Uamusi 16
16
Samusoni ku Gaza
1Lisoba limu Samusoni jwapiti ku musi uku Gaza, jwaketangini nu mbomba jumu jojuhenga ugoni jwagonila kwaki ikilu joti. 2Bandu buku Gaza pabamanya Samusoni jubii kola, bapayonguluta pandu pala nukunhepe pi litanga la musi ikilu kelukelu. “Batama kinunu kulitanga lela ikilu joti babiya awasali awesa kunndendale mbaka ekukusa ili awesa kunkoma.” 3Lakini Samusoni jwaigalia mu nyumba jela mbaka pamahiku. Pamahiku pala ndi jwatenda kujumuka nu kukamu mapelemu mabeli gagakamulaki litanga lela, jugatupula pamu ni ipungii yaki nukulitoto mbaka panani ji kitombi sesabii pambipi nuku Ebuloni.
Samusoni na Delila
4Baada ja pala ndi Samusoni ampala mbomba jumu jobunkema Delila jojuwe jwatama ku ligomba luku Soleki. 5Akolongu ba Afilisiti bunhikila Delila, nukumpwagi, “Umpembalakia Samusoni ili gumanya makili gaki gingi gaumiki kwaa ili tuwesa kunkamu nu kunkonga. Ana guhengiki hela kila jumu witu miti jugupekia ipandi elupu jimu na moja ja madini ga feza.”
6Delila ampwagila Samusoni, “Gupepa koku nu gumbwagila makili gaku gaumiki kwako, na mundu juwesa boo, kuguwesa nu kugukonga?”
7Samsoni anzibua, “Ana angongiki kwi migoji saba mibei mu mipengu, niibia jwanga na makili ngati mundu jokapi.”
8Akolongu ba Afilisiti bunndetila Delila migoji mibei saba mu mipengu, najombi ankonga Samusoni kwi migoji heji. 9Delila jwabii jubekiki bandu bunhepalia mu sumba sengi. Ndi ampwagila Samusoni kwa Sauti ngolongu, “Samusoni Afilisiti ahikiki kugutukalila.” Samusoni jujisekulana migoji heji ngati nyusi ya pamba heikupa mwotu. Ndienu nga jojwamanyiki sili ja makili gake.
10Delila ampwagila Samusoni, “Wehapa gutei kunyoke nu kungonga. Gupepa koku gumbwagila namuna heawesa kugukonga.”
11Samusoni jwajibua, “Ana angongiki kwi migoji minyai jejuje jibia ngaseawaiki kujitumia, niibia jwanga na makili ngati mundu jongi jokape.”
12Ndienu Delila jwajukua migoji minyai nukunkonga naku. Ndi ampwagila Samusoni kwa sauti ngolongu, “Samusoni! Afilisiti ahikiki kugutukalila!” Kipindi sehesi kwakabii na bandu kusumba sengi atenda kunhepale. Lakini Samusoni jujisekula migoji jela ngati nyusi jebunkongiki mu maboku gaki.
13Delila ampwagila Samusoni, “Mbaka sajenu wakona gumbowa lihamu nu gutei kungonga enu gumbwagila namuna heawesa kugukonga.”
Samusoni ampwagila, “Ana gulokiki majunzu gangu mabutu saba nu kukonga mu ntandiu gwiingobu nukungonga mu mpini lukuloke ingobu, niibia jwanga na makili ngati mundu jokapi.”
14Samusoni pajwabia jutei kugone Delila jugaloka majunzu gaka Samusoni mabutu saba nukugakonga nu nntandiu gwiingobu nukukonga mu mpini. Ndi ampwagila Samusoni, “Samusoni! Afilisiti ahika kugutukalila.” Samusoni jwajumuka mulugonu nukutupu mpini sela nu kujendu nntandiu wiingobu gola.
15Delila ampwagila Samusoni, “Guwesa boo, kupwaga gutenda kumbala akati ngasegulandi hegumbala jene? Gungoki mala ja tatu henu. Ngasegumbwagi makili gaku gahuma kwako.” 16Delila pajwaendalia kunsumbuu ngani kwa malobi gingi kila lisoba mbaka jatenda kusoka mu loho jaki kalibu kuwa, 17ngase jwawesa kuhinakali, jwahamua kumpwagi sili jaki kupwaga, “Majunzu gangu ngasenhwahiki kugamoga. Nepani ambiiki kwaka Sapanga tumbuka mu litumbu la amabu bangu. Ana amogiki makili gangu giitenda kumoka, na niibia jwanga na makili ngati mundu jokapi.”
18Ndi Delila pajwabona ampwagi Sili jaki joti, jwaakema akolongu ba Afilisiti na kwaapwagi, “Nhwika kabee sapwali jenze Samusoni jumbwagi sili jaki joti.” Akolongu ba Afilisiti bunzendila Delila koni buntotuli madini ga feza gabundagila. 19Na Delila anhenga Samsoni jugonila lugonu mu majugu gaki, ankema mundu ammoga mabutu saba gamajunzu gaki gala. Ndienu Delila jwatumbulia kunnsumbuu Samsoni ili jujumuka lakini makili gaki gabia gumpitiki. 20Delila ampwagila Samsoni, “Samsoni! Afilisiti ahika kugutukalila!” Samsoni jwajumuka mu lugoni koni juwasali juwesa kuboka nukulihoko ngati pa mwandi. Kumbi ngasejwamanyiki kubanga Bambu Sapanga jwabia anndekiki. 21Afilisiti bunkamula nukuntupu miu nukuhele naku mbaka ku Gaza, bunkonga kwapengu ya shaba, nukunnhengesa lihengu lu kupola uwembi ku ligelesa. 22Lakini majunzu gaki gatumbulia kukola kabee baada jukumoga kwaki.
Samusoni jutenda kuwa
23Akolongu ba Afilisiti bakusanyiki ili kukipiiki litambiku kisapanga sabu sebikikema Dagoni. Ndi babia atenda tipati koni ajemba, “Kisapanga situ sunkamwi mbaja witu Samusoni.” 24Bandu pabummbona Samusoni bikilumbalia kisapanga sabu sukupwaga, “Kisapanga situ jutuwesisi kunkamu mmbaja witu jojwabia juhalabana nndema jiu na kwaakoma bandu bitu bingi.” 25Pababiya atenda kutogule ngani mu mioju jabu baapwaga, “Munndeta Samusoni jutuhinila. Ndienu ampiya Samsoni muligelesa koni ansokonza nukummbeka pikilanda ji mipendi mibeli ju ukuta.” 26Samusoni ampwagila nkombu jojwabia jutenda kunndongosa, “Gunekakia ng'usa mipendi jejikamulaki nyumba jenze ili nhwesa kujegamane.” 27Linyumba lela labia litweli bandu, akolongu boti ba Afilisiti babia pala na kuugolu babia bandu elupu itatu akanalomi na aka mbomba koni bunndingali Samusoni hejwahina.
28Ndipala Samusoni anndoba Bambu Sapanga, “Mwaa Bambu Sapanga nuguloba gungombuka. Gunyegala makili mala jimu pee ili naalepa kisasi Afilisiti baatupwi miu gangu gabeli.” 29Samusoni jujikamula mipendi mibeli jejabia jikamulaki linyumba lela kuboku kumu mpendi gumu nu kuboku kongi mpendi gwapili koni jubii tayali kuikanga. 30Ndi jajamaliya, “Nguwa pamu na Afilisiti,” jwakanga kwa makili gaki goa. Linyumba lela laahabukia akolongu ba afilisiti bala na bandu boti bababia nkati mola. Bababia akuiki kipindi sa kuwa kwaki babia bingi kupeta bandu bajwaakoma kipindi sa womi waki. 31Alongu baki na bandu bu lukolu lwaki bahika kunnzuku kujenda kuntaga pikilanda ja musi uku Sola na musi uku Eshitaoli pi likabuli laka Manoa, atati baki. Samusoni jwabia kilongosi jwa Aizilaeli kwa yaka ishilini.
Currently Selected:
Uamusi 16: MaBV
Highlight
Copy
Compare
Share
Want to have your highlights saved across all your devices? Sign up or sign in
The New Testament in Matengo Language ©The Word for the World International and Matengo Language Translation, 2020. All rights reserved.
Uamusi 16
16
Samusoni ku Gaza
1Lisoba limu Samusoni jwapiti ku musi uku Gaza, jwaketangini nu mbomba jumu jojuhenga ugoni jwagonila kwaki ikilu joti. 2Bandu buku Gaza pabamanya Samusoni jubii kola, bapayonguluta pandu pala nukunhepe pi litanga la musi ikilu kelukelu. “Batama kinunu kulitanga lela ikilu joti babiya awasali awesa kunndendale mbaka ekukusa ili awesa kunkoma.” 3Lakini Samusoni jwaigalia mu nyumba jela mbaka pamahiku. Pamahiku pala ndi jwatenda kujumuka nu kukamu mapelemu mabeli gagakamulaki litanga lela, jugatupula pamu ni ipungii yaki nukulitoto mbaka panani ji kitombi sesabii pambipi nuku Ebuloni.
Samusoni na Delila
4Baada ja pala ndi Samusoni ampala mbomba jumu jobunkema Delila jojuwe jwatama ku ligomba luku Soleki. 5Akolongu ba Afilisiti bunhikila Delila, nukumpwagi, “Umpembalakia Samusoni ili gumanya makili gaki gingi gaumiki kwaa ili tuwesa kunkamu nu kunkonga. Ana guhengiki hela kila jumu witu miti jugupekia ipandi elupu jimu na moja ja madini ga feza.”
6Delila ampwagila Samusoni, “Gupepa koku nu gumbwagila makili gaku gaumiki kwako, na mundu juwesa boo, kuguwesa nu kugukonga?”
7Samsoni anzibua, “Ana angongiki kwi migoji saba mibei mu mipengu, niibia jwanga na makili ngati mundu jokapi.”
8Akolongu ba Afilisiti bunndetila Delila migoji mibei saba mu mipengu, najombi ankonga Samusoni kwi migoji heji. 9Delila jwabii jubekiki bandu bunhepalia mu sumba sengi. Ndi ampwagila Samusoni kwa Sauti ngolongu, “Samusoni Afilisiti ahikiki kugutukalila.” Samusoni jujisekulana migoji heji ngati nyusi ya pamba heikupa mwotu. Ndienu nga jojwamanyiki sili ja makili gake.
10Delila ampwagila Samusoni, “Wehapa gutei kunyoke nu kungonga. Gupepa koku gumbwagila namuna heawesa kugukonga.”
11Samusoni jwajibua, “Ana angongiki kwi migoji minyai jejuje jibia ngaseawaiki kujitumia, niibia jwanga na makili ngati mundu jongi jokape.”
12Ndienu Delila jwajukua migoji minyai nukunkonga naku. Ndi ampwagila Samusoni kwa sauti ngolongu, “Samusoni! Afilisiti ahikiki kugutukalila!” Kipindi sehesi kwakabii na bandu kusumba sengi atenda kunhepale. Lakini Samusoni jujisekula migoji jela ngati nyusi jebunkongiki mu maboku gaki.
13Delila ampwagila Samusoni, “Mbaka sajenu wakona gumbowa lihamu nu gutei kungonga enu gumbwagila namuna heawesa kugukonga.”
Samusoni ampwagila, “Ana gulokiki majunzu gangu mabutu saba nu kukonga mu ntandiu gwiingobu nukungonga mu mpini lukuloke ingobu, niibia jwanga na makili ngati mundu jokapi.”
14Samusoni pajwabia jutei kugone Delila jugaloka majunzu gaka Samusoni mabutu saba nukugakonga nu nntandiu gwiingobu nukukonga mu mpini. Ndi ampwagila Samusoni, “Samusoni! Afilisiti ahika kugutukalila.” Samusoni jwajumuka mulugonu nukutupu mpini sela nu kujendu nntandiu wiingobu gola.
15Delila ampwagila Samusoni, “Guwesa boo, kupwaga gutenda kumbala akati ngasegulandi hegumbala jene? Gungoki mala ja tatu henu. Ngasegumbwagi makili gaku gahuma kwako.” 16Delila pajwaendalia kunsumbuu ngani kwa malobi gingi kila lisoba mbaka jatenda kusoka mu loho jaki kalibu kuwa, 17ngase jwawesa kuhinakali, jwahamua kumpwagi sili jaki kupwaga, “Majunzu gangu ngasenhwahiki kugamoga. Nepani ambiiki kwaka Sapanga tumbuka mu litumbu la amabu bangu. Ana amogiki makili gangu giitenda kumoka, na niibia jwanga na makili ngati mundu jokapi.”
18Ndi Delila pajwabona ampwagi Sili jaki joti, jwaakema akolongu ba Afilisiti na kwaapwagi, “Nhwika kabee sapwali jenze Samusoni jumbwagi sili jaki joti.” Akolongu ba Afilisiti bunzendila Delila koni buntotuli madini ga feza gabundagila. 19Na Delila anhenga Samsoni jugonila lugonu mu majugu gaki, ankema mundu ammoga mabutu saba gamajunzu gaki gala. Ndienu Delila jwatumbulia kunnsumbuu Samsoni ili jujumuka lakini makili gaki gabia gumpitiki. 20Delila ampwagila Samsoni, “Samsoni! Afilisiti ahika kugutukalila!” Samsoni jwajumuka mu lugoni koni juwasali juwesa kuboka nukulihoko ngati pa mwandi. Kumbi ngasejwamanyiki kubanga Bambu Sapanga jwabia anndekiki. 21Afilisiti bunkamula nukuntupu miu nukuhele naku mbaka ku Gaza, bunkonga kwapengu ya shaba, nukunnhengesa lihengu lu kupola uwembi ku ligelesa. 22Lakini majunzu gaki gatumbulia kukola kabee baada jukumoga kwaki.
Samusoni jutenda kuwa
23Akolongu ba Afilisiti bakusanyiki ili kukipiiki litambiku kisapanga sabu sebikikema Dagoni. Ndi babia atenda tipati koni ajemba, “Kisapanga situ sunkamwi mbaja witu Samusoni.” 24Bandu pabummbona Samusoni bikilumbalia kisapanga sabu sukupwaga, “Kisapanga situ jutuwesisi kunkamu mmbaja witu jojwabia juhalabana nndema jiu na kwaakoma bandu bitu bingi.” 25Pababiya atenda kutogule ngani mu mioju jabu baapwaga, “Munndeta Samusoni jutuhinila. Ndienu ampiya Samsoni muligelesa koni ansokonza nukummbeka pikilanda ji mipendi mibeli ju ukuta.” 26Samusoni ampwagila nkombu jojwabia jutenda kunndongosa, “Gunekakia ng'usa mipendi jejikamulaki nyumba jenze ili nhwesa kujegamane.” 27Linyumba lela labia litweli bandu, akolongu boti ba Afilisiti babia pala na kuugolu babia bandu elupu itatu akanalomi na aka mbomba koni bunndingali Samusoni hejwahina.
28Ndipala Samusoni anndoba Bambu Sapanga, “Mwaa Bambu Sapanga nuguloba gungombuka. Gunyegala makili mala jimu pee ili naalepa kisasi Afilisiti baatupwi miu gangu gabeli.” 29Samusoni jujikamula mipendi mibeli jejabia jikamulaki linyumba lela kuboku kumu mpendi gumu nu kuboku kongi mpendi gwapili koni jubii tayali kuikanga. 30Ndi jajamaliya, “Nguwa pamu na Afilisiti,” jwakanga kwa makili gaki goa. Linyumba lela laahabukia akolongu ba afilisiti bala na bandu boti bababia nkati mola. Bababia akuiki kipindi sa kuwa kwaki babia bingi kupeta bandu bajwaakoma kipindi sa womi waki. 31Alongu baki na bandu bu lukolu lwaki bahika kunnzuku kujenda kuntaga pikilanda ja musi uku Sola na musi uku Eshitaoli pi likabuli laka Manoa, atati baki. Samusoni jwabia kilongosi jwa Aizilaeli kwa yaka ishilini.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The New Testament in Matengo Language ©The Word for the World International and Matengo Language Translation, 2020. All rights reserved.