لوقا 5
5
أوَّلین تِلامیذ عیسیٰ
1فِرِد یُوم إلْلي عیسیٰ چان مُوگُف یِم نَهَر جِنیسارت وَ الْجَمعیَّه مِن کِل صُوب چانِت تِزدِحِم عَلِیه خاطِر یِسِمعون کَلام الْإلَه، 2شاف یِم النَّهَر بِلْمَین إلْلي طالعین مِنهِن الصَّیَّادین وَ چانُوا مِلْتِهین بي غَسِل شِبِچْهُم. 3چا عیسیٰ رَکَب واحَد مِنهِن إلْلي چان لِشَمعون وَ راد مِنَّه یِبَعِد الْبَلَم أشوَیَّه مِن السّاحِل. بَعدِین هُوَّ گَعَد بي الْبَلَم وَ گام یِعَلِّم النَّاس. 4وَکت إلْلي حَچي عیسیٰ أنْتَهیٰ، گال لِشَمعون: «أخِذ الْبَلَم لِمَکان غَمیج، وَ ذِبّوا الشِّبِچ بي الْماي لِصَید السِّمَچ.» 5شَمعون جاوَب: «یا معَلِّم، کِل اللِّیل چِثیر سِعِینا وَ ما کَضِّینا شي. أمَّن چِن أنتَ إتگول، إنذِب الشِّبِچ بي الْماي.» 6وَکت إلْلي هِیچي عِملَوا، هاگِد کَضُّوا سِمَچ إلْلي ما چان ضال شي إلْلي تِنْسِرِد شِبِچْهُم! 7بي هِل سَبَب، بي أشاره رادَّوا مِن صُدقانهُم إلْلي چانُوا بي بَلَم آخَر، إیّون خاطِر یِساعدونهُم. ذاکول إیَّوا وَ هاگِد تِرْسُوا الْبَلمِین مِن السِّمَچ إلْلي ما چان ضال شي یِغُطَّن بي الْماي. 8وَکت إلْلي شَمعون الْپطرس شاف هِیچ، طاح عَلَیٰ ریلِین عیسیٰ وَ گال: «یا رَب، أبعَد عَنّي، لِأن أنا زِلمه مُذنِب!» 9هَم هُوَّ وَ هَم إلْلي چانُوا مَعَه چانُوا مِتْحَیِّرین مِن سالفِة صَید السِّمَچ. 10یعقُوب وَ یُوحَنَّا، أولاد زبدي، هَم إلْلي چانُوا زُمَلاء شَمعون، چانِت عِندهُم نِفس الْحَاله. عیسیٰ گِل لِشَمعون: «لا تْخاف، مِنَّا وَ هِیچ إتٌصید النَّاس.» 11چا ذاکول یابُوا أبْلامهُم لِلسّاحِل وَ تِرکَوا کِل شي، راحُوا وَراء.
شَفاء زِلمه الْجُذامي
12فِرِد یُوم آخَر إلْلي عیسیٰ چان بي فِرِد مَدینه مِن الْمُدُن، إیّه زِلمه إلْلي الْجُذام چان إمْعَبّه کِل جِسمه. وَکت إلْلي شاف عیسیٰ، حَط وَیهه عَلَیٰ التَّراب وَ هُوَّ ایدَخِّل گال: «یا سِیِّدي، لُو أترید تِگدَر تِشفیني.» 13عیسی مِد إیده وَ لِمَسه وَ گال: «أرید؛ أشفیٰ!» بي لَحظَتها، الْجُذام تَرَک ذاک الْزِلمه. 14بَعدِین أمَرَه: «لا تْگول شي لِأحَد، بَل روح وَ راوي نِفسِک لِلْکاهِن الْمَعبَد وَ قَدِّم لِطَهارتَک ضَحایاء إلْلي مُوسَیٰ أمَر بیهِن، خاطِر إتکون ألهُم شَهاده.» 15مَعَ کِل هَذ، أکثَر چان یِنْتِشِر خَبَر أعماله، أبگِد إلْلي جَماعَه چِثیره چانُوا یِتْجَمعون خاطِر یِسِمعون حَچیَّه وَ یِشفون مِن أمراضهُم. 16أمَّن عیسیٰ أکثَر چان ایروح لِأماکِن بِعیده وَ چان یِنْدِعي.
شَفاء زِلمه الْأمگَرَّم
17یُوم مِن الْأیَّام عیسیٰ چان یِعَلِّم وَ عُلَماء فِرقَة الْفَریسیین وَ مُعَلِّمین الشَّریعَه مِن کِل مُدُن مَنطَقة الْجَلِیل وَ الْیَهُودیَّه وَ هَم مِن مَدینَة أورشَلیم چانُوا یایین وَ گاعدین، وَ قُوَّة الرَّب چانِت مَعَه لِشَفاء الْمَرضیٰ. 18فَجأةً چِم زِلمه وُصلَوا مِن الطَّریق إلْلي چانُوا حاملین واحَد أمگَرَّم عَلَیٰ الْأفراش. ذاکول سَعَوا یَأخذونه داخِل الْبِیت وَ یِحُطّونه جِدَّام عیسیٰ. 19أمَّن وَکت إلْلي بي سَبَب أزدِحام الْجَمعیَّه ما لِگَوا طَریق، راحُوا فُوگ الْبِیت وَ مِن بِین السَّگُف نِزِّلُوا الْأمگَرَّم بي أفراشه وَ حَطُّوه وَسَط الْجَمعیَّه جِدَّام عیسیٰ. 20وَکت إلْلي عیسیٰ شاف إیمانهُم، گال: «یا زِلمه، إنْغُفرَن ذُنوبِک!» 21أمَّن مُعَلِّمین التُّورات وَ فِرقَة الْفَریسیین فَکِّرَوا مَعَ نِفِسهُم: «هَذ یاهو إلْلي یُکفُر؟ یاهو یِگدَر یِغفِر الذُّنوب غِیر الْإلَه؟» 22عیسیٰ عَرَف شِیفَکرون وَ سِأَل: «لِیش بي گلوبکُم هِیچ إتْفَکرون؟ 23گولِت یاهي أسهَل: ”إنغُفرَن ذُنوبَک“ لُو هَي إلْلي ”گوم وَ أمشي“؟ 24هَسّه خاطِر تِعُرفون إلْلي ابن الْإنسان عِنده أقتدار عَل أرض إلْلي یِغفِر الذُّنوب» - گال لِلْزِلمه الْأمگَرَّم: «أگِلِّک، گوم، شیل أفراشِک وَ روح لِلْبِیت!» 25بي لَحظَتها، ذاک الْزِلمه وُگَف مُقابیلهُم وَ شال شي إلْلي چان نایِم عَلِیه، راح لِلْبِیت وَ چان یِحمِد الْإلَه. 26الْجَمیع إتْحَیِّرَوا مِن شي إلْلي چان صایِر، مَجِّدُوا الْإلَه وَ بي حال إلْلي چانُوا مِتعَبّین مِن الْخُوف، چانُوا ایگولون: «الْیُوم شِفنا أشیاء مُحیرَّه.»
دَعوَة عیسیٰ مِن لاوي
27بَعدِین عیسیٰ طَلَع بَرّا مِن ذاک الْبِیت وَ شاف فِرِد مُجَمِّع الْضَریبه، بي أسِم لاوي، إلْلي چان گاعِد بي مَحَل أخذ الْضَریبه. گِلَّه: «تَعال وَراي.» 28لاوي گام، تَرَک کِل شي وَ راح وَراء عیسیٰ.
29لاوي بي بِیته سَوّا عَزیمه چِبیره لِتَکریم عیسیٰ، وَ جَمعیَّه چِبیره مِن مُجَمِّعین الْضَریبه وَ نَاس أخریٰ، گِعدَوا وَیَّاهُم عَلَیٰ السُّفره. 30أمَّن فِرقَة الْفَریسیین وَ مُعَلِّمین التُّورات إلْلي چانُوا مِن فِرقَتهُم، بي شِکوَّه گالُوا لِتَلامیذ عیسیٰ: «لِیش تِشُربون وَ تَأکلون مَعَ مُجَمِّعین الْضَریبه وَ الْمُذنِبین؟» 31عیسیٰ جاوَب: «الْمَرضیٰ عایزین طَبیب، مو الْصاحین. 32أنا مو یاي خاطِر أدعي الصّالِحین بي التُّوبه بَل یاي خاطِر أدعي الْمُذنِبین لِلتُّوبه.»
سُؤال عَن الْصِیَّام
33گِلُوا لِه: «تِلامیذ یَحییٰ أکثَر الْوَکِت یِصومون وَ یِنْدِعون؛ تِلامیذ الْفَریسیین هَم هِیچ، أمَّن تِلامیذَک کِل الْوَکِت مَشغولین بي الْأکِل وَ الشُّرُب.» 34عیسیٰ جاوَب: «تِگِدرون تِجُبرون ضُیوف الْعِرِس بي الْصِیَّام، لِوَکت إلْلي الْعِرّیس مَعَهُم؟ 35أمَّن یُوصَل وَکِت إلْلي یِنْکَض مِنهُم الْعِرّیس. بي ذِکِن الْأیَّام یِصومون.» 36چا یاب ألهُم هَذا الْمَثَل: «أحَد ما یِگُص وُصلَه مِن هِدِم الْیِدید خاطِر یِرِگْعَه بي هِدِم الْعَتیج. لِأن لُو هِیچ یِسَوّي، هَم شاگ هِدم الْیِدید وَ هَم أگماش الْیِدید عَلَیٰ هِدِم الْعَتیج وُصلَه ما تناسِب. 37وَلا أحَد یِچِب شَراب الْیِدید بي رُکوات عِتَّج. لِأن لُو هِیچ یِسَوّي، شَراب الْیِدید ایشِگ الرُّکوه وَ الشَّراب یِنْچَب وَ الرُّکوات هَم یِتِلْفَن. 38شَراب الْیِدید کون یِنْچَب بي رُکوات یِدَّد. 39بَعَد ما، واحَد یِشرَب شَراب الْعَتیج ما یِرید شَراب یِدید، لِأن ایگول: ”شَراب الْعَتیج أحسِن.“»
Currently Selected:
لوقا 5: ACM
Highlight
Copy
Compare
Share
Want to have your highlights saved across all your devices? Sign up or sign in
©️2024 Korpu Company
