Uamusi 15
15
1Mwenikatai, kipindi sukuhusa inganu, Samusoni jwajukua imbui jwajenda kuntembale nhwanu waki, jwaapwagila akoanu baki.
“Mbala kummbona nhwanu wangu kusumba jaki. Lakini akoanu baki ngaseanzetakali kujingi, 2akoanu baki bumpwagila, nepani naholaliya ngasegumpai kabete. Henu numpeki nkosi waku anzukua kuba nhwanu waki. Hata hela nnuuna waki junyambiki kupeta jombi. Gupepa koku unzukua jombi.”
3Samusoni ampwagila, “Sapwali jenu nganiikubi na lawama kwa majambu ganaahengila Afilisiti.” 4Ndienu Samusoni jwajenda kugakamu mabwea mia tatu nu kugakonga mikela jabu pamu mabeli mabeli. Nukugakonga haha ya mwotu kwa kila likundi la mabwea mabeli. 5Ndienu juipambakia haha ya mwotu nakwagalekake mabwea gala gaguge gajingala mu matui ga Afilisiti nu kujosa mwotu mapei gi inganu ni inganu yeyabia yakona ngaseahusiki, pamu na matui gi mizeituni. 6Afilisiti pabapala kumanya jojuhengiki hela, baapwagila, “Jonioju Samusoni nkowanu waka Mtimuna, juhengiki hela ndaba nkowanu waki anzukwi nhwanu waki nukumpeke nkosi waki anzukua.” Ndienu Afilisiti bajenda kwaakamu atati baki nu kamwali jola na kwaakoma sakwaajosa mwotu.
7Samusoni jwaapwagila Afilisiti bala, “Ana haga ndi ganhengiki nepani ngamoki pani mbaka nepisa.” 8Ndienu Samusoni jwaalapula ngamaa na kwaakoma bingi. Ndi jwajenda kutama mu likolu lu lilibu luku Etamu.
Samusoni jwaawesa Afilisiti
9Akomana ngondu ba Afilisiti bahika batama kambi jabu ku nndema uku Yuda nu kujagani mu musi uku Lei. 10Bandu buku Yuda baalalukia, “Ndaba jaki nhikiki kutulapula?”
Nabombi bajibua, “Tuhikiki ili tunkonga Samusoni nukunhenge ngati hejutuhengi.” 11Ndi bandu elupu itatu bi likabila laka Yuda bahelala mbaka kojabii Samusoni ku likolu lelibii mu lilibu luku Etamu nukumpwagi, “Boo, ngasegumanyi lee Afilisiti atenda kutulongosa? Linga henu nkosi goutuhengi!” Samusoni jwajibua, “Ngati hebanhengi ndi henaahengi.” 12Bumpwagila, “Tuhikiki kugukonga nukugupeleka kwa Afilisiti.” Samusoni jwaapwagila, “Nnapila mbamba kubanga mwanganya mwabeti nganngome.”
13Nabombi bumpwagila, “Twepani ngatugukome ila twiitenda kukukonga pe migoji nu kugupeleka kwa Afilisiti.” Ndi bunkonga migoji mibeli minyai nu kumpia mu likolu lela.
14Pajwahika ku musi uku Lei, Afilisiti bunzendila imbelu koni apega keleli. Apalapa Loho jaka Bambu Sapanga junhikila Samusoni kwa makili ni migoji jebunkongiki mu maboku gaki jatenda kusekukana ngati ingobu nhuu jejikamwi mwotu, ni ipungi yaabuka pai. 15Samusoni jilibona lihupa linyai li liponda lu munndomu wa mosu jwatumia kwaakoma bandu elupu jimu. 16Ndi Samusoni jwapwaga,
“Kupete liupa lu punndomu uliponda,
ngomiki bandu elupu jimu.
Kukupete liupa lu punndomu uliponda,
naanhengiki kuba ngati malundu gi mitui jiliponda.” 17Pajwajomula kupwaga, jwalekala lihupa heli lupunndomu li liponda lela pandu pala bapakema Lamati Lei, katombi ki lihupa lu punndomu liliponda.
18Ndipala Samusoni junkamwi inywita ngamaa. Ndi anndoba Bambu Sapanga koni jupwaga, “Mwaa Bambu Sapanga wehapa ndi weguletiki ukombosi gongo, sukundumi nepani nuntumisi waku. Boo, wiineka nguwa na nywita nukungamu Afilisiti haba banga kuseku jando?” 19Sapanga jwahogula pandu papabii ni libomba ku Lei na masi gatenda kusembalake. Samusoni jwakunywa masi gala na makili gaki gunhikila kabee. Pandu papakabii kalosi ka masi bapakemika Eni Hakole, napombi pakabii ku musi uku Lei mbaka lelenu.
20Samusoni jwabia nhamusi jwa Aizilaeli kwa yaka ishilini, mu kipindi sa Afilisiti.
Currently Selected:
Uamusi 15: MaBV
Highlight
Copy
Compare
Share
Want to have your highlights saved across all your devices? Sign up or sign in
The New Testament in Matengo Language ©The Word for the World International and Matengo Language Translation, 2020. All rights reserved.
Uamusi 15
15
1Mwenikatai, kipindi sukuhusa inganu, Samusoni jwajukua imbui jwajenda kuntembale nhwanu waki, jwaapwagila akoanu baki.
“Mbala kummbona nhwanu wangu kusumba jaki. Lakini akoanu baki ngaseanzetakali kujingi, 2akoanu baki bumpwagila, nepani naholaliya ngasegumpai kabete. Henu numpeki nkosi waku anzukua kuba nhwanu waki. Hata hela nnuuna waki junyambiki kupeta jombi. Gupepa koku unzukua jombi.”
3Samusoni ampwagila, “Sapwali jenu nganiikubi na lawama kwa majambu ganaahengila Afilisiti.” 4Ndienu Samusoni jwajenda kugakamu mabwea mia tatu nu kugakonga mikela jabu pamu mabeli mabeli. Nukugakonga haha ya mwotu kwa kila likundi la mabwea mabeli. 5Ndienu juipambakia haha ya mwotu nakwagalekake mabwea gala gaguge gajingala mu matui ga Afilisiti nu kujosa mwotu mapei gi inganu ni inganu yeyabia yakona ngaseahusiki, pamu na matui gi mizeituni. 6Afilisiti pabapala kumanya jojuhengiki hela, baapwagila, “Jonioju Samusoni nkowanu waka Mtimuna, juhengiki hela ndaba nkowanu waki anzukwi nhwanu waki nukumpeke nkosi waki anzukua.” Ndienu Afilisiti bajenda kwaakamu atati baki nu kamwali jola na kwaakoma sakwaajosa mwotu.
7Samusoni jwaapwagila Afilisiti bala, “Ana haga ndi ganhengiki nepani ngamoki pani mbaka nepisa.” 8Ndienu Samusoni jwaalapula ngamaa na kwaakoma bingi. Ndi jwajenda kutama mu likolu lu lilibu luku Etamu.
Samusoni jwaawesa Afilisiti
9Akomana ngondu ba Afilisiti bahika batama kambi jabu ku nndema uku Yuda nu kujagani mu musi uku Lei. 10Bandu buku Yuda baalalukia, “Ndaba jaki nhikiki kutulapula?”
Nabombi bajibua, “Tuhikiki ili tunkonga Samusoni nukunhenge ngati hejutuhengi.” 11Ndi bandu elupu itatu bi likabila laka Yuda bahelala mbaka kojabii Samusoni ku likolu lelibii mu lilibu luku Etamu nukumpwagi, “Boo, ngasegumanyi lee Afilisiti atenda kutulongosa? Linga henu nkosi goutuhengi!” Samusoni jwajibua, “Ngati hebanhengi ndi henaahengi.” 12Bumpwagila, “Tuhikiki kugukonga nukugupeleka kwa Afilisiti.” Samusoni jwaapwagila, “Nnapila mbamba kubanga mwanganya mwabeti nganngome.”
13Nabombi bumpwagila, “Twepani ngatugukome ila twiitenda kukukonga pe migoji nu kugupeleka kwa Afilisiti.” Ndi bunkonga migoji mibeli minyai nu kumpia mu likolu lela.
14Pajwahika ku musi uku Lei, Afilisiti bunzendila imbelu koni apega keleli. Apalapa Loho jaka Bambu Sapanga junhikila Samusoni kwa makili ni migoji jebunkongiki mu maboku gaki jatenda kusekukana ngati ingobu nhuu jejikamwi mwotu, ni ipungi yaabuka pai. 15Samusoni jilibona lihupa linyai li liponda lu munndomu wa mosu jwatumia kwaakoma bandu elupu jimu. 16Ndi Samusoni jwapwaga,
“Kupete liupa lu punndomu uliponda,
ngomiki bandu elupu jimu.
Kukupete liupa lu punndomu uliponda,
naanhengiki kuba ngati malundu gi mitui jiliponda.” 17Pajwajomula kupwaga, jwalekala lihupa heli lupunndomu li liponda lela pandu pala bapakema Lamati Lei, katombi ki lihupa lu punndomu liliponda.
18Ndipala Samusoni junkamwi inywita ngamaa. Ndi anndoba Bambu Sapanga koni jupwaga, “Mwaa Bambu Sapanga wehapa ndi weguletiki ukombosi gongo, sukundumi nepani nuntumisi waku. Boo, wiineka nguwa na nywita nukungamu Afilisiti haba banga kuseku jando?” 19Sapanga jwahogula pandu papabii ni libomba ku Lei na masi gatenda kusembalake. Samusoni jwakunywa masi gala na makili gaki gunhikila kabee. Pandu papakabii kalosi ka masi bapakemika Eni Hakole, napombi pakabii ku musi uku Lei mbaka lelenu.
20Samusoni jwabia nhamusi jwa Aizilaeli kwa yaka ishilini, mu kipindi sa Afilisiti.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The New Testament in Matengo Language ©The Word for the World International and Matengo Language Translation, 2020. All rights reserved.