Hozia 11
11
Aho Ẹmwẹ Ọmwa Osanobua Ghe Emwa Rẹn Ni Sọtẹ
1E Nọyaẹnmwa khare wẹẹ,
“Ẹghẹ ne Izrẹl na re ọvbokhan,
I keghi gha hoẹmwẹ ọnrẹn,
I keghi tie ẹre ke Igipt rre,
zẹ vbe ovbi mwẹ nokpia.
2Sokpan vbene I ya gha tie ẹre, erriọ ọ re ọ ya gha lẹ mẹ.
Emwa mwẹ zọ ese ne Baal,
iran giẹn eturari ne amazẹ.
3Vberriọ, mẹ ọ re ọ ma Izrẹl okhian
I mu emwa mwẹ vbe ekuabọ,
sokpan, iran ma miẹnkue ighe mẹ ọ re ọ gbearoghe iran.
4Ahoẹmwọmwa kevbe ẹnina,
ọ re I ya si iran kẹ egbe
I tọn iran mu kpao vbe otọ,
I keghi mu irho ye iran irho,
I ghughẹ rre, I na gha koko iran.
5“Iran he ne iran werriegbe bu mwẹ gha dee, rhunmwuda ọnii, Igipt iran gha werriegbe gha rrie, Asiria gha vbe gha khaemwisẹ yan iran. 6Okuo gha khọn la ore iran, ọ ghi guọghọ urho ne a la la ẹvbo kua. Ọ gha rẹnkhẹn emwa mwẹ rhunmwuda, emwi ne iran ro ighe ọ maa sẹ vbe ekhọe iran ọ re iran ru. 7Iran wa mu aro ye ẹmwẹ ne iran gha rhie aro lẹ mẹ. Iran gha viẹ ba ẹmwẹ urọnghọn ne ọ rre iran urhu, sokpan, iran i ra miẹn ọmwa ne ọ gha rhan ẹnrẹn hin iran urhu rre.
8“Vbe I a ghi ra he uwẹ fua hẹ Izrẹl?
Vbe I a ghi ra sẹtin fi iyeke gbuẹ hẹ?
Mẹ gha sẹtin fuẹn uwẹ ua zẹ vbe Adma ra?
Ra ne I ru uẹ vbene I ru Zẹboim?
Ekhọe i sẹ mwẹ ya ru ẹe
ahoẹmwọmwa mwẹ ghe ruẹ kpọlọ gbe.
9Mẹ i ra ya ohu rri uwẹ oya.
Mẹ i ra dọlegbe fuẹn Izrẹl rua ọvbehe
rhunmwuda, Osanobua mẹ khin ighe ẹ i re ọmwa kẹkan.
Mẹ, ne Ọmwa Nọhuanrẹn, mẹ gu uwẹ rrọ.
Mẹ i ra ya ohu bu rua rre.
10“Emwa mwẹ gha lele mwẹ vbe I gha van mu avbe eghian iran nẹ zẹ vbe oduma. Iran gha ke odẹ orrie rhulẹ bu mwẹ gha dee. 11Iran gha ke Igipt gha dee, zẹ vbene ahianmwẹ tin, kevbe ke Asiria gha dee zẹ vbe idu. I gha dọlegbe viọ iran gha die owa iran. Mẹ ne Nọyaẹnmwa taa ẹe nẹ.”
A Buu Ohiẹn Gbe Izrẹl Kevbe Juda
12E Nọyaẹnmwa khare wẹẹ, “Ivbi Izrẹl ya ohoghe kevbe erẹrẹ gha ogba ga mwẹ, te ivbi e Juda ye sọtẹ mwẹ; mẹ ne Osanobua ẹmwata nọhuanrẹn.
Currently Selected:
Hozia 11: EDO96
Highlight
Copy
Compare
Share
Want to have your highlights saved across all your devices? Sign up or sign in
@ The Bible Society of Nigeria, 1996
