إنجیل یُوحَنَّا 18
18
قَبض عَلَیٰ عیسیٰ
1عیسیٰ بَعَد ما گال هَذا الْکَلام، مَعَ تِلامیذه راح ذاک صُوب وادي قِدرون. عیسیٰ وَ تِلامیذه دِخلُوا بي بِستان إلْلي چان أهناک. 2یَهُودا مُسِلِّمه، چان یُعرُف ذاک الْمَکان، لِأن عیسیٰ وَ تِلامیذه چِم مَرَّه چانُوا مِلتِمّین أهناک. 3چَا یَهُودا مَعَ مَجموعه مِن الْجِنود وَ مُؤامیر کُبار الْکاهِنین وَ فِرقَة الْفَریسیین، إلْلي چانُوا حاملین فانوس وَ مَشعَل وَ أسلاح وُصلَوا أهناک. 4عیسیٰ، مَعَ هَذ إلْلي چان یِدري شي صیر لَه، تِقَدَّم وَ گال ألهُم: «عَلَیٰ مِن إتْدَورون؟» 5جاوُبُوا: «عیسیٰ مِن أهِل نَاصِره.» گال: «أنا أکون.» یَهُودا مُسِلِّمه هَم چان واگُف مَعَهُم. 6وَکِت إلْلي عیسیٰ گال، «أنا أکون،» رِجعَوا لِوَراء وَ طاحُوا عَلَیٰ الْأرض. 7چَا مَرَّه أخریٰ سِأَل مِنهُم: «عَلَیٰ مِن إتْدَورون؟» گالُوا: «عیسیٰ مِن أهِل نَاصِره.» 8جاوُب: «گِلتِلکُم أنا أکون. چَا لُو تِردوني، خِلّوا هِذول یِرْحون.» 9گال هَي خاطِر شي إلْلي مِن گَبُل چان گایله یِتْحَقَّق إلْلي: «ما خَسَرِت وَلا أحَد مِن ذاکول إلْلي وَهِّبِتهُم ألي.»
10بَعدِین شَمعون الْپِطرُس سِلَت سِیفه وَ ضَرَب خادِم کاهِن الْأعظَم وَ گِطَع إذنه الْیِمنه. أسِم ذاک الْخادِم چان مالخوس. 11عیسیٰ گال لِپِطرُس: «رِد سِیفَک بي مَکانه! مو کون کَأس إلْلي أبوي مُنْطیني أیَّاه، أشُربه؟» 12بَعدِین الْجِنود، مَعَ قائِدهُم وَ مُؤامیر الْیَهُود إعتِقلُوا عیسیٰ. ذاکول شَبُّگوه 13وَ أوَّل خِذُوه عِند حَنّا. هُوَّ چان أبو مَرَت قیافا، کاهِن الْأعظَم بي ذاک الْوَکِت. 14قیافا چان ذاک إلْلي وَصّیٰ الْیَهُود، أحسِن إیکون إلْلي واحَد یِموت بي طَریق الْقُوم.
أنکار پِطرُس
15شَمعون الْپِطرُس وَ واحَد مِن التِّلامیذ هَم مِشُوا وَراء عیسیٰ. ذاک التِّلمیذ چان واحَد مِن مَعارِف کاهِن الْأعظَم. چَا مَعَ عیسیٰ دِش بي حوش بَیت کاهِن الْأعظَم. 16أمَّن پِطرُس وُگَف وَراء الْباب. چَا ذاک تِلمیذ الْآخَر إلْلي چان مِن مَعارِف کاهِن الْأعظَم، خَرَج وَ حِچه مَعَ مَراء إلْلي چانَت نَاطورَة الْباب، وَ دِشَّش پِطرُس بي الْبَیت. 17ذیچ خَادِمه الْنَاطوره سِألَت مِن پِطرُس: «مو أنتَ هَم مِن تِلامیذ ذاکِ الْزِلمه؟» پِطرُس جاوُب: «ماني.»
18چان بَرِد. الْخِدَّام وَ الْمُؤامیر چانُوا شاعلین نَار بي فَحَم وَ مُوگفین حَوالِیها وَ چانُوا یِدَفّون نَفِسهُم. پِطرُس هَم چان مُوگُف وَیَّاهُم وَ چان یِتْدَفّیٰ.
19چَا کاهِن الْأعظَم سِأَل مِن عیسیٰ عَن تِلامیذه وَ تَعالیمه. 20عیسیٰ جاوُب: «أنا تِکَلَّمِت مَعَ الْعالَم عَل مَکشوف وَ کِل وَکِت عَلِّمَیت بي مَحَل عِبَادة الْیَهُود وَ بي الْمَعبَد إلْلي الْیَهُود چانُوا یِلْتَمّون أهناک وَ ما گِلِت شي بي الْخَفاء. 21لِیش تِسأَل مِنّي؟ إسأَل مِن ذاکول إلْلي سِمعَوا کَلامي! ذاکول زِین یِدرون إش گِلِت ألهُم.» 22وَکت إلْلي گال هَي، واحَد مِن الْحُراس إلْلي چان مُوگُف أهناک، سُطَرَه وَ گال: «هِیچ إتْجاوُب کاهِن الْأعظَم؟» 23عیسیٰ جاوُب: «لُو خاطئ، أشهَد عَلَیٰ خَطیئتي؛ أمَّن لُو صَحیح گایِل، لِیش تِضرُبني؟» 24بَعدِین حَنّا وَدَّاه إمْچَتَّف عِند قیافا، کاهِن الْأعظَم.
25بي ذیچ الْحال إلْلي شَمعون الْپِطرُس چان مُوگُف وَ چان یِتدَفّیٰ، بَعَض مِنهُم سِألُوا مِنَّه: «أنتَ هَم خو مو واحَد مِن تِلامیذه، هَل إتکون؟» هُوَّ نِکَر و گال: «لا! ماني.» 26واحَد مِن خِدَّام کاهِن الْأعظَم إلْلي چان واحَد مِن گَرایِب ذاک إلْلي پِطرُس گَطَع إذنه، گال: «أنا مو شِفتَک وَیَّاه بي ذاک الْبِستان؟» 27پِطرُس بَعَد مَرَّه نِکَر. بي ذیچ الْلَحظه فِرِد دیچ عوعَه.
مُحاکِمَة عیسیٰ بي حُضور پیلاتُس
28چان غُبشه إلْلي أخذُوا عیسیٰ مِن یِم قیافا إلَیٰ قَصر الْوالي. ذاکول ما دِشُّوا بي قَصر الْوالي خاطِر لا یِتْنَجِّسون وَ یِگِدْرون یَأکلون الْپِسَخ. 29چَا پیلاتُس إیّه یِمهُم وَ سِأَل: «بي یا ذَنِب تِتِهْمون هَذا الْزِلمه؟» 30بي الْجَواب گالُوا: «لُو ما چان مُجرِم، ما چان سِلَّمناه ألَک.» 31پیلاتُس گال لِذاکول: «أنتُم أخذوه وَ حاکموه حَسَب شَریعَتکُم.» الْیَهُود گالُوا: «إحنَا مو مَرخوصین نِقتِل أحَد.» 32بي هِل شِکِل، یِتْحَقَّق کَلام عیسیٰ عَن شِکِل مُوتْته إلْلي چانَت تِنتَظره.
33چَا پیلاتُس رِجَع لِقَصره وَ راد عیسیٰ وَ گِلَّه: «هَل أنتَ مَلِک الْیَهُود؟» 34عیسیٰ جاوُب: «هَلْ أنتَ إتْگول هَي، لُو الْآخَرین گایلین لَک عَنّي؟» 35پیلاتُس جاوُب: «چَا أنا یَهُودي؟ قُومَک أنتَ وَ کُبار الْکاهِنین سِلِّمُک ألي؛ إش عَامِل؟» 36عیسیٰ جاوُب: «سَلطَنتي مو مِن هَذا الْعالَم. لُو سَلطَنتي چانَت مِن هَذا الْعالَم، خِدَّامي چان حارِبُوا خاطِر لا یِسَلموني بي إید الْیَهُود. أمَّن سَلطَنتي مو مِن هَذا الْعالَم.» 37پیلاتُس سِأَل مِنَّه: «چَا أنتَ مَلِک؟» عیسیٰ جاوُب: «أنتَ بي نَفسَک إتگول أنا مَلِک. أنا لِخاطِر هَي وُلَدِت وَ لِخاطِر هَي إیِّت لِلْعالَم إلْلي أشهَد عَل حَقیقه. چَا کِلْمَن إیکون مِن الْحَقیقه، یِسمَع صُوتي.» 38پیلاتُس سِأَل: «شِنهي الْحَقیقه؟»
وَکت إلْلي گال هَي، هِنّوب طَلَع عِند الْیَهُود وَ گِلهُم: «أنا ما لِگِت بیه أي ذَنِب خاطِر أحُکمه. 39أمَّن أنتُم عِندکُم رَسِم إلْلي بي عید الْپِسَخ أحَرِّر ألکُم فِرِد سِجّین؛ تِرْدون أحَرِّر مَلِک الْیَهُود؟» 40ذاکول بي الْجَواب گامُوا یِصَیْحون: «ذاک لا، بَل حَرِّر باراباس!» أمَّن باراباس چان إمْسَیلِبچي.
Currently Selected:
إنجیل یُوحَنَّا 18: ACM
Highlight
Copy
Compare
Share
Want to have your highlights saved across all your devices? Sign up or sign in
©️2024 Korpu Company
