प्रकाशितवाक्य 1

1ईशु मसीह चा प्रकाशितवाक्य, जको ओनु नरीकारा ने ऐवास्ते ङिला कि आपणे दासा नु वे बाता, जाये जल्दी हुवणे जरुरी छै ङिखाणो। ओणे आपणे स्वर्ग़दूत नु भेज़ती कर ओचे जरिये आपणे दास यूहन्‍ना नु बावड़ले, 2जेह्णे नरीकारा चे वचन ते ईशु मसीह ची ग़वाही, यानिकि जको कोच्छ ओणे ङेखले हुते ओची ग़वाही ङिली। 3धन्‍न छी वे लौक जको ये भविष्यवाणी चे वचना नु पढ़े, ते वे जको सुणे ते ऐचे मां लिखलीया आलीया बाता नु मने, कांकि समय गोढु छै।

कलीसिया चे नांवे यूहन्‍ना चा सनेसा

4 # प्र.वा 4:5 यूहन्‍ना ची ओर कनु आसीया चीया सात कलीसिया चे नांवे:

ओची ओर कनु जको छै ते जको हुता ते जको आणे आला छै, ते वां सात आत्मा ची ओर कनु जको ओचे सिंहासन चे सामणे छी, 5ते ईशु मसीह चे तरफु जको भरोसेमन्द ग़वाही ते मरले आला महु जीता हुवणे आला महु पलेठी चा ते धरती चे राजा चा हाकिम छै तम्हानु अनुग्रह ते शान्ति मिलती रिहो।

ओ अम्चे लारे प्रेम राखे ते ओणे आपणे लुहींया लारे अम्हानु पापा कनु छुड़ाले छै। 6#प्र.वा 5:10ते अम्हानु हेक राज़ ते आपणे ब़ा नरीकारा चे वास्ते याजक वी बणाती ङिले, ओची महिमा ते पराक्रम युगानयुग हुती रिहो। आमीन।

7 # मत्ती 24:30; मरकु 13:26; लूक 21:27; 1 थिस्स 4:17; यूह 19:34,37; मत्ती 24:30 ङेखा, ओ बदला चे लारे आणे आला छै, ते हर हेक आँख ओनु ङेखी, बल्कि जेह्णे ओनु सुराखे करली हुती वे वी ओनु ङेखे, ते धरती चे सारे कोल्‍ल ओची वजह कनु छात्ती कोट्टे। हांआ। आमीन।

8 # प्र.वा 22:13 प्रभु नरीकार, जको छै ते जको हुता ते जको आणे आला छै, जको सर्वशक्‍तिमान छै, ईं किहे, “मैं ही अल्फा ते ओमेगा छै।”

यूहन्‍ना नु मसीह चा दर्शन

9मैं यूहन्‍ना जको तम्चा भऊ, ते ईशु मसीह चे क्लेश, ते राज़ ते सब्रा मां तम्चा भईवाल छै, नरीकारा चे वचन ते ईशु ची ग़वाही ची वजह कनु पतमुस चे टापू मां मनु भेज़ले गेले हुते। 10मैं प्रभु चे ङिओ पवित्र आत्मा मां आती गेला, ते आपणे भांसु तुरही जिसड़ी बङी अवाज ईं केहते सुणले, 11“जको कोच्छ तु ङेखी पला ओनु किताबे मां लिखती कर साता कलीसिया चे नांवे भेज़ती ङे यानि इफिसुस ते स्मुरना ते पिरगमुन ते थुआतीरा ते सरदीस ते फिलदिलफिया ते लौदीकिया नु।”

12बल्ति मैं ओनु जको माये लारे ब़ोले पलता ङेखणे वास्ते आपणे मुँह फेरले ते भांसु घूमती कर मैं सोने चे सात ङीवा चे जाले ङेखले, 13ते वां जाला चे आधे मां इन्साना चे पूता सिरखरे हेक मर्दा नु ङेखले, जको पग़्ग़ा तक ओढ़णी घाले हुले, ते छात्ती उपर सोने चा पट्टा ब़ांहला आला हुता। 14ओचे ठोङा चे माल चिट्टी ऊन बल्कि बर्फे आलीकर सुथरे हुते ते ओचीया आँख जाखते ची लाट आलीकर हुतीया। 15ओचे पग़्ग़ खरे पित्तला आलीकर हुते जिंवे मनती गिहा भट्टी मां तपाले गेले हो ते ओची अवाज घणे पाणीया चे खड़कारा आलीकर हुती। 16ओ आपणे सज़्ज़े हाथा मां सात तारे चले आला हुता ते ओचे मुँहा महु तेज ङुंहु धारी तलवार निकले पलती। ओचे मुँह इसड़े चमके पलते जिंवे सूरज तेज चिटके आलीकर चमकेवे।

17 # प्र.वा 2:8; 22:13 जिसे बेले मैं ओनु ङेखले तां ओचे पग़्ग़ा उपर मुड़दे आलीकर ढेती पला। ओणे माये उपर आपणा सज़्ज़ा हाथ मेहलती कर केहले, “ना ङर। मैं पेहला ते आखरी छै।

18“मैं ओही छै जाये कनु जीवन छै। पेहले मैं मरती गेलता ते हमा ङेख मैं युग-युग जीता छै, ते मौत ते अधोलोक चीया कुंजीया माये ही गोढु छी। 19ऐवास्ते जको बाता तु ङेखलीया ते जको बाता हुवी पलीया ते जको बाता ऐचे बाद हुवणे आलीया छी वां सब नु लिखती गे। 20यानि वां सात तारा चा भेद जानु तु माये सज़्ज़े हाथा मां ङेखले हुते, ते वे सात सोने चे ङीवा चा भेद वे सात तारे सात कलीसिया चे दूत छी, ते वे सात ङीवे सात कलीसिया छी।

Currently Selected:

प्रकाशितवाक्य 1: ODR

Highlight

Copy

Compare