2 कुरिन्थियां 4
4
सुसमाचार चे सोज़ले
1ऐवास्ते जब अम्चे उपर इसड़ी दया हुली कि अम्हानु हा सेवा मिड़ली, तां अम्ही हिम्मत ना छोड़ु। 2पर अम्ही लज़्ज़ा चे गुप्त कामा नु त्याग़ती ङिले, ते ना ही चतराई लारे टुरु, ते ना ही नरीकारा चे वचना मां मिलावट करु, पर सच्चाई नु उजागर करु, नरीकारा चे सामणे हर हेक इन्सान चे विवेक मां आपणी भलाई ब़िसाणु। 3पर अगर अम्चे सुसमाचार उपर पड़दा पला आला छै, ते हा नाश हुवणे आला चे वास्ते ही पला आला छै। 4ते वा अविश्वासीया चे वास्ते, जाई ब़ुध्दि नु ऐ संसारा चे ईश्वर ने यानिकि शैताना ने अन्धी करती नाखली, ताकि मसीह जको नरीकारा चा प्रतिरुप छै, कि ओचे तेजोमय सुसमाचार चे सोज़ले वांचे उपर ना चमको। 5कांकि अम्ही आपणे आप चा ना, पर मसीह ईशु चा प्रचार करु कि ओ प्रभु छै, ते ओचे बारे मां ईं किहुं कि, अम्ही ईशु चे वजह तम्चे सेवक छिऊं। 6कांकि नरीकार ने आज्ञा ङिली हुती कि, “अन्धकारा महु ज्योति चमको।” ते नरीकारा ने ही अम्चे दिला मां आपणी ज्योति चमकाली कि ईशु मसीह मां नरीकारा ची महिमा चे सोज़ले मेल सग़ो।
7पर ईं बेशकीमती खजाने अम्चे मां जको माटी ची ठांवा आलीकर छिऊं मेहले गेले, जाये कनु ईं साफ हुती जाओ हा असीम ताकत अम्ची कोनी पर नरीकारा ची छै। 8अम्ही चऊ पासु क्लेश तां भोग़ु, पर कुचड़ले ना जऊं, घब़राती तां जऊं पर निराश ना हुं। 9सताले तां जऊं, पर छोड़ले ना जऊं, ढाले तां जऊं, पर नाश ना हुं। 10अम्ही हर समय ईशु ची मौत नु आपणे शरीरा मां गेहली फिरु, कि ईशु चा जीवन वी अम्चे शरीरा मां प्रकट हो। 11कांकि अम्ही जीते-जी सदा ईशु चे वजह मौत चे हाथा मां सोंपले जऊं कि ईशु चा जीवन वी अम्चे मरणे आले शरीरा मां प्रकट हो। 12ऐ वजह कनु मौत तां अम्चे उपर असर नाखे, पर जीवन तम्चे उपर।
13ऐवास्ते कि अम्चे मां वाहो विश्वास ची आत्मा छै, जाये बारे मां लिखले पले कि, “मैं विश्वास करला, ऐवास्ते मैं केहले,” तां अम्ही वी विश्वास करु, ऐवास्ते ब़ोलु। 14कांकि अम्ही जाणु, जेह्णे प्रभु ईशु नु जिवाले, ओही अम्हानु वी ईशु मां भईवाल जाणती कर जिवावी, ते तम्चे लारे आपणे सामणे खड़े करी। 15सब कोच्छ तम्ची भलाई वास्ते हुवे पले कि अनुग्रह ब़ोहत लौका कनु पुज़ो, ते यांचे जरिये नरीकारा ची महिमा वास्ते धन्यवाद ची प्राथना बधती जाये।
विश्वास लारे जीवन
16ऐवास्ते अम्ही हिम्मत ना छोड़ु, अगर अम्चा ब़ाहरला इन्सानी रुप नाश हुता जाये, तां वी अम्चा भितरला इन्सानी रुप ङिओ उपर ङिओ नवां हुता जाये पला। 17कांकि अम्चा पल भर चा हल्का जा क्लेश अम्हानु हमेशा वास्ते अपार महिमा ङिवावे, जाई बराबरी काये लारे ना करली जा सग़े, 18ते अम्ही तां ङेखलीया आलीया चीजा नु कोनी पर अणङेखलीया चीजा नु ङेखते रिहुं कांकि ङेखलीया आलीया चीजा थोड़े ङिहां चा छी, पर अणङेखलीया आलीया चीजा सदा बणलीया रिही।
Currently Selected:
2 कुरिन्थियां 4: ODR
Highlight
Copy
Compare
Share
Want to have your highlights saved across all your devices? Sign up or sign in
CC BY-NC-ND 4.0
