याकूब 3

वाणी चा संयम

1हे माये भऊ, तम्चे महु घणे सारे गुरु ना बणो, कांकि तम्ही आप जाणा, कि अम्ही जको गुरु छिऊं अम्हा कनु होर वी सख्ताई लारे लेखा गेहला जई।

2ऐवास्ते कि अम्ही सारे घणा वारी चुकती जऊं : जको कुई बन्दे ब़ोलणे मां ना चुकी, ऊंही तां पक्‍के बन्दे छै, ते पुरे शरीरा नु वी वशा मां कर सग़े। 3अम्ही घोड़ा चे मुँहा मां ऐवास्ते लगाम लाऊं कि ओ अम्चे वशा मां रिहो, ते घोड़ा चे पुरे शरीर आपणे वशा मां कर सग़ु। 4जा बल्ति जहाजा चा वी उदाहरण ङेखला जा सग़े, चाहे ओ केङा ही बङा के वास्ते ना हो ते हवाई लारे भले ही बाहला जाओ, बल्ति वी ओ जहाज चलाणे आले ची इच्छा चे अनुसार हेक छोटी जा पतवारी लारे चलाला जाये। 5यूंही जुबान वी शरीरा चा हेक छोटा जा अंग छै, ते बङीया-बङीया बाता करने चीया डींगा मारे। ते ङेखा, हेक छोटी जा चिंगारी पुरे बरब्यान नु भाह लाती ङिये। 6हा जुबान वी हेक जाखते छै। हा बुराई चा पूरा हेक संसार छै। हा जुबान अम्चे शरीरा चे अंगा महु इसड़ा अंग छै, जको पुरे शरीरा नु खत्तम करती नाखे ते अम्चे पुरे जीवन मां भाह लाती नाखे। अन्त मां जुबान वी नर्क चे जाखते लारे ब़ालती ङिली जई। 7कांकि हर-तरहा चे जंगली ढौरे, पखीं, ते भोंये उपर ढिड्डा चे भराणे चलणे आले जीव-जन्तु, ते पाणीया मां रेहणे आले जींये बन्दा चे वशा मां हो सग़ी ते करले वी गेली। 8पर जुबान नु कुई बन्दे आपणे वशा मां ना कर सग़ी। हा हेक इसड़ी ब़ला छै, जको कङी वी रुकी ना। हा हेक प्राण घातक जहर लारे भरीली पली। 9ये जुबानी लारे अम्ही प्रभु ते ब़ा ची स्तुति वी करु, ते यिचे ही लारे बन्दा नु वी जको नरीकारा चे स्वरूप मां पैदा हुली वानु श्राप वी ङिऊं। 10हेक ही मुँहा लारे आशीर्वाद ते श्राप ङोनी निकली। 11हे माये भऊ, इसड़े नी हुवणे चाही छै। 12का सौत्ते चे हेके ही मुँहा कनु मीठे ते खारे पाणी ये ङोनी निकली? हे माये भऊ, का अंजीर चे ब़ूटे कनु जैतून, जा तां बल्ति अंगूरा ची बल्ही मां अंजीर लाग़ सग़ी? यूंही खारे सौत्ते कनु मीठे पाणी ना निकल सग़ी।

सच्‍चा ज्ञान

13तम्चे महु ज्ञानी ते समझदार कूण छै? जको इसड़ा हो ऊं आपणे कामा नु आच्छे चाल-चलन चे लारे, वे नरमाई लारे उजागर करो जको ज्ञान लारे पैदा हुवे। 14अगर तम्ही आपणे आपणे मना मां कड़वी ईर्ष्या ते विरोध राखा, ते सच्‍चाई चे विरोध मां घमण्ड ना करजा, ते ना ही कूड़ मारजा। 15हा ज्ञान ओ कोनी, जको स्वर्ग़ा कनु उपरु उतरे बल्कि संसारिक, ते शरीरिक, ते शैतानी छै। 16ऐवास्ते कि जिठे ईर्ष्या ते विरोध हुवे, ओठे बखेड़ा ते हर-तरहा ची बुराई वी हुवे। 17पर जको ज्ञान उपरु आवे पेहले तां ओ पवित्र रिहे बल्ति मेल-मिलाप, मुलायम ते मन-भावना ते दया, ते आच्छे फला लारे लङला आला ते बिना पक्षपात ते बिना कप्पट लारे हुवे। 18ते मिलाप कराणे आले धार्मिकता चा फल मेल-मिलाप चे लारे राहवे।

Currently Selected:

याकूब 3: ODR

Highlight

Copy

Compare