجاتي. 26لِأن هُوَّ چان مِشتاق لِشوفَتکُم کِلکُم وَ مِتأثِّر مِن هَي إلْلي سِمَعتوا چان مِتْمَرُّض. 27بي الْحَق إلْلي چان مَرضان وَ حَتَّیٰ چان بي حالَة الْمُوت. أمَّن الْإلَه رَحَمه، وَ مو بِس عَلِیه، بِل رَحَم عَلِي أنا هَم، خاطِر لا یِزود هَم عَلَیٰ هُمومي. 28چا أرید إبسَع أوَدّیه، خاطِر مَرَّه أخریٰ تِفُرحون بي شُوفته وَ یِقِل مِن هَمّي. 29بي الرَّب، بي فَرَح رَحبوا بیه وَ إحتَرموا هِیچ أشخاص، 30لِأن بي طَریق الْخِدمَه لِلْمَسیح راح لِحَد الْمُوت وَ لِتَعویض قُصور خِدمَتکُم إلي، ذَب نَفسَه بي الْخَطَر.
Currently Selected:
رِسالَة إلَیٰ فیلیپیین 2: ACM
Highlight
Share
Compare
Copy
Want to have your highlights saved across all your devices? Sign up or sign in
©️2024 Korpu Company
