1 थिस्सलुनीकियां 4
4
जीवन जको नरीकारा नु खौश करो
1तां, हे माये भऊ ते ब़ेहणीया, अम्ही तम्हा कनु बिनती करु पले, ते तम्हानु प्रभु ईशु मां समझाऊं पले, कि जिंवे तम्ही अम्हा कनु काबिल चाल चलणी, ते नरीकारा नु खौश करने सिखले, ते जिंवे तम्ही चला वी हुवा, यूंही होर वी बधते जावा। 2कांकि तम्ही जाणा, कि अम्ही प्रभु ईशु चे तरफु तम्हानु किसीया - किसीया आज्ञा पुचालीया।
3कांकि नरीकारा ची इच्छा हा छै, कि तम्ही पवित्र बणा : यानिकि व्यभिचार कनु बचले रिहा। 4ते तम्चे महु हर हेक पवित्रता ते कद्दर चे लारे आपणी घराआली नु ग्रहण करने जाणो 5ते ईं काम बुरी नीति लारे ना, ते जिंवे वां नेरीया जातिया आलीकर, जको नरीकारा नु ना जाणी। 6कि ये बाते मां कुई आपणे भावां नु ना ठग़्ग़ो, ते ना ओचे उपर कुई दाह चलाओ, कांकि प्रभु यां सारीया बाता चा बदला गेहणे आला छै, जिसड़े कि अम्ही पेहले ही तम्हानु केहले ते चिताले वी हुते। 7कांकि नरीकारा ने अम्हानु अशुद्ध हुवणे वास्ते कोनी, पर पवित्र हुवणे वास्ते हकारले। 8ऐस वजह जको तोच्छ जाणे, ओ इन्साना नु कोनी, पर नरीकारा नु तोच्छ जाणे, जको आपणा पवित्र आत्मा तम्हानु ङिये।
9पर भाईचारे चे भरोसे चे बारे मां ईं जरुरी कोनी, कि मैं तम्चे सनु कहीं लिखे, कांकि आपस मां प्रेम राखणे तम्ही आप ही नरीकारा कनु सिखले। 10ते सारे मकिदुनिया चे सब भावां लारे इसड़े करा वी हुवा, पर हे माये भऊ ते ब़ेहणीया! अम्ही तम्हानु समझाऊं, कि नेरे वी प्रेम मां बधते जावा। 11ते जिसड़ी अम्ही तम्हानु आज्ञा ङिली, यूंही चोप-चाप रेहणे ते आपणे आपणे काम काज करने मां ही ध्यान ङियो ते आपणे आपणे हाथा लारे कमाणे ची कोशिस करा। 12ऐचे कनु कलीसिया चे ब़ाहर चे लौक तम्चे जीणे चे ढगां चा कद्दर करे। ऐचे कनु तम्हानु कुई ङुजा उपर वी निर्भर नी हुवणे पड़ी।
ईशु चे दुबारा आवणे
13हे माये भऊ ते ब़ेहणीया अम्ही ना चाहु, कि तम्ही वांचे बारे मां जको विश्वास करने आला नूहती रिहे, ना समझ रिहा, इसड़े ना हो कि, तम्ही नेरा आलीकर शोक मनावा, जानु उम्मीद कोनी। 14कांकि अम्ही विश्वास करु, कि ईशु मरला, ते जीता वी हुती गेला, ते अम्ही यूंही विश्वास करु कि नरीकार वानु वी जको ईशु मां नूहती रेहले, नरीकार ईशु चे लारे वानु भेज़ी।
15 #
1 कुरि 15:51,52 कांकि अम्ही प्रभु चे वचना चे अनुसार तम्हानु ईं किहु, कि अम्ही जको जीते छिऊं, ते प्रभु चे आणे चे ङिओ तक बचले रिहुं, नूहला आला महु कङी आग़ु नी बधु। 16कांकि प्रभु आप ही स्वर्ग़ा कनु उतरी ते ओ बेले ललकार, ते प्रधान दूता चा साङ सुणीजी, ते नरीकारा ची तुरही फूकली जई, ते जको मसीह मां विश्वास करने आले मरले, वे पेहले जीते हुती जाये। 17तब अम्ही जको ओ समय तक जीते ते बचले रिहुं, वांचे लारे बदला उपर-उपर चवीती जहु, कि हवाई मां प्रभु लारे मिलु, ते ऐह रीति लारे अम्ही सदा प्रभु लारे रिहुं। 18ते यूं करती यां बाता लारे हेके ङुजे नु शान्ति ङिले करा।
Currently Selected:
1 थिस्सलुनीकियां 4: ODR
Highlight
Copy
Compare
Share
Want to have your highlights saved across all your devices? Sign up or sign in
CC BY-NC-ND 4.0
