اوّل قرنتیان 10
10
عِبره مِن عَبادَة أصنام بَني إسرائیل
1لِأن یا أخوَه، ما أرید تِغِفلون مِن هِل مُوضوع إلْلي أبَّهاتنا چانُوا حَدر الْغِیم وَ جَمیعهُم تَعَدُّوا مِن بِین الْبَحَر. 2بي الْواقع نِگدَر إنگول إلْلي هذول تِعَمِدوا بي الْبَحَر وَ بي الْغِیم وَ بي هذا الْعَمَل راوُوْا إلْلي راح یِتِبْعون موسیٰ. 3وَ جَمیعهُم کِلُوا ذاک طَعام الرّوحاني 4وَ شِربَوا ذاک شِرب الرّوحاني؛ لِأن چانُوا یِشُربون مِن ذیچ صَخره الرّوحانیه إلْلي چانَت تِیّي وَراهُم، وَ ذیچ الْصَخره چانَت الْمَسیح. 5مَعَ هَذ کِلَّه، الْإلَه ما چان راضي مِن أکثَرهُم، چا أجسادهُم تِطَشِرَن بي کِل الْصَحراء.
6هَسّه، هِل وَقایِع وُگعَن خاطِر إیکونِن ألنا نَموذِج، خاطِر إحنَا ما نکون مِثِلهُم وَراء الشَّر. 7چا لا تْصیرون عابدین الْأصنام، مِثِل ما بَعَض مِن هِذول صارُوا؛ بي شِکِل إلْلي مَکتوبه: «الْقُوم گِعدُوا لِلْأکِل وَ الْشِرِب وَ گامُوا لِلِّعِب وَ رِگاصه.» 8وَ لا نِمشي وَراء الْزِناء، مِثِل ما بَعَض مِن هِذول عِملُوا، وَ بي یُوم واحَد ثِلاثه وَ عِشرین ألِف شَخُص هِلکُوا. 9وَ لا نِمْتِحِن الْمَسیح، مِثِل ما بَعَض مِن ذاکول إمْتِحنُوا وَ إنْقِتلُوا بي الْحَیَّایه. 10وَ لا تِشتِکون، مِثِل ما بَعَض مِن هِذول إشتِکُوا وَ الْمُهَلِک هَلَکهُم.
11هَي الْأمور مِثِل نَموذِج وُگعَت عَلِیهُم وَ إنْکِتبَت خاطِر إتکون عِبره ألنا إحنَا إلْلي إنْعیش بي هِل زَمان إلْلي نَهایَة کِل الْأزمِنَه واصله. 12چا ذاک إلْلي یِظُن ثابِت، خِل إیکون واعي إلْلي لا یِسقَط! 13وَلا أمتِحان نازِل عَلِیکُم إلْلي ما یْناسِب الْبَشَر. وَ الْإلَه أمین؛ هُوَّ ما یِسمَح إلْلي تِمْتَحنون أکثَر مِن أسْتِطاعَتکُم، بَل یِجَهِز طَریق لِلْهُروب مَعَ کِل أمتِحان خاطِر إیکون عِندکُم حِیل لِتَحَمُله.
14چا یا الْأعزاء، أهُربوا مِن عِبادَة الْأصنام. 15أَحچي مَعَ الْفاهمین؛ أنتُم بي نَفِسکُم أُحُکْموا عَن شي إلْلي أگوله. 16هَلْ کَأس الْبَرَکه إلْلي بي سَبَبه نِحِمدَه، مو هُوَّ إیکون شَراکه بي دَم الْمَسیح؟ وَ هَلْ خُبزَه إلْلي نِثْلِمها، مو هیَّه إتکون شَراکه بي جِسم الْمَسیح؟ 17مِنَّاک إلْلي الْخُبزَه إتکون وَحده، إحنَا هَم إلْلي چِثیرین، إنکون جِسِم واحَد، لِأن کِلنا نِشْتِرِک بي فِرِد خُبزَه. 18باوْعوا لِقُوم بَني إسرائیل: هَلْ ذاکول إلْلي چانُوا یَأکلون مِن الْضَحایَاء ما چانُوا شُرَکاء بي الْمَذبَح؟ 19چا شِنهي مَنظوري؟ هَذ إلْلي طَعام إلْلي یِتْقَدَّم لِلْصَنَم إیکون لِه ثَمَن، لُو الْصَنَم إیکون لِه ثَمَن؟ 20لا، بِل مَنظوري هَذ إلْلي ضَحایَاء عابدین الْأصنام تِتْقَدَّم لِأرواح الْشَیطانیّه وَ ما تِتْقَدَّم لِلْإلَه، وَ أنا ما أریدکُم إتکونون شُرَکاء أرواح الْشَیطانیّه. 21ما تِگِدرون هَم تِشُربون مِن کَأس الرَّب وَ هَم مِن کَأس أرواح الْشَیطانیّه؛ ما تِگِدرون هَم تِسْتِفادون مِن سُفرَة الرَّب وَ هَم مِن سُفرَة أرواح الْشَیطانیّه. 22هَلْ إنرید إنْهَیُّض غیرَة الرَّب؟ هَلْ إحنَا أقوَیٰ مِنَّه؟
أعِملوا کِل شي لِمَجد الْإلَه
23«کِل شي جایِز» أمَّن کِل شي ما یِبني، أمَّن مو کِل شي مُفید، «کِل شي صَحیح». 24کِل أحَد لا یِکون بِس وَراء نَفعَه، بَل هَم إیکون وَراء نَفع الْآخَرین. 25کِل لَحَم إلْلي یِنْباع عِند الْگَصّاب، أکلوا بِدون ما إتْعَذبون ضَمیرکُم، 26لِأن «الْأرض وَ کِل شي إلْلي بیها إتکون لِلرَّب.» 27لُو شَخُص بِدون إیمان یِعْزِمکُم وَ أنتُم راغبین لِلْرُوحَه، أکلوا کِل شي إلْلي یِحُط جِدَّامکُم بِدون ما إتْعَذبون ضَمیرکُم، 28غِیر هَي إلْلي أحَد ایگِلکُم: «هَذا الْلَحَم إمْقَدَّم لِلْأصنام.» بِس بي هِل صوره لا تَأکلون مِنَّه، لِخاطِر شَخُص إلْلي گِلکُم هَي وَ لِخاطِر الْضَمیر، 29وَ مَنظوري ضَمیر ذاک الْشَخُص مو ضَمیرکُم. لِأن لِیش کون ضَمیر شَخُص آخَر یِحکُم عَلَیٰ حُرّیتي؟ 30مَعَ الْحَمد لُو آکِل طَعام، لِیش کون یِحُکمونني لِخاطِر شي إللي أحمِد الرَّب لِخاطرَه؟
31چا کِل شي إللي إتْسَوون، شِنهي أکِل، شِنهي شِرِب وَ شِنهي أي شُغله أُخریٰ، أعِملوهِن کِلهِن لِمَجد الْإلَه. 32لا تْزَعلون أحَد، شِنهي یَهُود، شِنهي یونانیین وَ شِنهي کِلیسَة الْإلَه، 33مِثِل ما أنا هَم أسْعي أرَضي الْجَمیع بي أي شِکل إلْلي أگدَر. لِأن ماني وَراء نَفعي، بَل وَراء نَفِع چِثیرین، خاطِر یِنِجحون.
Currently Selected:
اوّل قرنتیان 10: ACM
Highlight
Share
Compare
Copy
Want to have your highlights saved across all your devices? Sign up or sign in
©️2024 Korpu Company
