Be ya a Roma 6
6
Je fǝgwa ara ebgen, je no angǝ a tswa mo Kristi
1Ekǝnggwa mò a ja jan ángá a ano? Je e no e kpwà adi ebgen ebwem evǝa Ehwya e no e kpwà je adi mò esese ebwem? 2É yé, ge fwa didi ye enò ra. A je ya è kwa ara ju ngge ebgen ebwem ángá, ano bwe a ge ja no a tswa mo nó efwe? 3Nye yi nye jan binbin mo je ya a bè bwe je batisǝma ángá, bè kpu je nggwafǝn ara ngge Yeso Kristi, e tú anga jan je fǝ ara ngge ge gaten ra? 4No enona, atan a bè bwe je batisǝma ngge Kristi, ge no abu jè fǝ ara ngge ge, ngge bè di ara je ngge ge. Bè bwe enò evǝa abu bè ti Yeso Kristi nyi etkyen a dì adi egǝ̀n mo Ate ye, ge no abu be kpu je nyi etkyen a dì angǝ evǝa je e no zǝno angǝ efwe.
5Ano be kpu je nggwafǝn ara ngge ge adi fǝ́ yishwa ḿ mbwe, ge no kenm ba nggwa a fǝn je ngge ge adi etkyen enyim a dì yishwa ḿ mbwe. 6Adia je yi jan bè kenfu ara zǝno enom mo je ehwe a chu eswafǝ ngge ge, evǝa je e kwaju ngge ebgen éè dwatì no a chu je ángá, evǝa je e fwa je be fí mo ebgen efwe ra. 7Adia ende e fǝ ara ángá kwa ara ju ngge ebgen, ga bwe ye bgen efwe ra.
8Asuswana ano je fǝ ngge Kristi, je tsǝ́ekǝ̀n jan ja zǝ a bwa angǝ ngge ge gaten. 9Adia bè ti Yeso Kristi nyi ara etkyen a dì angǝ ángá, ga fǝ a didi ye efwe ra, fǝ fwa ye ngge emwentì a chu ye efwe ra. 10Fǝ a gè fǝ ángá, gè fǝ nó kè akan a chu ebgen mo be nobǝ binbin, tea enom mbwe angǝ asuswana, ge no nó anga evǝa Ehwya e ben egǝ̀n.
11Ge té mò akan, nye e ti chu nye jan nye fǝgwa ara ebgen, nye no ngge nya evǝ mo Ehwya adi efka mo Yeso Kristi. 12No enona, nye e cha nye dwa ebgen e dwatì a chu ekǝnjuju mo nye ena nwone a fǝ ángá ra, echakpo mo ebgen hon nwone e du nye, nye e bwe be mò esera a ju nye hon dgyan anga. 13Nye e kpu nye be eswakwa mo ju nye e nga be atkimo-mochi mo mofǝ̀ ebwem ra. Tea nye e kpu chu nye e no Ehwya abu be nobǝ a be kpu gwa ara je mo dì angǝ. Nye e kpu be egwa egwa mo eswakwa mo ju mo nye e no Ehwya abu be atkimo-mochi mò esese ebwem. 14Nye e cha nye dwa a ebgen e dwatì a chu nye ra, adia moetum mo Mosa bin ye nye ra, tea esese mo Ehwya bin nye no a ge.
Nya be fí mo mochi esese ebwem
15Ekǝnggwa, ano a mò ena tú anga? Ja bwe ebgen adia edon hon dwatì no ye a chu je ra, tea esese mo Ehwya dwatì no a chu je a ge ángá? É yé, ge fwa didi ye enò ra. 16Nye yi nye jan atan a nye kpu be ju nye no adi edgyan mo nye evǝa nye e tse ende akan, nya be fí mo ende hon a nye tse anga ra? Nya be fí mo ebgen nwone a du nye a ken adi fǝ, eno e ra nya fí mo etsem nwone e du be nobǝ esese ken chafya mo Ehwya. 17Tea echwanom no ḿ mo Ehwya, adia ekpe nyè no di ara be fí mo ebgen, tea asuswana nye ba seshi be efǝ a bè tú nye ngge nye cha ara be a tswa tsuruku akan. 18Be fkenggwa ara nye abu mo ebgen, ngge nye nga ara be fí mo mochi esese ebwem.
19M jan nye fwa anga abu ḿ mo nogwa nogwa, adia fwa ehwayim mo nye cha ye kpo ra. Adia nyè kpu ju nye binbin no abu be fí, nyè no bwe mò ebgenju ngge mò esera anga. Tea asuswana ge no kenm nye e kpu ekǝnjuju mo nye e bwe be mò esese, evǝa nye e no be nobǝ ebi mo Ehwya. 20Atan a nyè no be fí mo ebgen ángá, nyè ka nye shwa mo mò e no esese be e bwe chafya mo Ehwya ra. 21Be mò a nyè ben atan a nyè bwe be mò esera nwone asuswana nye fu ebgenju mo be anga, a ano? Be mò eni vǝ fǝ bwa anga a be. 22Tea asuswana adia be nggakwa ara nye ju ngge ebgen na, nye nga ara be fí mo Ehwya. Mo ebwejwa a nye ben ángá, du nye nya nga be nobǝ e fwa be ngge ebgen ra. Ga bwe nye nya ben nya e no a fwa efwam ángá. 23Adia buhwen a nya ben adi ebgen ebwem ángá, a fǝ, tea edwe a Ehwya no anga, a nya e no a fwa efwam adi efka mo Yeso Kristi, Etsodwe mo je.
Currently Selected:
Be ya a Roma 6: ICH
Highlight
Copy
Compare
Share
Want to have your highlights saved across all your devices? Sign up or sign in
© 2024 Luke Initiative for Scripture Translation
Be ya a Roma 6
6
Je fǝgwa ara ebgen, je no angǝ a tswa mo Kristi
1Ekǝnggwa mò a ja jan ángá a ano? Je e no e kpwà adi ebgen ebwem evǝa Ehwya e no e kpwà je adi mò esese ebwem? 2É yé, ge fwa didi ye enò ra. A je ya è kwa ara ju ngge ebgen ebwem ángá, ano bwe a ge ja no a tswa mo nó efwe? 3Nye yi nye jan binbin mo je ya a bè bwe je batisǝma ángá, bè kpu je nggwafǝn ara ngge Yeso Kristi, e tú anga jan je fǝ ara ngge ge gaten ra? 4No enona, atan a bè bwe je batisǝma ngge Kristi, ge no abu jè fǝ ara ngge ge, ngge bè di ara je ngge ge. Bè bwe enò evǝa abu bè ti Yeso Kristi nyi etkyen a dì adi egǝ̀n mo Ate ye, ge no abu be kpu je nyi etkyen a dì angǝ evǝa je e no zǝno angǝ efwe.
5Ano be kpu je nggwafǝn ara ngge ge adi fǝ́ yishwa ḿ mbwe, ge no kenm ba nggwa a fǝn je ngge ge adi etkyen enyim a dì yishwa ḿ mbwe. 6Adia je yi jan bè kenfu ara zǝno enom mo je ehwe a chu eswafǝ ngge ge, evǝa je e kwaju ngge ebgen éè dwatì no a chu je ángá, evǝa je e fwa je be fí mo ebgen efwe ra. 7Adia ende e fǝ ara ángá kwa ara ju ngge ebgen, ga bwe ye bgen efwe ra.
8Asuswana ano je fǝ ngge Kristi, je tsǝ́ekǝ̀n jan ja zǝ a bwa angǝ ngge ge gaten. 9Adia bè ti Yeso Kristi nyi ara etkyen a dì angǝ ángá, ga fǝ a didi ye efwe ra, fǝ fwa ye ngge emwentì a chu ye efwe ra. 10Fǝ a gè fǝ ángá, gè fǝ nó kè akan a chu ebgen mo be nobǝ binbin, tea enom mbwe angǝ asuswana, ge no nó anga evǝa Ehwya e ben egǝ̀n.
11Ge té mò akan, nye e ti chu nye jan nye fǝgwa ara ebgen, nye no ngge nya evǝ mo Ehwya adi efka mo Yeso Kristi. 12No enona, nye e cha nye dwa ebgen e dwatì a chu ekǝnjuju mo nye ena nwone a fǝ ángá ra, echakpo mo ebgen hon nwone e du nye, nye e bwe be mò esera a ju nye hon dgyan anga. 13Nye e kpu nye be eswakwa mo ju nye e nga be atkimo-mochi mo mofǝ̀ ebwem ra. Tea nye e kpu chu nye e no Ehwya abu be nobǝ a be kpu gwa ara je mo dì angǝ. Nye e kpu be egwa egwa mo eswakwa mo ju mo nye e no Ehwya abu be atkimo-mochi mò esese ebwem. 14Nye e cha nye dwa a ebgen e dwatì a chu nye ra, adia moetum mo Mosa bin ye nye ra, tea esese mo Ehwya bin nye no a ge.
Nya be fí mo mochi esese ebwem
15Ekǝnggwa, ano a mò ena tú anga? Ja bwe ebgen adia edon hon dwatì no ye a chu je ra, tea esese mo Ehwya dwatì no a chu je a ge ángá? É yé, ge fwa didi ye enò ra. 16Nye yi nye jan atan a nye kpu be ju nye no adi edgyan mo nye evǝa nye e tse ende akan, nya be fí mo ende hon a nye tse anga ra? Nya be fí mo ebgen nwone a du nye a ken adi fǝ, eno e ra nya fí mo etsem nwone e du be nobǝ esese ken chafya mo Ehwya. 17Tea echwanom no ḿ mo Ehwya, adia ekpe nyè no di ara be fí mo ebgen, tea asuswana nye ba seshi be efǝ a bè tú nye ngge nye cha ara be a tswa tsuruku akan. 18Be fkenggwa ara nye abu mo ebgen, ngge nye nga ara be fí mo mochi esese ebwem.
19M jan nye fwa anga abu ḿ mo nogwa nogwa, adia fwa ehwayim mo nye cha ye kpo ra. Adia nyè kpu ju nye binbin no abu be fí, nyè no bwe mò ebgenju ngge mò esera anga. Tea asuswana ge no kenm nye e kpu ekǝnjuju mo nye e bwe be mò esese, evǝa nye e no be nobǝ ebi mo Ehwya. 20Atan a nyè no be fí mo ebgen ángá, nyè ka nye shwa mo mò e no esese be e bwe chafya mo Ehwya ra. 21Be mò a nyè ben atan a nyè bwe be mò esera nwone asuswana nye fu ebgenju mo be anga, a ano? Be mò eni vǝ fǝ bwa anga a be. 22Tea asuswana adia be nggakwa ara nye ju ngge ebgen na, nye nga ara be fí mo Ehwya. Mo ebwejwa a nye ben ángá, du nye nya nga be nobǝ e fwa be ngge ebgen ra. Ga bwe nye nya ben nya e no a fwa efwam ángá. 23Adia buhwen a nya ben adi ebgen ebwem ángá, a fǝ, tea edwe a Ehwya no anga, a nya e no a fwa efwam adi efka mo Yeso Kristi, Etsodwe mo je.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2024 Luke Initiative for Scripture Translation