इब्रानियां 4

विश्राम मां जाणे

1ऐवास्ते जबकि ओचे विश्राम मां जाणे ची प्रतिज्ञा हमा तक छै, तां अम्हानु ङरणे चाही छै इसड़े ना हो कि तम्चे महु कुई जणे ओचे कनु रेहती ना जाओ। 2अम्हानु वी वांचे आलीकर सुसमाचार सुणाला गेला, पर सुणने आले वचना लारे वानु कुई फायदा कोनी हुला, कांकि वाणे विश्‍वास लारे कोनी मनला हुता। 3पर अम्ही जेह्णे विश्‍वास करला, ओ विश्राम मां जाणे हुले। जिंवे ओणे केहले,

“तब मैं क्रोध मां आती कर कसम खाली कि,

‘वांचे माये विश्राम मां आणे नी हुवी।’ ”

नरीकारा ने ईं केहले, जग़त ची उत्पत्ति चे समय ओचे काम पुरे हुती चुकले हुते। 4कांकि सातवें ङिओ चे बारे मां पवित्रशास्त्र मां कुई जग़हा मां यूं करती केहले हुते, “नरीकारा ने सातवें ङिओ आपणे सारे काम निपटाती कर विश्राम करला।” 5ते ये जग़हा बल्ति ईं किहे, “वांचे माये विश्राम मां जाणे नी हुवी।”

6ऐवास्ते कि कईयां वास्ते हा प्रवेश, हमा वी खुला ब़ुलावा छै। पर जानु ऐचे पेहले सुसमाचार सुणाला तां गेला वे आपणी अनाज्ञाकारिता ची वजह कनु प्रवेश ना कर सग़ले। 7ऐवास्ते ओ कुई खास ङिओ नु ठहराती कर इतने ङिहां चे बाद दाऊद ची किताबे मां ओनु “आज़ चा ङिओ” किहे। पेहले जिंवे केहले गेले,

“अगर आज़ तम्ही ओची अवाज सुणा,

तां आपणे मना नु कठोर ना करा।”

8अगर यहोशू वानु विश्राम मां प्रवेश कराती गिहा, तां नरीकार ऐचे बाद हेक नेरे ङिहां ची चर्चा ना करी हा। 9ऐवास्ते जाणती गिहा कि नरीकारा चे लौका वास्ते हेक विश्राम चा ङिओ तय छै, जिंवे सातवां ङिओ विश्राम चा ङिओ हुता। 10कांकि जेह्णे ओचे विश्राम मां प्रवेश करला, ओणे वी नरीकारा आलीकर आपणे कामा नु पुरे करती कर विश्राम करला। 11ऐवास्ते अम्ही ओ विश्राम मां जाणे वास्ते पूरा जत्तन करु, कि कुई जन वांचे आलीकर आज्ञा ना मनणे उपर वंचित रेहती जाओ।

12कांकि नरीकारा चा वचन जीता, प्रबल, ते ङुंहु धारी तलवारी कनु वी तेज छै, जको अम्चे भीतर जती कर अम्ची आत्मा, प्राण नु जोड़ा नु ते गूदे-गूदे नु अलग़ करती कर, आर-पार छैदती ङिये ते मना चे भावना ते विचारा नु जांचे। 13ते सृष्टि ची कुई चीज नरीकारा कनु लुकली आली कोनी, जानु अम्ही लेखा ङेणा। सारीया चीजा ओचे सामणे साफ ते खुड़लीया आलीया छी।

अम्चा महान महायाजक

14ऐवास्ते जब नरीकारा चा पूत ईशु हेक इसड़ा महान महायाजक, जको स्वर्ग़ा मां गेला, जको अम्ही मनती गेले, ओचे मां विश्‍वास मां मजबूत बणले रिहुं। 15कांकि अम्चा महायाजक इसड़ा कोनी जको अम्ची कमजोरीया मां अम्चे लारे ङुखी ना हो सग़ो। बल्कि ओ सब बाता मां अम्चे आलीकर परखला गेला, तां वी निष्पाप रेहला। 16ऐवास्ते अम्ही नरीकारा चे अनुग्रह चे सिंहासन चे सामणे हिम्मत ब़ांहती कर चालु, कि अम्चे उपर दया हो ते ओ अनुग्रह गिहुं जको जरुरी समय उपर अम्ची सहायता करो।

Currently Selected:

इब्रानियां 4: ODR

Highlight

Copy

Compare