رِسالَة إلَیٰ فیلیپیین 1
1
1مِن پولُس وَ تیموتائوس، خِدَّام الْمَسیح عیسیٰ،
إلَیٰ جَمیع مُؤمِنین مَدینَة فیلیپي إلْلي بي الْمَسیح عیسیٰ، مِن جُملَة الْنُظار وَ الْخِدَّام:
2إتکون عَلِیکُم النَّعمه وَ السَّلامه مِن صُوب الْإلَه، أبونا، وَ الرَّب عیسیٰ الْمَسیح.
الْدُعاء و الْحَمد
3أحمَد الْإلَه أي وَکِت إلْلي أتذَکرکُم 4وَ بي کِل دُعائي عَلَیٰ طول بي فَرحه أندِعي لِجَمیعکُم، 5لِخاطِر ذیچ شَراکه إلْلي عِندکُم بي الْإنجیل مِن یُوم الْأوَّل لِحَد هَسّه. 6عَندي ثِقَّه ذاک إلْلي بِدَء عَمَل الْطَیِّب بیکُم، یِکَمله لِیُوم رَجعَة الْمَسیح عیسیٰ. 7مِن حَقّي إلْلي إیکون عِندي هِیچ إحساس عَن جَمیعکُم، لِإن مَکانکُم بي گُلبي؛ لِأن أنتُم جَمیعکُم شُرَکاء مَعي بي نِعمَة الْإلَه، إشْ بي الْسَناسِل وَ إشْ بي الدّفاع مِن الْإنجیل وَ تَصدیقه. 8الْإلَه شاهِد مِشتاق ألکُم بي نِفِس عَواطِف الْمَسیح عیسیٰ.
9هَذا إیکون دُعائي إلْلي مَحَبَّتکُم أکثَر وَ أکثَر إتْزود وَ إتکون مَعَ الْمَعرَفه وَ الْبَصیره الْکامله، 10خاطِر تِگِدرون إتْشَخصون الْأفضل و بي یُوم رَجعَة المَسیح، إتکونون طاهرین وَ بِلا عِیب 11وَ مَلیئین مِن ثَمَرات الْصَالحیَّه إلْلي تِثمَر بي واسِطَة عیسیٰ الْمَسیح وَ تِنتِهي بی مَجد وَ حَمد الْإلَه.
تَقَدُّم الْإنجیل
12یا أخوَه، أرید تِعُرفون شي إلْلي وُگَع لي، بي الواقِع صار سَبَب تَقَدُّم الْإنجیل، 13بي شِکِل إلْلي لِجَمیع حُرّاس الْإمبَراطوریّه وَ لِلْکِل إنکِشِف الَّذي أنا مِسجون مِن أجل الْمَسیح؛ 14وَ سِجني سَبَّب إلْلي أکثَر الْأخوَه، تِقوَیٰ گُلوبهُم بي الرَّب خاطِر بي شَهامه وَ بِدون خوف یِعِلنون کَلام الْإلَه.
15أمَّن بَعَض مِن الْحَسَد وَ الْمُنافسه یِعِلنون الْمَسیح، بي حال إلْلي بَعَض آخَر بي نیّه طَیبه. 16فَریق الثَّاني مِن الْمَحَبَّه هِیچ یِعمِل، لِأن یِدري إلْلي أنا مِن أجِل دِفاع عَن الْإنجیل مَذبوب إهنَا. 17أمَّن فَریق الْأوَّل مِن التَحَزُّب یِعلِن الْمَسیح مو بي خُلوص الْنِیَّه، بي هِل ظَن إلْلي یِزید عَلَیٰ تَعبي بي السَّجَن. 18چا بَعَد شِنهي؟ غِیر هَي إلْلي بي أي حال، الْمَسیح یِنْعِلِن، إشْ بي نیَّه غِیر صادقه أو بي نیَّه صادقه! وَ أنا مِن هِل سَبَب أفرَح. نَعَم، وَ بَعَد هَم راح أفرَح، 19لِأن أدري إلْلي راح أتحَرَّر بي دُعاکُم وَ بي مُساعدَة روح عیسیٰ الْمَسیح، 20مِثِل ما بي أشتیاق أنتُظُر وَ عِندي أمَل إلْلي ما راح أفشَل بي أي شي، بِل بي کِل شُجاعه، هَسّه هَم مِثِل کِل وَکِت، الْمَسیح بي جِسمي راح یِتْمَجَّد، إشْ بي موتْتي وَ إشْ بي حَیَاتي. 21لِأن الحَیاة عِندي هیَّه الْمَسیح، وَ الْمُوت، هُوَّ الرِّبِح. 22لو کون أستُمُر بي حَیاتي بي هَذا الْجِسِم، هَذ راح إیْعاني عَمَل وَ سَعي مُثمَر إلي. وَ بَعَدني ما أدري أختار یاهي مِنهِن! 23لِأن وایِد مِتْداحِّر بِین هِل أثنِین: چِن راغُب أترَک هِل عالَم وَ أکون مَعَ الْمَسیح، إلْلي هَي إتکون أحسِن بي کَثیر؛ 24أمَّن ضَلتي بي الْجِسِم ألکُم أکثَر ضَروریّه. 25أنا عِندي یَقین بي هِل أمُر وَ أدري إلْلي راح أبْقیٰ وَ راح أستُمُر مَعَکُم کِلکُم، خاطِر تِتْقَدَّم الْفَرحَه الَّذي عِندکُم بي الْإیمان، 26خاطِر بي یِیّتي مَرَّه أخرَیٰ عَندکُم، فَخُرکُم بي الْمَسیح عیسیٰ إیزود أکثَر لِخاطري أنا.
27بِس أرید مِنکُم إلْلي تِتْعاملون بي شِکِل إلْلي لایِق إنجیل الْمَسیح، خاطِر إشْ أیّي وَ أشوفکُم وَ إشْ بي غیابي أسمَع عَن أحوالکُم، إیکون بالي مِرتاح إلْلي إتکونون ثابْتین بي فِرِد روح وَ مِثِل فِرِد جِسِم چِتِف بي چِتِف إتْجاهدون لِإیمان الْإنجیل، 28وَ بي أي شي مِنتُم خایفین مِن الْمُخالِفین، إلْلي هَي عَنهُم إتکون نِیشان الْهَلاک، أمَّن إتکون نِیشان نِجاحکُم، وَ هَي إتکون مِن صُوب الْإلَه. 29لِأن هَذ الْأفتخار صار نَصیبکُم إلْلي مو بِس تُؤمِنون بي الْمَسیح، بِل بي طَریقه هَم تِتْعَذَّبون. 30لِأن إتکون ألکُم ذیچ الْمُجاهِده إلْلي شِفتوني أنا أتداحَّر بیها وَ هَسَّه هَم گاعِد تِسِمعون بَعَدني أتداحَّر.
Currently Selected:
رِسالَة إلَیٰ فیلیپیین 1: ACM
Highlight
Share
Compare
Copy
Want to have your highlights saved across all your devices? Sign up or sign in
©️2024 Korpu Company
