1 Kọrịntịapụ 13
13
Ḅẹlẹma
1A ine túminị́ ḅẹlẹ fiebẹm na pịghị sookumuapụ ḅẹlẹ, kụ́ma a ḅẹlẹma nyanagha nyanagha, ị́yẹ́ ẹ́gẹ́rẹ́ ma anị papa biripụ́ma akwa anịgha opuma fiearị gbom dighimam. 2A ine ikiakoro dienyẹ ma nyánábẹm, a ine akanyaḅo nyánábẹm, sị ḅọghunyẹ gonyẹ́ gonyẹ́ akanyaḅo; a ine minini mamgba nyánábẹm a pa ine opu tụ́ndụ́ sumasi bẹnyẹ, kụ́ma a ḅẹlẹma nyanagha nyanagha, ịrị papanyẹ. 3A ine a nyánányẹ gonyẹ́ gonyẹ́ die gálágálámabẹm pịghị ị́yẹ́ oju saghị pịrị ḅẹẹ nnị anị dọ́ghụ́ma, kụ́ma a ḅẹlẹma nyanagha nyanagha anị mịẹ i pịrị ibi ófóri.
4Ḅẹlẹma nyánáḅọ ngịrịma nyánam, anị pịghị kị́nị́ balam, anị kị́nị́ nyẹ mọnịghaa, anịgha ḅụ sághị sóghólóma anịgha bịpịkpọ. 5Ḅẹlẹma sị ḅara pa duma kọ kọgha anịgha anị ḅụ anị ḅụ nimi, álála iganịgha, anị n pa anị mịẹsị gịẹ kórómagha. 6Ḅẹlẹma, bieḅẹlẹ nyáná siinyẹ pịrịgha, kụ́ma bieḅẹlẹ nyána karakáráma pịrịm 7Ḅẹlẹma ngịrịma nyána nyẹ gonyẹ́ gonyẹ́ pịrịm, nyẹ gonyẹ́ gonyẹ́ mininim, nyẹ gonyẹ́ gonyẹ́ ḅụ tọ́rụ́ dighinyẹ nyánam, inema nyána nyẹ gonyẹ́ gonyẹ́ pịrịm.
8Ḅẹlẹma fịnị gbámásom, ikiakoro imi, kụ́ma mịnanyẹ mamgba fịnị gbámásogha, kịrị ọwụ pa ẹ́gẹ́rẹ́kọọ dienyẹ imi, kụ́ma mịma sọ bibẹm níminyẹ imi kụ́ma anị ḅo ḅọ́rọ́bẹm. 9Wámịna níminyẹ dienyẹ ma na ikiakoro dienyẹ ma mpara mpara ḅụ imi, 10Kụ́ma kpain kárámá angaá nyẹ ma ḅo sáá anịsáa mpara mpara angaá nyẹ ma ẹmẹẹ́fábẹm.
11A ị́rụ́ sáá, a kálátụwọ ḅara pa ẹ́gẹ́rẹkọm, a kálátụwọ ḅara pa sịbịbie kiẹm, pịghị kálátụwọ ḅara pa nyẹ akanyaḅo. Mị́sa a ḅo tumḅọ láa sáá, a mịnị kálátụwọ ḅara pa duma kọọgha 12kụ́ma mị́sa wa tẹ́mẹ́ dighinyẹ ḅụ ḅuruḅuru ma árịarị, anịsáa, wa ḅo árịbẹm tọ́rụ́ na tọ́rụ́ na. Mị́sa a níminyẹ mpara mpara ḅụ imi; anịsáa anị ḅo karabẹm, Tamuno káara ḅara pa ị nimiḅara.
13Mị́sa mịná tẹ́rẹ́anyẹ ma imi: minini, tọ́rụ́ dighinyẹ na ḅẹlẹma, kụ́ma nna ḅụ nyẹ mamgba nẹ́ngị nyẹ anịị ḅẹlẹma.
Currently Selected:
1 Kọrịntịapụ 13: IBY
Highlight
Copy
Compare
Share
Want to have your highlights saved across all your devices? Sign up or sign in
©2024 Luke Initiative for Scripture Translation
