Be ya a Roma 8
8
Zǝno enom a tswa echakpo mo Engǝ́
1Enona, asuswana be ya e no ḿ mo Kristi Yeso ángá, Ehwya a kpèn ye be kǝ́nfǝ ra, 2adia nye no ḿ mbwe ángá, echakpo mo Engǝ́ mo Ehwya hon e no be nobǝ nya anga, fken-gwa ara nye a bu mo echakpo mo ebgen nwone e vǝ fǝ bwa anga. 3Adia mò a edon è ben ye echakpo ge e ti e bwe ra, adia ekǝnjuju nobǝ è fupe ara nó ángá, Ehwya è bwe ara nó. Ehwya è bwetko ara ebgen è no a tswa ekǝnjuju nobǝ, adi etsonm mo Nwen ye, a gè tson bwa adi ekǝnjuju mo nobǝ yishwa ḿ mo je ya ebgen ebwem ángá. Ngge a tswa yishwa ekǝnjuju hon, Ehwya no je edevǝ́m a chu echakpo mo ebgen adi Nwen ye a gè tson bwa no mò etinom a chu ebgen mo je ángá. 4Ehwya è bwe enò evǝa binbin mo be mò a edon dgyan anga a zǝn je ángá, ge e no ebwekǝ̀n a chu je, a je ya e no je anga a tswa ekǝnjuju ebgen ra tea a tswa mo Engǝ́ ángá.
5Be ya e no zǝno anga abu ekǝnjuju ebgen mo be dgyan anga, be ka shwa anga a chu be mò a ekǝnjuju mo be dgyan anga, tea be ya e no zǝno abu Engǝ́ jan be anga, be ka shwa anga a chu be mò a Engǝ́ hon dgyan anga. 6Ano nobǝ gwa fwa ekam mo ekǝnjuju mbwe dwatì a chu ye, ga vǝ fǝ a bwa ye a chu, tea ende hon e gwa Engǝ́ mo Ehwya dwatì a chu ye, ga du ye ga ben nya ngge adgye. 7Adia ano ende akan nyi tsuruku mbwe no kpwà a chu mò a ekǝnjuju nobǝ dgyan anga, ende hon bwe chu ye nga ara ya eze mo Ehwya. Ga tse a ti ye edon mo Ehwya ra. Ga tse a didi ye nó ra. 8Be ya ekǝnjuju ebgen mo be dwatì no a chu be ángá, bwe a ti be mò a Ehwya dgyan anga ra.
9Adi ḿ mo nye, nye no nye anga a tswa ekǝnjuju ebgen efwe ra, tea a tswa Engǝ́; ano Engǝ́ mo Ehwya hon no a tsuruku mo nye. Ano ende akan fwa ye ngge Engǝ́ mo Kristi ra, ge fwa ye ḿ mo Kristi ra. 10Tea ano Kristi no a tsuruku mo nye, bi adia ekǝnjuju mo nye hon fǝ anga adi ebgen a nye bwe anga, Engǝ́ mo Ehwya a no nye nya anga adia Ehwya cha ara nye jan nya be nobǝ esese a chafya mbwe. 11Ngge ano Engǝ́ mo ende è ti Yeso nyi etkyen a dì angǝ ángá, no anga a tsuruku mo nye, a ge ende hon nwene è ti Yeso Kristi nyi etkyen a dì ángá, a du be ekǝnjuju efǝfǝ mo nye, a no angǝ adi efka mo Engǝ́ mbwe e no anga a tsuruku mo nye ángá.
12No enona, be nwenjwa m ya, je no ngge mò a ja bwe, tea fwa ye ḿ mo ekǝnjuju ebgen ra, evǝa je e bwe mò a ge dgyan anga. 13Adia ano nye no zǝno abu ekǝnjuju ebgen dgyan anga, nya fǝ, tea ano ge no adi efka mo Engǝ́ mo Ehwya, nye fǝgwa ara be mò esera mo ekǝnjuju ebwem, nya no angǝ, 14adia be ya Engǝ́ mo Ehwya vǝ be ken anga ngge ge ángá, a mbǝgya mo Ehwya. 15Adia nyè cha nye engǝ́ nwone a du nye nya nga be fí mo etsentsen efwe ra, tea nyè cha Engǝ́ e bwe nye nga ara mbǝgya embwam mo Ehwya, ngge adi echakpo mo Engǝ́ ena, nye jan a yi Ehwya jan, “Àtà, Àtà.” 16Engǝ́ mo Ehwya e chu ye ngge engǝ́ mo je, jan adi ebi jan, ja mbǝgya mo Ehwya. 17Enona, ano ja mbǝgya mo Ehwya, ja a be edefǝ́n mo Ehwya. Ja be edefǝ́n mo Ehwya abibi ngge Yeso Kristi. Ano je dgyan anga je e ben egǝ̀n ngge ge, ge no ara kenm je e ngǝ ekan ngge ge.
Egǝ̀n a ja ben nòya ángá
18Adi fwa ekam mam, ekan a je ngǝ anga asuswana na, be ti mbwadi a ti be ngge egǝ̀n a ja ben nòya ángá ra. 19Be mò emmòm binbin a Ehwya è mmò ángá, no buzǝ ngge ju emam, nobà nò a Ehwya a fi mbǝgya mbwe a tú a tswa enggasansan ángá. 20Adia abu ge no na, be mò a Ehwya è mmò ángá, nggwa etki anga adia be yi be abu be mò bwa á no ángá ra. Fwa ye jan eni a mò a be dgyan anga ra, tea a Ehwya nwene e dgyan anga ge no e nò anga. 21Be no ngge shwa enyim a chu nò a ba fken a gwa be a bu mo efkwam na kpu be a bwa a tswa egǝ̀n egwagwa mo be mbǝgya mo Ehwya.
22Je yi jan ti bwa anga na, binbin mo be mò emmòm twa etsǝn anga a tswa ekan engǝm abu edwadwa mo mba echinm. 23Fwa ye be mò a Ehwya è bwe tete e fo edwadwa hon anga ra, a je e chu je gaten, ya Ehwya è kwafya no ara je Engǝ́ hon e no a tsuruku mo je ángá, je twa etsǝn anga a tswa ju abu je maju nobà nò a Ehwya a jan ja mbǝgya mbwe ngge ge no ara je ekǝnjuju efwe ángá. 24Atan a bè tivǝ́ je ángá, bè no je shwa enyim ena. Tea shwa enyim a be diben anga fwa didi ye shwa enyim ra, adia ende hon ara a nyishwa a chu mò a ge no ngge nó ángá? 25Tea ano je nyishwa no a chu mò a je chà ben je ra, ja no a bà ye a tswa ekǝ̀n-ebonm.
26Ba anona, Engǝ́ hon bwejwa je, je bwe binbin mo be mò a je bwe a ti je ra. Abu je yi je abu ja bgó ebgo ángá ra, Engǝ́ hon e chu ye bgó ebgo anga a zǝn Ehwya a chu je a tswa etsǝn etwam yishwa a kpevǝ jan a ti ye ra. 27Ehwya nwene e yi binbin mo be mò e no a tswa tsuruku mo nobǝ ángá, yi ḿ mo a Engǝ́ hon, adia Engǝ́ hon dònvǝ anga a zǝn Ehwya a chu be nobǝ mo Ehwya, ken anga abu mò a Ehwya dgyan anga.
Je devǝ́ ara a chu be nobǝ binbin
28Adi be mò binbin a Ehwya bwe anga, ge bwe be evǝ esese mo be ya e dgyan ye anga, be ya a gè fǝ́ ara be dwa adi edgyan mbwe ángá. 29Adia be ya Ehwya è swa ara ekpe ekpe ángá, ba be ya gè kwafya bwenyi, be e ken fukèn abu Nwen ye, evǝa Nwen hon e no ekwafya a engga mo be nwenjwa ye embo. 30Be ya a gè bwe ara be, be e no ḿ mbwe ángá, a be ya gè fǝ́ be dwa ángá. Be ya a gè fǝ́ be dwa ángá, a be ya gè bwe be, be e no ya esese ebwem a chafya mbwe. Be ya gè bwe be no ya esese ebwem a chafya mbwe ángá, gè bwegǝ̀n be gaten.
31Ano ge no enò, mò a ja jan a chu be mò ena a ano? Ano Ehwya no ngge je, ende e bu a ti tsǝ ngge je ángá a ara? 32A ge hon nwene è fupe ye èé Nwen ye ra, tea ge ti ye no evǝa be e gu ye a chu je binbin. A ge hon ngge Nwen hon, ba no be je be binbin mo be mò efki edwe ra? 33Ende a jan be ya Ehwya swa ara, bwe ara ebgen ángá a ara? A Ehwya e chu ye, kpwà ara nwene è jan-gwa ara be ángá. 34Ende hon e no ngge echakpo ge e jan, je bwe ara mò esera ángá a ara? Ende akan fwa ye ra. A Kristi hon nwene è fǝ, nwene a Ehwya è ti ye nyi etkyen a dì angǝ, ngge ge chuno chá budgo mo Ehwya n no bgó ebgo anga a chu je ángá, kpwà ara. 35Ara a kwa je ju ngge edgyan a Kristi no ngge nó a chu je ángá? Chú a be embwadi e bwa anga adi efwa efki efki? Chú a be mò e no kǝn je nya anga àywá? Chú a fí etswam? Chú a mbe e fu anga? Chú a mokàn mo enggwam a ju a je ben je ra? Chú a be mò ya a tkò je ángá? Chú a egum a be gu je anga? 36Ge no ebam adi Afketa mo Ehwya jan.
“A chu o, ba gu je.
Be no a kpwà je adi egum ti ken a
ngga atan a nò kpo ara ángá.
Be kpu je no abu be son
a be kpu ya a gu ángá”
37É yé, a chu be mò ena binbin, je twafǝ̀ be e jan je devǝ́ ti ara, adi efka mo ende e dgyan je anga. 38Adia m yi ara a tswa tsuruku mam jan, mò akan nwone e ngga a kwa je ngge edgyan a Ehwya tú je ángá adi efka mo Yeso Kristi Etsodwe je ángá, fwa ye ra. Ge è ma no fǝ, eno e ra nya, eno e ra be maleka, eno e ra be engǝ́ e dwatì anga a kpe, eno e ra a sǝnsen, be mò e no asuswana, eno e ra be mò nwone a bwa ángá, eno e ra be echakpo, 39fwa ye ra, èé be mò e no chá kpe, eno e ra be mò e no a tswa evǝnvǝn mo sǝnsen. Ben ye mò akan a tswa binbin be mò a Ehwya bwe ángá, nwone e nggakwa a ti je ngge edgyan a Ehwya tú je anga ra, adi efka mo Yeso Kristi Etsodwe je.
Currently Selected:
Be ya a Roma 8: ICH
Highlight
Copy
Compare
Share
Want to have your highlights saved across all your devices? Sign up or sign in
© 2024 Luke Initiative for Scripture Translation
Be ya a Roma 8
8
Zǝno enom a tswa echakpo mo Engǝ́
1Enona, asuswana be ya e no ḿ mo Kristi Yeso ángá, Ehwya a kpèn ye be kǝ́nfǝ ra, 2adia nye no ḿ mbwe ángá, echakpo mo Engǝ́ mo Ehwya hon e no be nobǝ nya anga, fken-gwa ara nye a bu mo echakpo mo ebgen nwone e vǝ fǝ bwa anga. 3Adia mò a edon è ben ye echakpo ge e ti e bwe ra, adia ekǝnjuju nobǝ è fupe ara nó ángá, Ehwya è bwe ara nó. Ehwya è bwetko ara ebgen è no a tswa ekǝnjuju nobǝ, adi etsonm mo Nwen ye, a gè tson bwa adi ekǝnjuju mo nobǝ yishwa ḿ mo je ya ebgen ebwem ángá. Ngge a tswa yishwa ekǝnjuju hon, Ehwya no je edevǝ́m a chu echakpo mo ebgen adi Nwen ye a gè tson bwa no mò etinom a chu ebgen mo je ángá. 4Ehwya è bwe enò evǝa binbin mo be mò a edon dgyan anga a zǝn je ángá, ge e no ebwekǝ̀n a chu je, a je ya e no je anga a tswa ekǝnjuju ebgen ra tea a tswa mo Engǝ́ ángá.
5Be ya e no zǝno anga abu ekǝnjuju ebgen mo be dgyan anga, be ka shwa anga a chu be mò a ekǝnjuju mo be dgyan anga, tea be ya e no zǝno abu Engǝ́ jan be anga, be ka shwa anga a chu be mò a Engǝ́ hon dgyan anga. 6Ano nobǝ gwa fwa ekam mo ekǝnjuju mbwe dwatì a chu ye, ga vǝ fǝ a bwa ye a chu, tea ende hon e gwa Engǝ́ mo Ehwya dwatì a chu ye, ga du ye ga ben nya ngge adgye. 7Adia ano ende akan nyi tsuruku mbwe no kpwà a chu mò a ekǝnjuju nobǝ dgyan anga, ende hon bwe chu ye nga ara ya eze mo Ehwya. Ga tse a ti ye edon mo Ehwya ra. Ga tse a didi ye nó ra. 8Be ya ekǝnjuju ebgen mo be dwatì no a chu be ángá, bwe a ti be mò a Ehwya dgyan anga ra.
9Adi ḿ mo nye, nye no nye anga a tswa ekǝnjuju ebgen efwe ra, tea a tswa Engǝ́; ano Engǝ́ mo Ehwya hon no a tsuruku mo nye. Ano ende akan fwa ye ngge Engǝ́ mo Kristi ra, ge fwa ye ḿ mo Kristi ra. 10Tea ano Kristi no a tsuruku mo nye, bi adia ekǝnjuju mo nye hon fǝ anga adi ebgen a nye bwe anga, Engǝ́ mo Ehwya a no nye nya anga adia Ehwya cha ara nye jan nya be nobǝ esese a chafya mbwe. 11Ngge ano Engǝ́ mo ende è ti Yeso nyi etkyen a dì angǝ ángá, no anga a tsuruku mo nye, a ge ende hon nwene è ti Yeso Kristi nyi etkyen a dì ángá, a du be ekǝnjuju efǝfǝ mo nye, a no angǝ adi efka mo Engǝ́ mbwe e no anga a tsuruku mo nye ángá.
12No enona, be nwenjwa m ya, je no ngge mò a ja bwe, tea fwa ye ḿ mo ekǝnjuju ebgen ra, evǝa je e bwe mò a ge dgyan anga. 13Adia ano nye no zǝno abu ekǝnjuju ebgen dgyan anga, nya fǝ, tea ano ge no adi efka mo Engǝ́ mo Ehwya, nye fǝgwa ara be mò esera mo ekǝnjuju ebwem, nya no angǝ, 14adia be ya Engǝ́ mo Ehwya vǝ be ken anga ngge ge ángá, a mbǝgya mo Ehwya. 15Adia nyè cha nye engǝ́ nwone a du nye nya nga be fí mo etsentsen efwe ra, tea nyè cha Engǝ́ e bwe nye nga ara mbǝgya embwam mo Ehwya, ngge adi echakpo mo Engǝ́ ena, nye jan a yi Ehwya jan, “Àtà, Àtà.” 16Engǝ́ mo Ehwya e chu ye ngge engǝ́ mo je, jan adi ebi jan, ja mbǝgya mo Ehwya. 17Enona, ano ja mbǝgya mo Ehwya, ja a be edefǝ́n mo Ehwya. Ja be edefǝ́n mo Ehwya abibi ngge Yeso Kristi. Ano je dgyan anga je e ben egǝ̀n ngge ge, ge no ara kenm je e ngǝ ekan ngge ge.
Egǝ̀n a ja ben nòya ángá
18Adi fwa ekam mam, ekan a je ngǝ anga asuswana na, be ti mbwadi a ti be ngge egǝ̀n a ja ben nòya ángá ra. 19Be mò emmòm binbin a Ehwya è mmò ángá, no buzǝ ngge ju emam, nobà nò a Ehwya a fi mbǝgya mbwe a tú a tswa enggasansan ángá. 20Adia abu ge no na, be mò a Ehwya è mmò ángá, nggwa etki anga adia be yi be abu be mò bwa á no ángá ra. Fwa ye jan eni a mò a be dgyan anga ra, tea a Ehwya nwene e dgyan anga ge no e nò anga. 21Be no ngge shwa enyim a chu nò a ba fken a gwa be a bu mo efkwam na kpu be a bwa a tswa egǝ̀n egwagwa mo be mbǝgya mo Ehwya.
22Je yi jan ti bwa anga na, binbin mo be mò emmòm twa etsǝn anga a tswa ekan engǝm abu edwadwa mo mba echinm. 23Fwa ye be mò a Ehwya è bwe tete e fo edwadwa hon anga ra, a je e chu je gaten, ya Ehwya è kwafya no ara je Engǝ́ hon e no a tsuruku mo je ángá, je twa etsǝn anga a tswa ju abu je maju nobà nò a Ehwya a jan ja mbǝgya mbwe ngge ge no ara je ekǝnjuju efwe ángá. 24Atan a bè tivǝ́ je ángá, bè no je shwa enyim ena. Tea shwa enyim a be diben anga fwa didi ye shwa enyim ra, adia ende hon ara a nyishwa a chu mò a ge no ngge nó ángá? 25Tea ano je nyishwa no a chu mò a je chà ben je ra, ja no a bà ye a tswa ekǝ̀n-ebonm.
26Ba anona, Engǝ́ hon bwejwa je, je bwe binbin mo be mò a je bwe a ti je ra. Abu je yi je abu ja bgó ebgo ángá ra, Engǝ́ hon e chu ye bgó ebgo anga a zǝn Ehwya a chu je a tswa etsǝn etwam yishwa a kpevǝ jan a ti ye ra. 27Ehwya nwene e yi binbin mo be mò e no a tswa tsuruku mo nobǝ ángá, yi ḿ mo a Engǝ́ hon, adia Engǝ́ hon dònvǝ anga a zǝn Ehwya a chu be nobǝ mo Ehwya, ken anga abu mò a Ehwya dgyan anga.
Je devǝ́ ara a chu be nobǝ binbin
28Adi be mò binbin a Ehwya bwe anga, ge bwe be evǝ esese mo be ya e dgyan ye anga, be ya a gè fǝ́ ara be dwa adi edgyan mbwe ángá. 29Adia be ya Ehwya è swa ara ekpe ekpe ángá, ba be ya gè kwafya bwenyi, be e ken fukèn abu Nwen ye, evǝa Nwen hon e no ekwafya a engga mo be nwenjwa ye embo. 30Be ya a gè bwe ara be, be e no ḿ mbwe ángá, a be ya gè fǝ́ be dwa ángá. Be ya a gè fǝ́ be dwa ángá, a be ya gè bwe be, be e no ya esese ebwem a chafya mbwe. Be ya gè bwe be no ya esese ebwem a chafya mbwe ángá, gè bwegǝ̀n be gaten.
31Ano ge no enò, mò a ja jan a chu be mò ena a ano? Ano Ehwya no ngge je, ende e bu a ti tsǝ ngge je ángá a ara? 32A ge hon nwene è fupe ye èé Nwen ye ra, tea ge ti ye no evǝa be e gu ye a chu je binbin. A ge hon ngge Nwen hon, ba no be je be binbin mo be mò efki edwe ra? 33Ende a jan be ya Ehwya swa ara, bwe ara ebgen ángá a ara? A Ehwya e chu ye, kpwà ara nwene è jan-gwa ara be ángá. 34Ende hon e no ngge echakpo ge e jan, je bwe ara mò esera ángá a ara? Ende akan fwa ye ra. A Kristi hon nwene è fǝ, nwene a Ehwya è ti ye nyi etkyen a dì angǝ, ngge ge chuno chá budgo mo Ehwya n no bgó ebgo anga a chu je ángá, kpwà ara. 35Ara a kwa je ju ngge edgyan a Kristi no ngge nó a chu je ángá? Chú a be embwadi e bwa anga adi efwa efki efki? Chú a be mò e no kǝn je nya anga àywá? Chú a fí etswam? Chú a mbe e fu anga? Chú a mokàn mo enggwam a ju a je ben je ra? Chú a be mò ya a tkò je ángá? Chú a egum a be gu je anga? 36Ge no ebam adi Afketa mo Ehwya jan.
“A chu o, ba gu je.
Be no a kpwà je adi egum ti ken a
ngga atan a nò kpo ara ángá.
Be kpu je no abu be son
a be kpu ya a gu ángá”
37É yé, a chu be mò ena binbin, je twafǝ̀ be e jan je devǝ́ ti ara, adi efka mo ende e dgyan je anga. 38Adia m yi ara a tswa tsuruku mam jan, mò akan nwone e ngga a kwa je ngge edgyan a Ehwya tú je ángá adi efka mo Yeso Kristi Etsodwe je ángá, fwa ye ra. Ge è ma no fǝ, eno e ra nya, eno e ra be maleka, eno e ra be engǝ́ e dwatì anga a kpe, eno e ra a sǝnsen, be mò e no asuswana, eno e ra be mò nwone a bwa ángá, eno e ra be echakpo, 39fwa ye ra, èé be mò e no chá kpe, eno e ra be mò e no a tswa evǝnvǝn mo sǝnsen. Ben ye mò akan a tswa binbin be mò a Ehwya bwe ángá, nwone e nggakwa a ti je ngge edgyan a Ehwya tú je anga ra, adi efka mo Yeso Kristi Etsodwe je.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2024 Luke Initiative for Scripture Translation