اوّل قرنتیان 13
13
طَریق الْمَحَبَّه
1لُو أحچي بي لُغَات الْإنسان وَ الْمَلائِکه، أمَّن إذا ما عِندي مَحَبَّه، ماني أکثَر مِن جِرِس عالي وَ صَنجاً یِرِن. 2لُو إتکون عِندي قُدرَة الْنَبُوَّه وَ أگدَر أدرِک جَمیع الْأسرار وَ الْمَعارِف، وَ إذا إیکون عِندي الْإیمان کِلَّه، بي شِکل إلْلي أگدَر أنقِل الْیِبال، ماني شي إذا ما تکون عِندي مَحَبَّه. 3لُو أنْطي کِل ما أمِلکه صَدَقه وَ أسَلِم جِسمي لِیَحُرگونه بي النَّار، أمَّن لو ما تکون عِندي مَحَبَّه، ما أربَح شي.
4الْمَحَبَّه صَبوره وَ حَنونه؛ الْمَحَبَّه ما تِتْحَسِد؛ الْمَحَبَّه ما تِتْفَاخَر وَ ما تِتْکَبَّر. 5الْمَحَبَّه ما عِندها تَعامُل غِیر لائِق وَ ما تْدَوِّر نِفِعها؛ بي سُهوله ما تِحمَگ وَ ما تْشیل حِقِد بي گَلُبها؛ 6الْمَحَبَّه ما تِفرَح مِن الشَّر، أمَّن تِفرَح مَعَ الْحَقیقه. 7الْمَحَبَّه إتْداري مَعَ کِل شي، إتْأَجِن کِل شي، کِل وَکِت عِندها أمَل وَ بي کِل حال تِتْحَمَل.
8الْمَحَبَّه أبَد ما تِنتِهي. أمَّن الْنَبُوَّات راح تُبطَل وَ الْلُغات راح تِنتِهي وَ الْمَعرِفَه راح إتْزیل. 9لِأن مَعرِفَتنا جُزئیَه وَ نَبُوَّتنا هَم جُزئیَه؛ 10أمَّن وَکِت إلْلي مِن أي جَهَه کِمَلنا، بَعَد ماکو حَاجِه لِهِل عَطایَاء وَ کِلهِن راح یِنْمَحَن. 11وَکت إلْلي چِنِت طُفِل، چِنت أحچي مِثل الْأطفال وَ أفَکِر مِثل الْأطفال وَ هَم أفتِهِم مِثل الْأطفال. أمَّن وَکت إلْلي صِرِت زِلمه، یِزِت مِن تَعامُل الْطُفولیه. 12هَسّه شي إلْلي إنشوفه، مِثِل صوره إلْلي مَمْحیه بي الْمِشوفه؛ أمَّن راح یُوصَل وَکِت إلْلي راح إنشوفه جِدَّامنا. هَسّه مَعرَفتي جُزئیَه؛ أمَّن راح یُوصَل وَکِت إلْلي راح أعرُف بي کَمال، مِثِل ما بي الْکِمال هَم إنْعَرَفِت.
13وَ هَسّه، یُبقَن هِل ثِلِث أشیَاء: الْإیمان، الْأمَل وَ الْمَحَبَّه. أمَّن أعْظَمهِن الْمَحَبَّه.
Currently Selected:
اوّل قرنتیان 13: ACM
Highlight
Share
Compare
Copy
Want to have your highlights saved across all your devices? Sign up or sign in
©️2024 Korpu Company
