Tite 3
3
Môdigédi amôma aChrist
1Bangôéda muetso mbe: Sugéani anyene gôégobeda ane atômani na ane ameetsô manyanga. Gobedani ahngô gôéénda mayanza metso mamisôba. 2Ewe Tite, tôma oma mbe: Nômbiatsuava môma. Bakani oma agétabé na oma ekena. Bakani kuka yetso na sekaseka n’oma muetso. 3Osabômu mbe buéyé wa n’anyô va mbeego tômabaka gandéké akasô deo noo. Tômabaka n’odungé, gégobede, na tômabaka oma amadimbanéô nzéa. Tômadigaa g’ôvéga ômatômu we na tsôvé dibévani dimatsôkéa yôtô yasô n’anyô. Tômadigaa gô ébévee na gô ngusu. We tômavinga akasô, n’ahngô dôta amavinga we. 4Ivô Mooboyi asô n’anyô Nzambé amatsutsuéda ngeba yedi n’etondo éedi gôndé oma. 5Amooboo wa n’anyô. Asatôoboo gô ngudi yamayanza n’esima éasô n’anyô, gôébégô éangô ésinyepeke. Amatôoboo te ti gô dimeenangô wa n’anyô. Amatôoboo gô gégôgédéô samitéma miasô n’anyô gématôôvôu na Gédidi SaNzambé. Gégôgédéôge géné te géné gétôbôtu ôbôtu amôbaé, ône aGédidi SaNzambé. Na te géne gétôétsa wene mônongo amonyo, ône amôbô na môbô. 6Menya mbe gô ngudi yaMooboyi asô n’anyô Jésus‐Christ, Nzambé amanyôgéda Gédidi sedi gôndé wa n’anyô ga mbuua ésaba éogômbô. 7Ameenda nane te mbe gô ngeba yedi tôngeenanô na Nzambé ti eembe tôsaba n’oési, na tôngadiia monyoe ôsakôdéakani, ône ôténdéda wa n’anyô. 8Evovie éne kaka éetsuma paga, ésangakoga.
Me Paul nanyôngéô mbe ôsimbuéa ébégôe éne buta mbe ane eetsa Nzambé mitémamie gémôtsumé paga angadigaa na môvinéné gô mayanza mamisôba génzeegede ésimee ényôngéô Nzambé. Nôeni éne te éne ényepa gôndé oma. 9Tongonéa na masaganédame goégônga mangô. Masaba na tsoongo. Mangô te bikudu mitongoni miambeego, na misoso, na paga ditsuma môma gô mitôma na mige miaNzambé. Vadigaa môma gôévovo mangô, atsogo te bobo, gébé na tsoongo. 10Ivédaka gône ane anyongéô étatôa oma aNzambé, meevédéô mabaé, vane kinani évamba n’ahngo. 11Osabômu mbe môma amônongoe ône, matasa medi mamani ényungéga gôétsika nzéa étsimama. Mônongoe waô ôbévani te ône ôasiséda ahngô anguene.
Ndongi yamôyusumédu
12Vangakudégéa me éwe Artémas na Tychique, gényôga gôétsika mbôkane éoo, ôviga gôédenga me gô Nicopolis, môsenge ôngadigaa me gô ndéône éasodi gévôni. 13Wedéa Zénas, gévovige, na môkedi Apollos, kabaga abuta sôma gô môtôôe ôngakeahngô. 14Buedi mbe omee asô n’anyô, éékédu gatôwedéana wa n’anyône na wa n’anyôene gô mane mavôni matôgômbéôni. Enyepa mbe omee asô n’anyô agono na géétété gébôtani gô mayanza maô n’esimee éaô éamisôba, kaka ga géétété sagékômba.
15Muetso ane andé n’ami égô, agôkômbôa. Ewe dôta kômbôa ane andé n’ami n’evambevo gô nzéa éaJésus étôkeani édué.
Te mbe mate maNzambé mabaké gôndé anye muetso.
Currently Selected:
Tite 3: TSV
Highlight
Copy
Compare
Share
Want to have your highlights saved across all your devices? Sign up or sign in
Alliance Biblique du Gabon (Bible Society in Gabon) 1983
