तीतुस 3
3
मसीही चाल-चलन
1लौका नु याद ङिवा, कि हाकिमा ते अधिकारीया चे अधीन रिहा, ते वांची आज्ञा मनो, ते हर हेक आच्छे कामा वास्ते तियार रिहो। 2कानु वी बदनाम ना करो, झग़ड़ालु ना हो, पर नर्म सुभाव चे हो, ते सारे इन्साना लारे बङी नरमाई लारे रिहो। 3कांकि अम्ही वी पेहले, बेअक्कल, ते आज्ञा ना मनणे आले, ते वहमा मां ढेले आले, ते हर हेक रंगा ची इच्छा ते सोख भोग़णे चे गुलाम हुते, ते बैरबन्दी, ते खार खाणे मां जीन्दगी गुजारते, ते किज़ड़े हुते, ते हेके ङुजे लारे बैर राखते। 4पर जिसे बेले अम्चे मुक्तिदाता नरीकारा ची किरपा, ते इन्साना उपर ओचा प्रेम उजागर हुला, 5ते ओणे अम्चा उद्धार करला। ते ईं धर्मा चे कामा ची वजह कनु कोनी, जको अम्ही आप करले, पर आपणी दया चे अनुसार, नवें जनमा चे झूलने लारे, ते पवित्र आत्मा चे अम्हानु नवें बणावणे लारे हुले। 6हा पवित्र आत्मा जानु नरीकारा ने अम्चे मुक्तिदाता ईशु मसीह चे जरिये अम्चे उपर भरपूर रेड़ला। 7अम्ही नरीकारा चे अनुग्रह लारे धर्मी हुती कर, ते अनन्त जीवन ची आस चे अनुसार वारिस बणले। 8हा बात सच्च छै, ते मैं चाहवे कि तु यां बाता चे बारे मां मजबूती लारे ब़ोल ऐवास्ते कि जेह्णे नरीकारा चा भरोसा करला, वे भले कामा मां लाग़ले रेहणे चा ध्यान राखो, ये बाता भलीया, ते बन्दा चे फायदे चा छी।
9पर मूर्खता चे लफड़े कनु, ते वंशावलीया, ते बैर विरोध, ते वां झग़ड़ा कनु, जको व्यवस्था चे बारे हो बचला रिहो। कांकि वे निष्फल ते बेकार छी। 10कुई फूट नाखणे आले नु हेक ङोन वारी समझाती ब़ुझाती ओचे कनु अलग़ रेह। 11ईं जाणती कर कि इसड़े बन्दे बेलकोल बिगड़ती गेले, ते आपणे आप नु दोषी ठहराती कर पाप करते रिहे।
आखरी फैंसला
12 #
प्रेरि 20:4; इफि 6:21,22; कुलु 4:7,8; 2 तीमु 4:12 जिसे बेले मैं दुधे गोढु अरितमास जा तुखिकुस नु भेज़े, तां माये गोढु निकुपुलिस शहरा मां आणे चा जत्तन करियो। कांकि मैं उठी सिआला कटणे चा फैंसला करला। 13#प्रेरि 18:24; 1 कुरि 16:12जेनास वकील ते अपल्लोस नु जत्तन करती कर उग़ते पुचाती ङे, ते ङेख, कि वानु कुई चीजी ची कमी ना हुती जायो। 14ते अम्चे लौक वी जरुरता नु पुरीया करने वास्ते पुरे मना लारे आच्छे कामा मां लाग़ले रेहणे सिखो ताकि निक्कमे ना रिहो।
15माये सारे साथीया चा तनु नमस्कार। ते जको विश्वास ची वजह कनु अम्चे लारे प्रेम राखी, वानु नमस्कार।
तम्चे सारा उपर नरीकारा चा अनुग्रह हुता रिहो।
Currently Selected:
तीतुस 3: ODR
Highlight
Copy
Compare
Share
Want to have your highlights saved across all your devices? Sign up or sign in
CC BY-NC-ND 4.0
