أعمال الرُّسُل 24
24
مُحاکمه بي حُضور فِلیکْس
1خِمِس تیَّام بَعَد، کاهِن الْأعظَم، حَنانیا، مَعَ چِم شَخُص مِن الْمَشایِخ وَ وَکیل بي أسِم تِرتولُس، قَدِّمُوا شِکایاتهُم ضِد پولُس بي حُضور الْوالي. 2مِن حِضرَوا پولُس، تِرتولُس هِیچ أستِبدِء بي شِکایته بي حُضور فِلیکْس: «سِیِّدي، بي فَضلَک إحنَا مِن زَمان عِندنا السَّلام وَ الْراحه وَ تَدابیرِک سِبِبَن إلْلي تِتْحَسن أوضاع هَذا الْقوم، 3هَي وَظیفتنا إلْلي بي أي مَکان وَ أي وَکِت أنقَدِّر أعمالَک. 4أمَّن خاطِر أکثَر مِن هَي لا أنکُض وَکتِک، نِتمَنَّیٰ تُلطُف عَلِینا وَ تِسمَع کَلامنا الْمُختَصَر.
5«ثِبتَت ألنا إلْلي هَذا الْزِلمه، شَخُص فِتان إلْلي ایسُوّي إغتِشاش بِین یَهُود إلْلي موجودین بي کِل الْعالَم. وَ هَم هُوَّ مِن قادَة فِرقَة النَّاصریّه. 6وَ حَتَّیٰ چان یِسعي ایهین الْمَعبَد، بي هِل سَبَب أعتِقِلناه. وَ رِدنا إنحاکمه حَسَب شَریعَتنا 7أمَّن لیسیاس الْقائِد إیّه وَ بي گُوّا خِذاه مِن إیدنا، 8وَ أمَر الْمُشتَکین إلْلي إیّون لِحُضورِک. هَسّه، لُو أنتَ تِتْحَقِّق مِنَّه، راح تِتبَیَّن لِک حَقیقَة أمور إلْلي نِتُهمَه بيهِن.»
9الْیَهُود هَم بي صوت واحَد أیِّدُوا کَلامه.
10مِن الْوالي أشَّر عَلَیٰ پولُس إلْلي یِتکِلِّم، هُوَّ هِیچ جاوُب: «أدري إسنین طَویله إلْلي تِقضي عَلَیٰ هَذا الْقوم چا بي فَرَح کامِل، أدافِع عَن نِفسي. 11أنتَ بي نِفسِک تِگدَر تِتْحَقِّق وَ راح تُعرُف إلْلي ما مِتْعَدّي أکثَر مِن أثنَعَش یُوم مِن وَکت إلْلي أنا لِلْعِباده رِحِت لِأورشَلیم، 12وَ بي هِل مُدَّه، أحَد ما شایِفني إلْلي بي الْمَعبَد أطالُب أحَد لُو بي مَحَل عِبادات الْیَهُود لُو بي الْمَدینه أهَیُّض النَّاس. 13ذاکول ما یِگِدرون یِثِبتون تَهایِم إلْلي یِتُهموني بیهِن. 14أمَّن أعتُرُف لَک إلْلي بي مُتابَعتي مِن الطَّریقه إلْلي یِسمونها الْبِدعَه، أعبِد إلَه أبَّهاتنا وَ هَم مِعتقِد بي کِل شي إلْلي مِکتوب بي الْتُورات وَ بي کُتُب الْأنبیَاء. 15أنا هَم مِثِلهُم أمَلي بي الْإلَه وَ مِعتقِد إلْلي قِیَامه موجوده لِلصَّالحین وَ لِلْضالمین. 16بي هِل سَبَب، حِیل أسعي خاطِر بي النِّسبه لِلْإلَه وَ لِلنَّاس أعیش بي ضَمیر طاهِّر.
17«أنا مِن بَعَد إسنین طَویله، رِحِت لِأورشَلیم خاطِر آخِذ صَدَقه لِمَحتاجین قُومي وَ أقَدِّم ضَحیه. 18چِنت أعمِل هَي إلْلي بي حال إلْلي چِنِت أعمِل رَسم تَطهیر الْیَهُود، لِگُوني بي الْمَعبَد. لا چانَت جَمعیَّه وَ لا إغتِشاش. 19أهناک چانُوا چِم یَهُودي مِن أیالَة آسیا إلْلي چان لازم هِسّه إیکونون حاضرین بي حُضورک خاطِر لُو عِندهُم إتِّهام ضِدّي، ایگولونه. 20وَ لُو أشخاص إلْلي أهنا خِل ایگولون مِن چِنِت بي حُضور الشُّوراء، شِنهي مِن جُرُم لِگُوا بیِه، 21غِیر هَي إلْلي بِیناتهُم بي صُوت عالي گِلِت: لِخاطِر قِیَام الْأموات الیُوم گاعِد أتحاکِم بي حُضورکُم.»
22بي ذاک الْوَکِت فِلیکْس إلْلي زِین چان یُعرُف الطَّریقه، غَیَّر وَکت الْمُحاکِمه وَ گال: «وَکت إلْلي الْقائِد لیسیاس ایّي، بي ذاک الْوَکِت راح أقرِّر عَن شکوَتکُم.» 23بَعدِین أمَر ضابِط الْمَسئول خاطِر ایراقِب پولُس، أمَّن یِنْطيه بَعض الْحُریَّه وَ لا یِحُرمه مِن هَي إلْلي گِرایبینه یِرُفعون أحتیاجاته.
24چِم یُوم بَعَد، فِلیکْس مَعَ مَرته دْروسیلا إلْلي چانَت یَهُودیَّه إیّه وَ وُدَّه وَراء پولُس وَ سِمَع کَلامه عَن الْإیمان بي مَسیح الْمُوعود. 25وَکت إلْلي پولُس تِکَلَّم مِن الْصالحیَّه وَ الْإجتناب وَ قَضاء الْقادِم، فِلیکْس خاف وَ گال: «بَعَد کافي! تِگدَر إتروح. بي فُرصه ثانیه مَرَّه أخرَیٰ راح أریدَک.» 26بي نِفس الْوَکِت، چان عِنده أمِل إلْلي پولُس یِنْطيه رِشوَه. بي هِل سَبَب، مَرَّات چِثیره چان یِدعيه وَ یِحچي مَعَه.
27مِن بَعَد سِنتِین، پورکیوس فِستوس إیّه بِدال فِلیکْس. وَ أمَّن فِلیکْس، لِخاطِر هَي إلْلي یِحُط مِنیَّه عَلَیٰ الْیَهُود، خِلّه پولُس بي السِّجِن.
Currently Selected:
أعمال الرُّسُل 24: ACM
Highlight
Share
Compare
Copy
Want to have your highlights saved across all your devices? Sign up or sign in
©️2024 Korpu Company
