Gétsutsuéô 13
13
Nyama dibaé dipôni
1Vane me Jean nameena Gényamanyama gémakusa gô mubu. Gémabaka na nzima atséba na miôtsé tsambué. Gémaata gô tsébaye yetso gépôkôdô gévo gévo sokumaka. Gô miôtsé miedi gômatendu ina ébuanya Nzambé. 2Gényamanyama géne gémagono na nzego. Na makôdô medi te ga mane manyama ééndô mbe ours.#13:2 G’ôgi asuada, ours te nyama épôni éobagaa édigaa gô tsenge éndé sodi. Mônya edi te ga ône agémbugu. Gényogonyogo gémeetsa ngudi yedi, na gédigaa sedi sokumaka na ényangee éedi na gôndé Gényamanyamage géne. 3Môtsé ôvo aGényamanyama ômabaka ômabetu, eembe ékéwa, ivô pôtane émadônga. Oma muetso ava tsina amasôbasôbana Gényamanyama na gényônga. Na ahmakea na sangô nzéepo gôéaanda sangô. 4Oma muetso amaneegeda Gényogonyogoge gômeetsa sangô ényangee éedi na gôndé Gényamanyama. Ahmaneegeda dôta na Gényamanyama. Oma ameevôa mbe: ?One agono na Gényamanyamage indaa¿ One angagenya n’edi indaa?
5Gényamanyama gémeetsô ôtômu gôévovo na bôpeeo mabégô mabuanya Nzambé. Otômue ôndé n’edi te ngu na nzima dinayi na ngonde dibaé. 6Gémabandôa évovo na bôvingô gôndé Nzambé gôébuanya inedi, na tungune édigaangô na géômbé sedi setso gédiga n’edi g’ôba. 7Gényamanyamage gémeetsô ôtômu gôégenya n’asi Nzambé na gôédiia gô ébadie éne. Gémeetsô ôtômu gôndé mongo metso, n’oma muetso na yôgiye yetso na tsengeye yetso. 8Oma muetso ava tsina anganeegeda te Genyamanyamage géne. Ekegea mbe, muetso te ane ahsaba na mina maô mamatendu v’ebandô atsina n’oba gô miganda miamonyo. Migandamie te mine miaMôpaga ômayôhuni.
9Oôkôni na vede édué. Okô mbe nôndé na matô gôéôkô ka te nôôkôkô, ma. 10One ameendô mbe angatsôpu na gô tsôgôô, angatsôpu te na gô tsôgôô. One ameendô mbe angayôhu n’ebaga, angayôhu te n’ebaga. Nôeni ébandôe émeendô asi mbumu éaNzambé mbe: Bakani nômasipa n’obibô génôtôgé gôndé Jésus ône ameetsanye mitémamie gébé na buétsé.
11Vane me Jean nameena nyene nyama émakusa gô tsina. Emabaka na tséba dibaé ga dine yaMôpaga. Emavovo gavovo Gényogonyogo. 12Emayanza na ngudiye yetso yaGényamanyama, te géndé vangô. Ematindéga tsinane na muetso andé gô yangô gôéneegeda Gényamanyama gémabaka mbe éwa na pôtane émadôngani. 13Nyamane éamôbaé éne émayanza étsutsuku évôni. Emaagéda soto g’ôba na gô tsina va miso moma muetso. 14Emabôméda asi tsinane n’etsutsuku émayanzangô g’ôtômu aGényamanyama géndé vangô. Ematôma asi tsinane gôépaka gégoni gôékuméda Gényamanyama. Na sangô, buéyé gamabétuku sangô na ébaga gésiwé. 15Nyamane éamôbaé émeetsô ôtômu gôévumbéa modi amonyo gôndé gégonige saGényamanyama gômbé sangô géngavovo. Na émeetsô dôta ôtômu gôéyôha muetso ane asagéneegedani. 16Gényamanyama gématindéga oma muetso na ageage na avôni, n’ekitie na misuga, n’avéga, n’ane asaba avéga gôéémbo ndémbô g’ôgogoe ômôgôô na gô panza. 17Gôsibé môma amoongôa ésômba na ésômbéda angô gébé na ndémbô. Ekegea mbe, ndéômbône te ina aGényamanyama, na te ôtangô ôndé kuanakue na inee yedi.
18One andé na éodo atsutsué ébégô éndé n’otangô ômeetsô nyamane. Otangôe wedi ôwanya na ina amôma. Otangôe wedi te mikama môtôba na nzima môtôba na môtôba.#13:18 Otangôe ône ôtendu mbe, 666.
Currently Selected:
Gétsutsuéô 13: TSV
Highlight
Copy
Compare
Share
Want to have your highlights saved across all your devices? Sign up or sign in
Alliance Biblique du Gabon (Bible Society in Gabon) 1983
