1 थिस्सलुनीकियां 1

नमस्कार

1 # प्रेरि 17:1 पौलुस ते सिलवानुस ते तीमुथियुस ची ओर कनु थिस्सलुनीकियां ची कलीसिया चे नांवे, जको अम्चे ब़ा नरीकार ते प्रभु ईशु मसीह मां छी।

अनुग्रह ते शान्ति तम्हानु मिलती रिहो।

थिस्सलुनीकियां ची कलीसिया चा जीवन ते विश्‍वास

2अम्ही आपणी प्राथना मां तम्हानु याद करु ते सदा तम्चे सारा चे बारे मां नरीकारा चा धन्यवाद करु। 3ते आपणे नरीकार ते ब़ा चे सामणे तम्चे विश्‍वास चे काम, ते प्रेम ची मेहनत, ते अम्चे प्रभु ईशु मसीह मां आशा ची धीरता नु लगातार प्राथना मां याद करु। 4ते हे माये भऊ ब़ेहणीया, नरीकारा चे प्यारे लौक अम्ही जाणु, कि तम्ही चुणले आले छिवा। 5कांकि अम्चा सुसमाचार तम्चे गोढु हेको वचना मां ही कोनी, बल्कि ताकत ते पवित्र आत्मा, ते इरादे लारे पुज़ला, जिंवे तम्ही जाणा कि अम्ही तम्चे फायदे चे वास्ते किसड़ा जीवन जीते तम्चे मां किवें बणती गेलते। 6#प्रेरि 17:5–9ते तम्ही बङे क्लेशा मां पवित्र आत्मा ची खुशी लारे वचना नु मनती कर अम्ची ते प्रभु जिसड़ी चाल चलु लाग़ले। 7इठे तक कि मकिदुनिया ते अखया देश चे सारे विश्‍वास करने आला लौका वास्ते तम्ही नमुना बणले। 8कांकि तम्चे इठु ना बल्कि मकिदुनिया ते अखया मां प्रभु चा वचन सुणाला गेला, पर तम्चे विश्‍वास ची जको नरीकारा उपर छै, ऐवास्ते हर जग़हा इसड़ी चर्चा फैलती गेली। कि अम्हानु केहणे ची जरुरत कोनी। 9कांकि वे आप ही अम्चे बारे मां बावड़ी कि तम्चे गोढु अम्चे आवणे किसड़े हुले, ते तम्ही कांकि मूर्ता कनु नरीकारा ची तरफ फिरले ताकि जीते ते सच्‍चे नरीकारा ची सेवा करा 10ते ओचे पूता चे स्वर्ग़ा कनु आवणे ची बाट ङेखते रिहा, जानु ओणे मरला आला महु जिवाले, यानि ईशु ची, जको अम्हानु नरीकारा चे आणे आले गुस्से कनु बचावे।

Currently Selected:

1 थिस्सलुनीकियां 1: ODR

Highlight

Copy

Compare