Be ya a Roma 7
7
Be mbwadi zǝno enom mo ya aduwa ngge zǝno ben
1Be nwenjwa m ya, nye yi nye jan m jan fwa anga ngge be nobǝ ya e yi edon hon adi ebi, n yi jan edon hon no ngge echakpo a chu nobǝ atan a ende hon chà no angǝ ángá ra? 2Ge té mò akan, edon a Ehwya è twa a chu ben ángá jan ndegwa a kwa ye ju ngge don ye atan a don ye hon chà no angǝ ángá ra, tea atan a don ye fǝ ara, be fken-gwa ye a tswa mo edon mo ben hon eni. 3Echukǝnggwa, ano ge twagwa don ye, ken nya don ngge ndedon efki atan a don ye chà no angǝ, ba fǝ́ ye ya sen-eten ebwem. Tea ano don ye fǝ ara, be fken-gwa ara ye a tswa mo edon mo ben hon eni. Ano ge nya don ngge ndedon efki, ba fǝ́ be ye ya sen-eten ebwem efwe ra.
4Ena abu ge no ngge nye, be nwenjwa m ya, a nye gaten nyè fǝgwa ara edon adi fǝ a nyè fǝ ngge Kristi ángá. Asuswana nye nga ara be nobǝ mo Kristi a bè ti nyi etkyen a dì ángá, evǝa nye e bwe mochi a Ehwya dgyan anga. 5Adia atan a be ekǝnjuju ebgen mo je è chà dwatì no a chu je ángá, be edgyan mo be mò esera a edon è vǝ bwa ángá, è chà dwatì no a chu je, nè bwe mochi a tswa mo je. Enona, binbin mo be mò a jè bwe ángá è vǝ kpwà fǝ bwa je anga. 6Tea asuswana, Ehwya fken-gwa ara je a bu mo echakpo mo edon hon, adia je no je zǝno anga abu be ya e no a bu mo echakpo mo ebgen efwe ra. Asuswana, je bwe mochi mo Ehwya anga adi efǝ efki, abu je buton fo Engǝ́ mbwe anga. Je ba je Ehwya anga adi efǝ ehwe nwone a bè bá ngge bu evǝa je e tse nó ángá ra.
Tsǝ́ ebum ngge ebgen ebwem
7Kǝnggwa mò a ja jan ángá a ano? Edon hon a mò esera? É yé, ge fwa didi ye enò ra. Ebi, m̀ chà àa yi m mò a ebgen no ángá ra, ano edon éè fwa ye ra. M̀ chà àa yi m jan edgyan mo m̀ mo nobǝ efki, a ebgen ra, ano edon éè chà jan ye jan, “We dgyan mbo m̀ mo nobǝ efki ra,” ra. 8Tea ebgen ben efwa a chu mò a edon jan anga, evǝa ge e du m edgyan mo be mò efki efki mo be nobǝ a ju m. Adia ano edon hon è fwa ye ra, ebgen áa no abu engǝfǝ a ju m. 9M̀ no angǝ atan a m̀ chà yi m edon ra. Tea atan a m̀ bwa yi ara mò a edon jan ángá, ebgen twanga bwa no angǝ a ju m, ekǝnggwa m̀ bwa yi jan m fǝ ara. 10Kǝnggwa m̀ bwa yi jan edon nwone à ti nya à bwa m ángá, è ti ye fǝ bwa. 11Adia ebgen, è ben efwa a chu mò a edon jan anga. Gè nggade m ngge a chu mo nó, m fǝ. 12Echukǝnggwa, edon hon no echanwenwen ngge echa etwam hon no echanwenwen. Ge no esese, n du be nobǝ bwe mò esese anga.
13Ge tú anga jan mò e no esese, vǝ fǝ bwa ara m a chu? É yé, ge fwa didi ye enò ra. Evǝa be e di e yi jan ebgen no tén ebgen, ge bwe mochi ngge mò esese ti vǝ fǝ bwa m a chu, evǝa adi efka mo echa etwam hon, ebgen a tú chu ye abu ge bgen no ángá.
14Je yi jan edon hon a m̀ mò engǝ́, tea a me ma nobǝ. M nga ara fí mo ebgen ebwem. 15M hwayi m mò a m bwe anga ra. Adia mò a m dgyan me e bwe, m bwe m ye ra, tea mò a m ze anga, a mò a m bwe anga. 16Ngge ano m bwe mò a ju m dgyan ye me e bwe ra, adi ebwem enò, m chadwa jan edon a Ehwya è no ángá, no esese. 17Abu ge no na, fwa ye a me kǝnggwa e bwe mò a m bwe anga ra, tea ebgen hon e no ju m ángá, du m a ge, m chà bwe mò anga. 18Adia m yi jan mò esese akan fwa ye a tswa ekǝnjuju mam ra, tú anga a tswa ekǝnjuju ebgen mam. M no ngge edgyan me e bwe mò e no esese ángá, tea m bwe a ti m ye ra. 19Mò hon a m bwe anga fwa ye mò esese hon a m dgyan me e bwe ángá ra. A mò esera hon a m dgyan m me e bwe ra ángá, a ge mò hon a m no bwe anga. 20Asuswana ano m bwe mò a m dgyan m me e bwe ra, fwa ye a me kǝnggwa e bwe nó anga ra, tea ebgen hon e dwano a ju m ángá bwe nó anga a ge.
21Enona, m di edon ena bwe mochi anga a ju m. Atan a m dgyan me e bwe mò e no esese, m di ju m no bwe mò esera anga. 22A tswa tsuruku evǝnvǝn mam, m dgyan edon mo Ehwya, 23tea m di edon efki no adi mochi bwe anga a tswa be eswakwa mo ju m, n no nyo kàn anga ngge edon e no a tsuruku mam ángá, n hwyafu m nga ara fí mo echakpo mo ebgen e bwe mochi anga a tswa ju m ángá. 24Oo wá! A me, m nga ara nobǝ e ben ye ebwejwa ra! Ara ti a vǝ́ m a ge a tswa ekǝnjuju ena, e tsǝ m kwa anga a tswafǝ na? 25Echwanom no ḿ mo Ehwya, e tivǝ́ ara m adi efka mo Etsodwe je, Yeso Kristi. Enona, a tsuruku mam, ma fí mo edon mo Ehwya tea adi ekǝnjuju ebgen mam, ma fí mo echakpo mo ebgen.
Currently Selected:
Be ya a Roma 7: ICH
Highlight
Copy
Compare
Share
Want to have your highlights saved across all your devices? Sign up or sign in
© 2024 Luke Initiative for Scripture Translation
Be ya a Roma 7
7
Be mbwadi zǝno enom mo ya aduwa ngge zǝno ben
1Be nwenjwa m ya, nye yi nye jan m jan fwa anga ngge be nobǝ ya e yi edon hon adi ebi, n yi jan edon hon no ngge echakpo a chu nobǝ atan a ende hon chà no angǝ ángá ra? 2Ge té mò akan, edon a Ehwya è twa a chu ben ángá jan ndegwa a kwa ye ju ngge don ye atan a don ye hon chà no angǝ ángá ra, tea atan a don ye fǝ ara, be fken-gwa ye a tswa mo edon mo ben hon eni. 3Echukǝnggwa, ano ge twagwa don ye, ken nya don ngge ndedon efki atan a don ye chà no angǝ, ba fǝ́ ye ya sen-eten ebwem. Tea ano don ye fǝ ara, be fken-gwa ara ye a tswa mo edon mo ben hon eni. Ano ge nya don ngge ndedon efki, ba fǝ́ be ye ya sen-eten ebwem efwe ra.
4Ena abu ge no ngge nye, be nwenjwa m ya, a nye gaten nyè fǝgwa ara edon adi fǝ a nyè fǝ ngge Kristi ángá. Asuswana nye nga ara be nobǝ mo Kristi a bè ti nyi etkyen a dì ángá, evǝa nye e bwe mochi a Ehwya dgyan anga. 5Adia atan a be ekǝnjuju ebgen mo je è chà dwatì no a chu je ángá, be edgyan mo be mò esera a edon è vǝ bwa ángá, è chà dwatì no a chu je, nè bwe mochi a tswa mo je. Enona, binbin mo be mò a jè bwe ángá è vǝ kpwà fǝ bwa je anga. 6Tea asuswana, Ehwya fken-gwa ara je a bu mo echakpo mo edon hon, adia je no je zǝno anga abu be ya e no a bu mo echakpo mo ebgen efwe ra. Asuswana, je bwe mochi mo Ehwya anga adi efǝ efki, abu je buton fo Engǝ́ mbwe anga. Je ba je Ehwya anga adi efǝ ehwe nwone a bè bá ngge bu evǝa je e tse nó ángá ra.
Tsǝ́ ebum ngge ebgen ebwem
7Kǝnggwa mò a ja jan ángá a ano? Edon hon a mò esera? É yé, ge fwa didi ye enò ra. Ebi, m̀ chà àa yi m mò a ebgen no ángá ra, ano edon éè fwa ye ra. M̀ chà àa yi m jan edgyan mo m̀ mo nobǝ efki, a ebgen ra, ano edon éè chà jan ye jan, “We dgyan mbo m̀ mo nobǝ efki ra,” ra. 8Tea ebgen ben efwa a chu mò a edon jan anga, evǝa ge e du m edgyan mo be mò efki efki mo be nobǝ a ju m. Adia ano edon hon è fwa ye ra, ebgen áa no abu engǝfǝ a ju m. 9M̀ no angǝ atan a m̀ chà yi m edon ra. Tea atan a m̀ bwa yi ara mò a edon jan ángá, ebgen twanga bwa no angǝ a ju m, ekǝnggwa m̀ bwa yi jan m fǝ ara. 10Kǝnggwa m̀ bwa yi jan edon nwone à ti nya à bwa m ángá, è ti ye fǝ bwa. 11Adia ebgen, è ben efwa a chu mò a edon jan anga. Gè nggade m ngge a chu mo nó, m fǝ. 12Echukǝnggwa, edon hon no echanwenwen ngge echa etwam hon no echanwenwen. Ge no esese, n du be nobǝ bwe mò esese anga.
13Ge tú anga jan mò e no esese, vǝ fǝ bwa ara m a chu? É yé, ge fwa didi ye enò ra. Evǝa be e di e yi jan ebgen no tén ebgen, ge bwe mochi ngge mò esese ti vǝ fǝ bwa m a chu, evǝa adi efka mo echa etwam hon, ebgen a tú chu ye abu ge bgen no ángá.
14Je yi jan edon hon a m̀ mò engǝ́, tea a me ma nobǝ. M nga ara fí mo ebgen ebwem. 15M hwayi m mò a m bwe anga ra. Adia mò a m dgyan me e bwe, m bwe m ye ra, tea mò a m ze anga, a mò a m bwe anga. 16Ngge ano m bwe mò a ju m dgyan ye me e bwe ra, adi ebwem enò, m chadwa jan edon a Ehwya è no ángá, no esese. 17Abu ge no na, fwa ye a me kǝnggwa e bwe mò a m bwe anga ra, tea ebgen hon e no ju m ángá, du m a ge, m chà bwe mò anga. 18Adia m yi jan mò esese akan fwa ye a tswa ekǝnjuju mam ra, tú anga a tswa ekǝnjuju ebgen mam. M no ngge edgyan me e bwe mò e no esese ángá, tea m bwe a ti m ye ra. 19Mò hon a m bwe anga fwa ye mò esese hon a m dgyan me e bwe ángá ra. A mò esera hon a m dgyan m me e bwe ra ángá, a ge mò hon a m no bwe anga. 20Asuswana ano m bwe mò a m dgyan m me e bwe ra, fwa ye a me kǝnggwa e bwe nó anga ra, tea ebgen hon e dwano a ju m ángá bwe nó anga a ge.
21Enona, m di edon ena bwe mochi anga a ju m. Atan a m dgyan me e bwe mò e no esese, m di ju m no bwe mò esera anga. 22A tswa tsuruku evǝnvǝn mam, m dgyan edon mo Ehwya, 23tea m di edon efki no adi mochi bwe anga a tswa be eswakwa mo ju m, n no nyo kàn anga ngge edon e no a tsuruku mam ángá, n hwyafu m nga ara fí mo echakpo mo ebgen e bwe mochi anga a tswa ju m ángá. 24Oo wá! A me, m nga ara nobǝ e ben ye ebwejwa ra! Ara ti a vǝ́ m a ge a tswa ekǝnjuju ena, e tsǝ m kwa anga a tswafǝ na? 25Echwanom no ḿ mo Ehwya, e tivǝ́ ara m adi efka mo Etsodwe je, Yeso Kristi. Enona, a tsuruku mam, ma fí mo edon mo Ehwya tea adi ekǝnjuju ebgen mam, ma fí mo echakpo mo ebgen.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2024 Luke Initiative for Scripture Translation