Galatiya Mʊlalɨgɔ
Mʊlalɨgɔ
Bulus a mʊlam mʊrkalɨtɨn nǝb bwangtǝm Kwaamaɨ nɨ a tǝm Galatiyaɨ gǝm langǝn bwangǝn nɨ. A kwɛl a kiyo jim kiyoi fulon kɛl lǝmɨ nɨ. Nǝbɔ a lada ja yǝlam nǝb bwangtǝmɨ.
Jʊ a bwɨ a mʊla langǝn bwangǝn nɨɨ, a nyʊwa nyʊwaɨ gɔ kaam nǝb mɛlalɨ swɨ lɛ ja yɔ nǝn nǝbɔ Galatiyaɨ a gola nɨ mɨ dǝngdǝngɨ.
Nǝb nɨ sʊwa lɛɨ, n Yahudawagɔ Kwaama a jǝgǝm nǝn tɨkǝga gɔ n nǝbam gǝnɨ gɔ, nǝl mɨsɔ yo bʊʊtǝm Kwaamaɨ lɛ na ga yǝlam bɔ bwɛ Yahudaɨ.
Jǝ sʊwa lɛ gɔ na nǝl a kɨla bɔ diil Musaɨ gwamɨ, wʊnɨ biyotǝm mwɛnɔ nǝn gɔ a kǝgaɨ, mɨsɔ nya bʊʊtǝm lɛ.
Jǝfʊlǝn jinɔ a nʊng gɔ biyotǝm mwɛnɔ nǝn gɔ nʊngtǝm gɔ nǝl n bwɛ Yahudaɨ.
A mʊgɔ langǝn bwangǝn nɨ, Bulus sʊwa lɛ gɔ jʊ nɨ n gabakɛl. Gǝ bʊʊtǝmɔ bǝ nya a nǝtǝm bɨlǝngkɛl a daagɔ Yesu Kiristi woi. Gǝ na ń yo bʊʊtǝm Kwaamaɨ, sǝ ń yǝlam nǝ sagsag a kǝga Kwaamaɨ. Bʊʊtǝm nɨ na a nǝbɨɨ pʌd a yooli nɨ. Ke bɔ a gola bwangtǝm diil Yahudawagɨɨ nǝl yǝlam nǝ sagsag lɛ a kǝga Kwaamaɨ.
Kanjǝlɔ A Mʊgɔ Langǝn Bwangǝn Nɨɨ
Dul Kɛlɔ 1:1-10
Bulus A Maa Fɛtatǝm Kɛl A Dul Dʊʊn Gǝnɔ Gǝm A Kiyotǝm Fulon Kɛl Lǝmɨ Yesui 1:11--2:21
Nyatǝm Bʊʊtǝm A Gola Nǝtǝm Bɨlǝngkɛl 3:1--4:31
Jotǝm A Yɨm Bwangtǝm Kwaamaɨ 5:1--6:10
Dɨltǝm Yaltǝmɔ 6:11-18
Currently Selected:
Galatiya Mʊlalɨgɔ: DBD
Highlight
Copy
Compare
Share
Want to have your highlights saved across all your devices? Sign up or sign in
©️2024 Luke Initiative for Scripture Translation