أعمال الرُّسُل 25
25
مُحاکِمه بي حُضور فِستوس
1فِستوس ثِلِث تِیَّام مِن بَعَد ما دَخَل وَلایته، مِن مَدینَة قِیصَریّه راح إلَیٰ أورشَلیم. 2أهناک کُبار کاهِنین الْمَعبَد وَ کُبار قُوم الْیَهُود حُضرَوا مُقابیله وَ تِهمُوا پولُس. 3ذاکول بي لَح رادُوا مِن فِستوس ایمین عَلِیهُم وَ ایوَدّي پولُس إلَیٰ أورشَلیم لِأن چانُوا خاتلین لِه خاطِر بي الطَّریق یِقِتلونه. 4أمَّن فِستوس بي الجَواب گال: « مِحتَجزین پولُس بي الْقِیصَریّه وَ أنا بي نَفسي قاصِد إلْلي بي هِل گُرُب أروح أهناک. 5خِل إیّون مَعَي بَعَض مِن قاداتکُم، خاطِر لُو هَذا الْزِلمه خاطِئ، یِطُرحون شَکاویهُم ضِدّه.»
6فِستوس مِن بَعَد ما ضَل وَیَّاهُم جِریب الْثِمِن لُو عَشُر تِیَّام، رِجَع إلَیٰ قِیصَریّه، وَ یُوم التَّالي شِکَّل مَحکَمه وَ أمَر إیِِّبون پولُس. 7وَکت إلْلي پولُس دَخَل، یَهُود إلْلي چانُوا یایین مِن أورشَلیم، وُگفَوا حَوالِیه وَ تُهمُوه بي تَهایِم چِثیره وَ خَطیره، أمَّن ما گِدرُوا یِثَبتونهِن.
8بَعدِین پولُس، بي دِفاع عَن نَفسه گال: «أنا أبَد ما خُطِیت بي حَگ شَریعَة الْیَهُود لُو الْمَعبَد لُو بي حَگ الْأمبِراطور.»
9فِستوس إلْلي چان رایِد ایحُط مِنیَّه عَلَیٰ الْیَهُود، گال لِپولُس: «هَلْ إترید إتروح لِأورشَلیم خاطِر أهناک إمشان هِل تَهایِم تِتحاکِم بي حُضوري؟»
10پولُس جاوُب: «هَسّه أنا واگُف بي مَحکَمة الْأمبِراطور إلْلي کون بیها أتحاکَم. أنتَ بي نَفسَک زِین تُعرُف إلْلي أنا أي جُرُم مو مِرتُکُب بي حَگ الْیَهُود. 11هَسّه لُو مُخطِئ لُو عامِل عَمَل یِستِحِق الْمُوت، ماني خایِف مِن الْمُوت. أمَّن لُو تُهُم إلْلي هِذول تِهموني بیهِن ما ألهِن أساس، ما أحَد یِگدَر یِسَلِّمني بي إیدهُم. چا أرفَع شِکوتي لِلْأمبِراطور.»
12فِستوس بَعَد ما إستَشار أعضاء شُورائه عِلِن: «تِرفَع شِکوتِک لِلْأمبِراطور؟ چَا راح إتروح لِحُضور الْأمبِراطور!»
فِستوس یِستَشیر آگْریپاس
13مِن بَعَد ما تَعَدِّن چِم یُوم، آگْریپاس الْمَلِک وَ مَعَ مَرته بِرنیکي إیَّوا لِقِیصَریّه لِتَرحیب فِستوس. 14مِن ضَلَّوا چِم یُوم أهناک، فِستوس طَرَح قَضیَّة پولُس مَعَ الْمَلِک وَ گال: «أهنا أکو زِلمه إلْلي فِلیکْس تَرکِه بي السِّجن. 15وَکت إلْلي چِنِت بي أورشَلیم، کُبار الْکاهِنین وَ مَشایِخ الْیَهُود تِهمُوه وَ طُلبَوا إلْلي یِنحکُم.
16«گِلت ألهُم الرُّومیین ما عِندهُم رَسِم یِحُکمون مُتَّهَم، گَبُل لا یِقابل ذاکول إلْلي مِشتِکین عَلِیه وَ یِسِمحون لِه یِدَافِع عَن نِفسه ضَد الْتَهایِم. 17وَکت إلْلي إیَّوا أهنا، ما إتأَخَرِت بَل بي یُوم التَّالي، شِکِّلِت مَحکمه وَ آمَرِت یِحِضرونه. 18وَکت إلْلي ذاکول إلْلي مِشتِکین عَلِیه گامُوا یِحچون، ما تِهموه بي أي تُهمه إلْلي أنا چِنِت أتوَقَّعها. 19بِل تِباحِثُوا عَلَیٰ چِم مِسئَله بي خُصوص دینهُم وَ شَخُص بي أسم عیسیٰ إلْلي مِیِّت وَ پولُس مُدَّعي بِأن هُوَّ حَيّ. 20أنا ما چِنِت أدري کون إشلون أحِل هِیچ مَسائِل، سِئِلِّت مِنه هَلْ ایرید ایروح لِأورشَلیم خاطِر یِتحاکِم أهناک لِهِل تَهایِم. 21وَکت إلْلي پولُس رِفَع شِکوته لِلْأمبِراطور، راد لِحَد صُدور حُکمه یُبقیٰ بي الْحَبس، چا أمَرِت یِبَقّونه لِحَد یُوم إلْلي أوَّدیه لِحُضور الْأمبِراطور.» 22آگْریپاس گال لِفِستوس: «أوَّد أنا أسمَع حَچیه.»
فِستوس گال: «باچر راح تِسمَع لِه.»
23یُوم التَّالي، إیَّوا آگْریپاس وَ مَرته برنیکی بي أحتفال عَظیم وَ دِخلَوا بي قاعَة الْمُقابلات مَعَ قادَة الْجَیش وَ زِلِم الْمَعروفین بي الْمَدینه. بي أمُر فِستوس حِضرَوا پولُس. 24فِستوس گال: «یا آگْریپاس الْمَلِک، وَ یا جَمیع الْحُضار! جَمیع الْیَهُود شِنهي بي أورشَلیم وَ شِنهي أهنا، مِشتِکین یِمّي مِن هَذا الْزِلمه إلْلي إتشوفونه وَ یِصرخون إلْلي کون لا یُبقیٰ حَيّ. 25أمَّن أنا عِرَفت إلْلي مو عامل شي إلْلي یِستِحِّق الْموت. أمَّن چِن رِفَع شِکُوته لِلْأمبراطور، صَمَّمِت أوَّدیه إلَیٰ الْرُوم. 26أمَّن ما عَندي شي مُحَدِّد إلْلي أکِتبه لِلْأمبِراطور. چا یایبه لِحُضورکُم، بي الْخُصوص بي حُضورک، یا آگْریپاس الْمَلِک، خاطِر بِلکة مِن بَعد الْتَحقیق، إلگه شي لِلْکِتابه. 27لِأن مو مَعقوله إلْلي أوَّدي سَجین بِلا ما أکتِب تَهایِم إلْلي ضِدَّه.»
Currently Selected:
أعمال الرُّسُل 25: ACM
Highlight
Share
Compare
Copy
Want to have your highlights saved across all your devices? Sign up or sign in
©️2024 Korpu Company
