لوقا 3
3
یَحییٰ یِجَهِّز طَریق الْمَسیح
1بي خِمِس تَعَش سِنَه مِن حُکومَة تیبریوس الْأمبِراطور، وَکت إلْلي پُنتیوس پیلاتُس چان والي الْیَهُودیَّه، هیرودیس حاکِم مَنطَقة الْجَلِیل، أخوه، فیلیپُس حاکِم ایتوریه وَ تْراخونیتیس، لیسانیوس حاکِم آبیلیني، 2وَ حَنَّا وَ قَیَافَا چانُوا أعظَم کاهِنین الْمَعبَد، کَلام الْإلَه نِزِل عَلَیٰ یَحییٰ ابِن زَکَرِیَّا بي الصَّحراء. 3چا یَحییٰ چان ایروح بي کِل نَواحي نَهَر أُردُن وَ یُوعِظ لِلنَّاس لِخاطِر غُفران ذُنوبهُم یِتوبون وَ یِتْعَمِّدون. 4عَن هَي یاي بي کِتاب کَلام إشعیَاء النَّبي إلْلي:
«نِداء ذاک إلْلي یِنادي بي الصَّحراء،
”جَهزوا طَریق الرَّب!
إعِمْلوا طُرُقه مُستَقیمه!
5کِل وادي یِنْتِرس وَ کِل الْأیبال وَ الْحِدَّات یِنْخَفضِن؛
طُرُق الْعُويه، جِدْ وَ یِتْصَفَّن دُروب الْموصافیه.
6بَعدِین جَمیع الْبَشَر راح ایشوفون نِجاح الْإلَه.“»
7یَحییٰ چان ایگول لِجَماعَه إلْلي چانُوا إیّون عِنده لِلْغُسل التَّعمید: «یا خَلفَة الْأفاعي، یاهو حَذَرکُم خاطِر تِشِرْدون مِن غَضَب الْقادِم؟ 8چا أعِملوا أعمال إلْلي یِراوَن أنتُم تایبین وَ مَعَ نِفِسکُم لا تگولون إلْلي: ”أبونا إبراهیم.“ لِأن أگِلکُم الْإلَه یِگدَر مِن هَذه الصَّخَر یِصنَع أولاد لِإبراهیم. 9هَسّه الْطُبَر واصل عَلَیٰ عِرج الْأشجار. کِل شَجَره إلْلي ما تِنْطي فاکِهَه زِینه، تِنْگُطُع وَ تِنذَّب بي النَّار.»
10الْجَماعَه سِألُوا مِنَّه: «چا شِنْسَوّي؟» 11یَحییٰ جاوَب: «ذاک إلْلي عِندَه هِدمِین، یِنْطي واحَد مِنْهِن لِذاک إلْلي ما عِندَه، وَ ذاک إلْلي عِندَه أکِل هَم هِیچ یِعمِل.» 12مُجَمِّعین الْضَریبه هَم إیَّوا خاطِر یِتْعَمِّدون. ذاکول سِألُوا مِنَّه: «یا مُعَلِّم، إحنَا شِنْسَوّي؟» 13یَحییٰ گِل إلهُم: «لا تَأخذون مالیات أکثَر مِن الْمَفروض.» 14الْجُنود هَم سِألوا مِنَّه: «إحنَا شِنْسَوّي؟» گال: «بي گُوّا لا تَأخذون إفلوس مِن أحَد وَ لا تِتِهْمون أحَد وَ کونوا قانعین بي مَعاشکُم.»
15النَّاس بي شوق چانُوا مِنْتَظرین وَ مَعَ نِفِسهُم چانُوا یِفَکرون إلْلي هَلْ مُمکِن یَحییٰ إیکون هُوَّ مَسیح الْمُوعود؟ 16هَذا چان جَواب یَحییٰ ألهُم: «أنا أعَمِّدکُم بي ماي أمَّن ایّي واحَد أقویٰ مِنّي إلْلي أنا حَتَّیٰ ما أسْتاهِل أحِل أخیوط قِنادره. هُوَّ یِعَمِّدکُم بي روح الْقُدُس وَ النَّار. 17هُوَّ کاض مِرْواحه بي إیده خاطِر یِعزِل الْحُنطَه مِن التِّبِن وَ یِجَمِع الْحُنطَه بي مَخزنه، أمَّن یِحرِگ التِّبِن بي نار إلْلي ما تِنْطُفي.»
18وَ یَحییٰ چان ایبَشِّر النَّاس بي نَصایِح چِثیره أخریٰ. 19أمَّن چِن هیرودیس الْحاکِم، عَلِمود زَواجه مَعَ هیرودیا إلْلي بي نِفس الْوَکِت چانِت زوجَة أخوه، وَ هَم جَمیع أعمال الشَّریره إلْلي چان عامِلهِن چان یِتْعاتِب مِن صُوب یَحییٰ، 20هیرودیس حِبَسه وَ بي هِل شِکِل زَوَّد خَطاء عَلَیٰ أخطائَه.
تَعمید عیسیٰ وَ شَجَرته
21وَکت إلْلي النَّاس کِلها چانُوا یِتْعَمِّدون وَ عیسیٰ هَم چان مِتْعَمِّد وَ یِنْدِعي، إنْفِتحَت السَّماء 22وَ نِزِل عَلِیه روح الْقُدُس بي شِکِل جِسِم، مِثِل حَمامه، وَ وُصَل نِداء مِن السَّماء إلْلي «أنتَ ابني الْمَحبوب، وَ أنا مَسْرور مِنَّک.»
23عیسیٰ چان عِنده جِریب الثَّلاثین سِنه إلْلي أبتِدَء بي خِدِمتَه. وَ النَّاس چانُوا یِظِنّون هُوَّ ابِن یُوسِف، وَ یُوسِف، ابِن هِلي، 24ابِن مَتّات، ابِن لاوِي، ابِن مَلْکِي، ابِن یَنَّا، ابِن یُوسِف، 25ابِن مَتَّاتیا، ابِن عَامُوس، ابِن نَاحُوم، ابِن حَسْلِي، ابِن نَجَّي، 26ابِن مَعَت، ابِن مَتَّاتیا، ابِن سِمِعین، ابِن یُسِک، ابِن یَهُودا، 27ابِن یوحَنان، ابِن رِیسَا، ابِن زَرُوبَّابِل، ابِن شِئَلتِیئِیل، ابِن نِیرِي، 28ابِن مَلْکِي، ابِن أَدِّي، ابِن قُوصَام، ابِن ألمادَام، ابِن عِیر، 29ابِن یوشَع، ابِن أَلِعَازَار، ابِن یُورِیم، ابِن مَتَّات، ابِن لاوِي، 30ابِن شِمْعُون، ابِن یَهُودا، ابِن یُوسِف، ابِن یُونَام، ابِن أَلِیَاقِیم، 31ابِن مَلَیَا، ابِن مِنَّا، ابِن مَتَّاتَا، ابِن نَاتَان، ابِن دَاوُد، 32ابِن یَسَّا، ابِن عُوبِید، ابِن بُوعَز، ابِن سَلْمُون، ابِن نَحْشُون، 33ابِن عَمِّینَادَاب، ابِن رَام، ابِن حَصْرُون، ابِن فَرِص، ابِن یَهُودا، 34ابِن یَعْقُوب، ابِن إسْحَاق، ابِن إبْرَاهِیم، ابِن تَارَح، ابِن نَاحُور، 35ابِن سَرُوج، ابِن رَعُو، ابِن فَلَج، ابِن عَبِر، ابِن شَلَخ، 36ابِن قِینَان، ابِن أَرْفَکْشَاد، ابِن سَام، ابِن نُوح، ابِن لَمَک، 37ابِن مَتُوشَالَح، ابِن خَنُوخ، ابِن یَارِد، ابِن مَهْلَلْئِیل، ابِن قِینَان، 38ابِن أنُوش، ابِن شِیث، ابِن آدَم، ابنِ الْإلَه.
Currently Selected:
لوقا 3: ACM
Highlight
Copy
Compare
Share
Want to have your highlights saved across all your devices? Sign up or sign in
©️2024 Korpu Company
