اوّل قرنتیان 15
15
قیَام الْمَسیح
1وَ أمَّن، یا أخوَه هَسّه أرید أذَکِرکُم بي إنجیل إلْلي بَشِرِتکُم بيه، ذاک إنجیل إلْلي قِبَلتوه وَ ثابتین بيه 2وَ بي وَسیلته تِنِجْحون، بي شَرط إلْلي تِثِبْتون کَلام إلْلي بَشِرِتکُم بيه. بي غِیر هِل صوره، عَل فاضي آمَنتوا.
3لِأن أنا شي إلْلي وُصَل لي، یَعني أهِم مَطلَب سِلَمته ألکُم: هَذا إلْلي الْمَسیح حَسَب کُتُب الْمُقَدَّسه بي طَریق ذُنوبنا مات، 4وَ هَي إلْلي إنْدَفَن، وَ حَسَب هِل کُتُب بي یُوم الثَّالِث گام مِن الْمُوتیٰ، 5وَ هَي إلْلي ظَهَر نَفسه عَلَیٰ کیفا وَ بَعدِین ظَهَر عَلَیٰ ذاکول أثنَعَش شَخُص. 6مِن بَعَدها، فرد مَرَّه ظَهَر عَلَیٰ أکثَر مِن خِمِس مِیَة شَخُص مِن الْأخوَه إلْلي أکثَرهُم بَعَدهُم عَدلین، وَلُو بَعَضهُم مِیتین. 7بَعدِین ظَهَر عَلَیٰ یَعقوب وَ بَعَدها عَلَیٰ جَمیع الْرُسُل، 8وَ بي الْأخیر ظَهَر عَلِي أنا هَم، مِثِل طُفِل إلْلي إنوُلِد قَبل الْمُوعِد.
9لِأن أنا أضغَر واحَد بِین الْرُسُل، وَ حَتَّیٰ ماني لایِگ إلْلي یِنْگال لي رَسول، لِأن چِنِت أئِذّي کِلیسات الْإلَه. 10هَذ شَخُص إلْلي هَسّه إتْشوفونه لِخاطِر لُطف الْإلَه وَ لُطفه بي الْنِسبه إلي ما چان بِدون ثَمَر. بي الْعَکس، أنا إشتَغَلِت أکثَر مِنهُم بي شِدَّه، أمَّن مو أنا، بَل لُطف الْإلَه إلْلي مَعَي. 11بي أی حال، شِنهي أنا شِنهي ذاکول، نِعْلِن هَي الْرِسَاله وَ هَي هیَّه ذیچ الْرِسَاله إلْلي آمَنتوا بیها.
قیَام الْأموات
12أمَّن لُو گاعدین یِوَعْظون بي هَي إلْلي الْمَسیح گام مِن الْأموات، إشْلون إلْلي بَعَضکُم ایگولون ماکو لِلْأموات قیامَه؟ 13لُو الْأموات ما یِگومون، چا الْمَسیح هَم مو گایِم. 14وَ لُو الْمَسیح مو گایِم، هَم إعلاننا وَ هَم إیمانکُم باطِل. 15بي هِل صوره، نِنْحِسِب شُواهید کَذَبه لِلْإلَه، لِأن شَهَدنا عَنَّه إلْلي گَوَم الْمَسیح مِن بِین الْأموات، لُو الْأموات ما یِگومون، چا الْإلَه ما گَوَمه. 16لِأن لُو الْأموات ما یِگومون، چا الْمَسیح هَم مو گایِم. 17وَ لُو الْمَسیح مو گایِم، إیمانکُم باطِل وَ أنتُم بَعَدکُم ضالّین بي ذُنوبکُم. 18بِل ذاکول هَم إلْلي ماتُوا بي المَسیح، هِلکُوا. 19لُو بِس بي هِل عیشه أمَلنا إیکون بي الْمَسیح، حالنا إتکون أخَس مِن باجي النَّاس.
20أمَّن الْمَسیح بي الْحَقیقه گایِم مِن الْأموات وَ هُوَّ أحدَث شَخُص إلْلي گام مِن بِین الْمُوتی. 21لِأن مِثِل ما الْمُوت إیّه مِن طَریق فِرِد إنسان، قیَام الْأموات هَم ظَهَر مِن طَریق فِرِد إنسان. 22لِأن مِثِل ما الْجَمیع یِموتون بي آدَم، بي الْمَسیح هَم الْجَمیع راح یِحیون. 23أمَّن کِلمَن بي تَرتیبه: بي الْبِدایه الْمَسیح إلْلي چان أحدَث شَخُص؛ وَ بَعدِین بي وَکِت یِیته، ذاکول إلْلي لِلْمَسیح. 24بَعدِین راح تُوصَل الْنَهایه، یَعني ذاک وَکت إلْلي مِن بَعَد ما یِسِقطَن کِل الْریَاسه وَ الْسُلطه وَ الْقُوَّه، راح یِسَلِم الْمَلَکوت لِإلَه الْإب. 25لِأن هُوَّ کون یِحکُم لِحَد وَکِت إلْلي یِدوس کِل عِدوانه. 26آخِر عَدو إلْلي کون یِهلَک، هُوَّ الْمُوت. 27لِأن «الْإلَه حَط کِل شي تَحَت أطاعته وَ حَدِر ریلِیه.» أمَّن وَکت إلْلي یِنگال ”کِل شي“ مَحطوط حَدِر ریلِیه، إمْبَیِن إلْلي ما تِشمِل الْإلَه إلْلي حَط کِل شي حَدِر ریلِین الْمَسیح. 28وَکت إلْلي کِل شي ضُل یِطیعَه، هُوَّ الْابِن هَم راح ایصیر مُطیع ذاک إلْلي حَط کِل شي حَدِر ریلِیه، خاطِر الْإلَه إیکون کِل شي بي کِل شي.
29لُو الْمُوتیٰ ما یِگومون، شِنهي مَعني هَي الَّذي ذاکول بي نِیابِتهُم یِتْعَمِدون؟ لُو الْمُوتیٰ ما یِگومون، لِیش بي نیابِتهُم یِتْعَمِدون؟ 30وَ لُو لِیش إحنَا کِل ساعَه إنْذِب نَفِسنا بي الْخَطَر؟ 31یا أخوَه أحلِف بي فَخري بیکُم إلْلي عِندي بي رَبّنا عیسیٰ الْمَسیح، إلْلي أنا کِل یُوم گاعِد أموت. 32لُو حَربي مَعَ الْوُحوش الَّذي بي مَدینَة أفِسُس بِس چان بي سَبَب نِیَات بَشَریَّه، شِتْنَفَعِت مِنَّه؟ لُو الْمُوتیٰ ما یِگومون،
«تَعالوا نَأکِل وَ نِشرَب
لِأن باچِر إنموت.»
33لا تِنْغَشون: «مُعاشِر الْغَبَر، یِفَسِد أخلاق الْزِین.» 34اُوعوا مِن حَچي الْفاضي إلْلي سِکرانین مِنَّه وَ بَعَد لا تِذِنْبون؛ لِأن أکو أشخاص إلْلي ما یِعُرفون الْإلَه. أگول هَي خاطِر تِخِجلون.
جِسم إلْلي ما یِفسَد
35أمَّن بِلکِة واحَد یِسأَل: «الْأموات إشلون ایگومون وَ بي یا نُوع جِسِم إیّون؟» 36یا الْغَبي! شي إلْلي تِشِتله، لُو ما یِموت، ما یِحیَّیٰ. 37وَ وَکت إلْلي تِشتِل شي، ما تِشتِل جِسم إلْلي بَعدِین راح یِظهَر، بَل بِس تِشتِل الْحَبّه، شِنهي حُنطه شِنهي حُبوب أخریٰ. 38أمَّن الْإلَه یِنْطيها جِسم إلْلي هُوَّ إمْعَینه، وَ یِنطي لِأي نُوع حَبَه جِسِم إلْلي مَخصوص ألها. 39کِل الْأجسام ماهِن واحَد. النَّاس عِندهُم فِرِد نُوع جِسِم، الْحِیوانات نُوع آخَر، وَ الْطُیور نُوع آخَر؛ الْسِمَچ هَم عِندهِن نُوع جِسِم آخَر. 40بي هِل شِکِل، مُوجود أجسام سَماویه وَ أجسام أرضیه. أمَّن مَجد أجسام السَّماویه مِن فِرِد نُوع وَ مَجد أجسام الْأرضیه مِن نُوع آخَر. 41الشَّمِس عِندها مَجِدها الْخاص، الْگُمَر مَجد آخَر، وَ النُّجوم هَم مَجد آخَر؛ وَ مَجد کِل نَجمه یِختِلِف عَن مَجد غِیر نَجمه.
42چا عَن قیَام الْأموات هَم هِیچ إیکون. شي إلْلي یِنْشِتِل، یِفسَد؛ وَ شي إلْلي ایگوم، ما یِفسَد. 43یِنْشِتِل بي الْذِلَه، ایگوم بي الْمَجد. یِنْشِتِل بي الْضَعف، ایگوم بي الْقُوَّه. 44جِسم الْطَبیعي یِنْشِتِل، جِسم الرّوحاني ایگوم. لُو جِسم الْطَبیعي إیکون مُوجود، جِسم الرّوحاني هَم إیکون مُوجود. 45مِثِل ما مِکتوب بي الْتورات: «أوَّل إنسان، یَعني آدَم، صار نَفَس حَيّ»؛ وَ إنسان الْأخیر، صار روح إلْلي یِحَیّي. 46أمَّن الرّوحاني أوَّل ما إیّه بَل أوَّل الْطَبیعي إیّه، وَ مِن بَعده الرّوحاني. 47إنسان الْأوَّل مِن الْأرض وَ مِن الْتَراب؛ إنسان الثَّاني مِن السَّماء. 48أشخاص إلْلي مِن الْتَراب یِشِبهون ذاک إلْلي مَصنوع مِن الْتَراب وَ کِل شي إلْلي أنسان السَّماوي عِندَه، موجود بي السَّماویون هَم. 49وَ مِثِل ما شِبَهنا شِکِل أنسان الْتَرابي، راح نِشبَه شِکِل أنسان السَّماوي هَم.
السِّر وَ الْفُوز
50یا أخوَه، قَصدي هَذا إلْلي الْجِسِم وَ الدَّم ما یِگدَر یُوْرِث مَلَکوت الْإلَه وَ شي إلْلي یِفسَد، ما یِگدَر یُوْرِث شي إلْلي ما یِفسَد. 51شوفوا! أگِلکُم سِر: إحنَا کِلنا ما راح إنْموت بَل کِلنا راح نِتْغَیَر. 52بي فِرِد لَحظه وَ بي رَمشَة عِین، وَکت إلْلي یِنْعِزِف بوق الْأخیر، هَي راح تُوگَع. لِأن الْبوق راح یِنْعِزِف وَ الْأموات راح ایگومون بي جِسِم إلْلي ما یِفسَد وَ إحنَا راح نِتْغَیَر. 53لِأن هَذ جِسم إلْلي یِفسَد کون یِلبَس جِسم إلْلي ما یِفسَد وَ هَذ جِسم الْفاني کون یِلبَس الْبَقاء. 54وَکِت إلْلي هَذا الَّذي یِفسَد، لِبَس ذاک إلْلي ما یِفسَد وَ هَذا الْفاني لِبَس الْبَقاء، بي ذاک الْوَکِت راح یِتْحَقَّق ذاک کَلام إلْلي مَکتوب بي کتاب أشعیَاء الْنَبي إلْلي ایگول: «الْمُوت إنْبِلَع بي الْفُوز.»
55«یا مُوت، وَین فُوزِک؟
وَ یا مُوت، وَین گِرُصتَک؟»
56گِرصَة الْمُوت ذَنِب وَ قُوَّة الْذَنِب، شَریعه. 57أمَّن نِحمِد الْإلَه إلْلي یِنْطینا فُوز بي واسطَة رَبّنا عیسیٰ الْمَسیح.
58چا، یا أخوتي الْأعِزاء، کونوا ثابتین وَ لا تِسِمحون لِأحَد یِحَرِّککُم مِن مَکانکُم، کِل وَکِت بي کِل وُجودکُم کونوا مَشغولین بي عَمِل الرَّب، لِأن تِدرون تَعَبکُم بي الرَّب مو عَل فاضي.
Currently Selected:
اوّل قرنتیان 15: ACM
Highlight
Share
Compare
Copy
Want to have your highlights saved across all your devices? Sign up or sign in
©️2024 Korpu Company
