Gétsutsuéô 22
22
1Môsi g’ôba môyanzi aNzambé amatubéda me, Jean mbéne éameba meetsa monyo. Mbéne éndé n’obébayi ga géenô. Tsôngôye yambéne éne ékusa gô gédigaa sokumaka gédigaa Nzambé na Môpaga. 2Mbéne éôta va gatse éanzéane éamôsenge. Va kôbangô ambéne na gésa na gésa te géétété géétsa monyo gébôta miônda miedi gô géma gévo nzima akuka na kuka dibaé. Gébôta gô ngonde na ngonde kukepo. Na yabi yedi te mbôga édôngéda asi tsengeye yetso. 3Gô môsengee ône gôsangadenganô ta na sôma gévo géndé gô tsina amôkokou aNzambé.
Gédigaa sokumaka gédigaa Nzambé na Môpaga géngaba gô môsengee ône. Na ayanzi aNzambé ahngamôneegeda. 4Ahngeena ôsô aNzambé na inedi éngatendu gô panza yaô. 5Gôsangabadô pitsi. Oma asangabutadô gévede sadambi na sakômbéne, gôébégô amuene Kumu Nzambé angatanéda gôndé ahngô gévede sedi. Na te omeaa angatômaka môbô na môbô gékôdéé.
Gévigéô saJésus
6Môsi g’ôba amoomba évovo na me Jean mbe: Mabégô mema te mapie na moongôa môma eetsa môtémedi gôématéndéda. Menya mbe Kumu Nzambé, ône ameetsa Gédidi sedi na gôndé apandôédi amatasa medi, te ône amakudéga asi g’oba ayanziedi gôétubéda ayanzi edi agô tsina mane masangaamba ébuéani.
7Jésus angô mbe: Oôkôni édué. Me nangôône. Naka gôpégôpé gôéviga. Ivô tsabadô gô nzéa, naka ti v’ombaa. Ti gô gényônga géndé n’anye nôgobeda miganda miemi na Ogie ôtônigôa gô miangô mane mangabuéani.
8Me Jean nameena na miso mami, na namookô na matô mami mabégô mema metso. Vamamana me éôkô na vamamana me éena, namagudama gô makôdô mamôsi g’ôba amatubéda me mangô gôémôneegeda. 9Ivô angô amasemba me mbe: Ombiayeega éneegeda me. Me te môyanzi gandé éwe na gandé ana aTétee n’oo, apandôédi amatasa maNzambé na gandé muetso ane ahgobeda ôgie amiganda miemi. Nôneegeda te Nzambé. 10Na môsi g’ôba amoomba étôma me mbe: Ombiasuéga v’esooe mabégô mameena éwe, mane mangabuéani mamatendu gô miganda miemi. Gôébégô ndéône émasevouni éne éngabuéa mabégône, éka gôpégôpé. 11Te mbe môbévine abaké gô mane medi mabévani, na môsi évindô adigéké gô évindôe éedi, na mônyepine abaké gô mane medi manyepani na ône andé na étsimama éaNzambé abaké gô étsimama éaNzambé.
12Jésus angô mbe: Oôkoni édué. Me nangôô navigani ône. Naka gô nzéa gôéviga. Ivô tsabadô gô nzéa, naka ti v’ombaa. Me naviga natsua môsendee te ôséngu gôndé môma na môma ngu na éne émeendangô. 13Me navovoni, nandé te Alpha na Oméga, événdégéô mbe v’ebandô ametso te me na v’ekôdéô ametso te me. Me te kuane, na me makukéme. Me mapangame, na me te môyusumédue.
14Ti gô gényônga géndé n’anye nôndé gôéôvôa mikanda mianyô, te anye nôndé ngu gôéaa miônda miagéétété géétsa monyo na te anye nôngeengéa gô diômbaa yamôsenge. 15Ane asangeengéa gô môsenge na ahngaba gô mbadi, te oma asagô#22:15 Amagoneda omee ane n’inzua. na eendi amaganga, n’asi matasame meengéa gô gésasô na makusa te gô gésasô na ayôhani n’aneegedi ambumba yegôni na asi diboe gô mavovia na gô mayanza.
16Me Jésus navovoni, namavigéda môsi g’ôba, môyanzi ami na gôndé anye asi mbumu éaNzambé gôénôbeenda metso. Me navovoni te muana amabôtu na David. Me te mônanga ôtanani ava maageô.
17Gédidi SaNzambé na muéba ômabaaôni, ahbambéa mbe: Vigaka.
Na ône ôôkôni eenda mbe: Vigaka.
Na ône ôôkô sôé avigéké, avinyua meba meetsa monyo mangeetsô angô géenza.
Gédugédéô samabégô metso
18Me Jean nakeneda anye gô ébégô évôni édué, anye nôôkiô mabégôme mane mangabuéani mamatendu gô miganda miemi. Okô môma akôndéga mene mabégô, Nzambé dôta angamôkôndéga panda yevunga didenganô gô miganda miemi. 19Na ôkô môma anôtôa mavo mabégôme mane mangabuéani mamatendu gô miganda miemi, Nzambé dôta anganôtôa ôkabô edi amiônda mibôta géétété géétsa monyo, na ôkabôe wedi amôsengee aNzambé ômatendu gô miganda miemi.
20Jésus, ône amatôtsikéa gésuka gétubéda mbe asapata, avovo mbe: Ii, bonoko me navigi.
We dôta tôaabéa mbe: Ii, ébaké nane. Vigaaka Kumu Jésus.
21Te mbe mate maKumu Jésus mabaké gôndé muetso.
Currently Selected:
Gétsutsuéô 22: TSV
Highlight
Copy
Compare
Share
Want to have your highlights saved across all your devices? Sign up or sign in
Alliance Biblique du Gabon (Bible Society in Gabon) 1983
