Roma Mʊlalɨgɔ
Mʊlalɨgɔ
Nǝn Bulus bwɛ twama a mʊla langǝn bwangǝn nɨ a tʊng nǝb bwangtǝmɔ gǝm a Romaɨ. A mʊla langǝn bwangǝn nɨ a mʊgɔ jolɔ fʊltǝnʊ jeli nʌbʌl (57) a gul bʌtʌm Yesui. Maa maa nyɔ Bulus a mʊla Langǝn bwangǝn nɨ a tuulɔ Korinti, yɔm na taal gǝnɔ a dul kiyotǝm fulon kɛl lǝmɨ.
Langǝn bwangǝn nɨ a nʊng kanga Kwaama a dǝg nǝbɔ a yǝlam dǝngdǝng a daa gɔ woi a gola nǝtǝm bɨlǝngkɛl a tǝltǝmɔ gǝm a yɔ nǝn a dɨltǝmɨ, kanga ja mʊla gɔ, “Nʊ nɨ n nǝ dǝngdǝng a gola nǝtǝm bɨlǝngkɛlɨ, nya nya kʊlɨ.” N mʊgɔ langǝn bwangǝn nɨ ja sʊwa kɛlɔ a talɨ a dul mɛlalɨ nɨ ja maa a dul fulon kɛl lǝmɨ.
Langǝn bwangǝn nɨ a nʊng gɔ nǝfitʌmɔ gwam jǝ na a mʊgɔ kwaan bwɨlangkɛl, pʌd jinɔ ja swɨ bɔ ja yɨ yɨm dǝngdǝng a kǝga Kwaamaɨ (1:8--3:20). A jǝla nǝn tag gɔ n gola nǝtǝm bɨlǝngkɛl a daa Yesu woi nǝfili nya yɨm dǝngdǝng lɛ a kǝga Kwaamaɨ, ke bɔ a dul maajɨ nyan nɨ nǝfili a maaɨ (3:21--4:25). Langǝn bwangǝn nɨ a sʊwa yɨm nɨ a bʊm nǝb bwangtǝmɔ gwam yɨ lɛ tagɨ. A sʊwa kɛl a dul jʊ yɨmɔ a gola kwaan Yʊwa Kwaamaɨ gǝ dǝg lɛ ja ku jelʌn a dul yɨm bʊʊlalɨ nǝfilii (5:1--8:39). Langǝn bwangǝn nɨ a ja kǝga nǝn nʊngtǝmɔ kanga fɛkalɨ nɨ Kwaama a maa sǝ a bʊʊ nǝn nǝbɔ gwamɨ, Yahudawagɔ jǝbɔ Bʌtʌbɔ (9:1--11:36). A gulɔ gǝmɨ a gʊ lɔl nǝb bwangtǝmɨ a dul yɨmɔ a kʊm kambɨɨ, jǝbɔ yɨmɔ a kʊm nǝb bwangtǝmɨ jǝbɔ nǝb fɔlɔnɨ (12:1--15:13).
Kanjǝlɔ A Mʊgɔ Langǝn Bwangǝn Nɨɨ
Dul Kɛlɔ 1:1-17
Nǝfitʌmɔ Gwam A Maa Bwɨlangkɛl 1:18--3:20
Gola Nyatǝm Bʊʊlɨgɔ 3:21--4:25
Kʊlɨ Fɨ A Mʊgɔ Kiristii 5:1--8:39
Fɛkalɨ Kwaamaɨ A Dul Nǝbɔ Israilaɨ 9:1--11:36
Yɨmɔ A Daa Tʌgo A Gola Bwangtǝm Kwaamaɨ 12:1--15:13
Dɨltǝm Kɛlɔ Jǝbɔ Yaltǝm 15:14--16:27
Currently Selected:
Roma Mʊlalɨgɔ: DBD
Highlight
Share
Compare
Copy
Want to have your highlights saved across all your devices? Sign up or sign in
©️2024 Luke Initiative for Scripture Translation