Colosses 4
4
1Anye kookoye, tômani avéga ayanzéa anye na ngeba gépenganédé ébégô. Nômbiabômu mbe n’anye muetso nôndé na môtômi môvôni andé g’ôba.
Ndongi
2Vovoni na Nzambé na môvinéné. Bakani misiké gôéena éne énganôaabéa angô. Kumédani angô gô mane meenanye. 3Vandé anye gôévovo na Nzambé, tetani mina masô gômbe Nzambé angatôkônzéa ndéô yakuanakue gôéékéda Mane Mama vovo angô kuku yetso. Tônyôngéô énigôa mane maChrist masinigôgéôkô oma. Nandé gô tsôgôô te gô mabégôme masinigôganéôni mane. 4Dukani Nzambé gômbe nangapandôéda mabégôme mbe mangookanô na vede ganyôngéô amuene Nzambé mbe neenda.
5Digaakani na deede n’ekena va gatse ane madeo asineegeda Jésus‐Christ. Kuka yetso didenganô anye vavo n’ahngô, nômbiasinga ndéône éôta anye gévové éne éndé na tsoongo. 6Buedi mbe gô ndéô yetso mavoviame manyô vandé oma mabaké mamaninganinga na mbe manyepedu na sekaseka ganyepeda môma mabunza na vianga. Menyani éaabéa kuanakue nyivôye yetso dibambéa oma.
Kômbôye yamôyusumédu
7Muanee aTétee n’asô n’anyô Tychique, weene éasô n’anyô andéké n’ami éva gôéyanzéa Kumu Jésus. Andé payi amavôma gô mbumu éaNzambé. Te angô anganôbeenda metso meenda me. 8Namôkudéga na gôndé anye te gôénigôa anye gandéké we égô, na gôénôkasôgéda mitémamie. 9Angaviga, angô na muana aTétee n’edi Onésime. Angô dôta te môsi mbumu éaNzambé andé n’asô na vitoo. Angô abaé anganônigôa metso meenanô égô.
10Aristarque, ône andé n’ami gô eba atsôgôô, anôkômbôa. Na Marc muanaya aBarnabas anôkômbôa. Namani énôtenda ébégô éaMarc. Okô avigi na gôndé anye, vambani n’edi. 11Jésus, atetu mbe Justus, anôkombôa. Va gatse Ajuif amasinga Jésus‐Christ, te atatô adua atévo, Aristarque na Marc na Justus, ayanza na me gôétsanzabanéda mabégô mokumu aNzambé. Te ahngô akasôgéda me gôédiia ngudi.
12Epaphras, ône amabaka gôndé anye môsi mbumu éaNzambé, anôkômbôa. Angô te môyanzi aJésus‐Christ asanzeegeda évovo na Nzambé na môvinéné wetso gôndé anye. Aduka Nzambé gôénôodeda mbe nôngaba oma amoongôga na amadômbéa gô mabégô maNzambé. Na mbe nôsangagogo éyanza mane manyôngéô Nzambé. 13Nandé n’oséngu gôndé Epaphras. Ayanza pepe gôndé anye na gôndé asi Laodicée na gôndé asi Hiérapolis. 14Avo abaé anôkômbôani te Demas na Luc, môbôganine asô n’anyô môvôni andé na wa n’anyô na vitoo.
15Anye dôta kômbôani gôndé me ana aTétee n’ami andé gô Laodicée. Na muana aTéta Nympha, n’asi mbumu éaNzambé awanya kuka yetso gô ebedi. 16Vangamananye étanga gésangô gegé, nôgékudéga dôta na gôndé asi mbumu éaNzambé gô Laodicée mbe atanga sangô. N’anye nôtanga dôta géne gémakudéga me na gô Laodicée. 17Beendani Archippe mbe: Baka n’ekena gôémangôa éyanzee émeetsô éwe gô gésoo saKumu Jésus.
18Mabégô mema mamôyusumédu namatenda na misavi miami memuene mbe: Oô te me Paul. Nômbieeba mbe nandé te gô eba atsôgôô.
Te mbe mate maNzambé mabaké gôndé anye.
Currently Selected:
Colosses 4: TSV
Highlight
Share
Copy
Want to have your highlights saved across all your devices? Sign up or sign in
Alliance Biblique du Gabon (Bible Society in Gabon) 1983
Colosses 4
4
1Anye kookoye, tômani avéga ayanzéa anye na ngeba gépenganédé ébégô. Nômbiabômu mbe n’anye muetso nôndé na môtômi môvôni andé g’ôba.
Ndongi
2Vovoni na Nzambé na môvinéné. Bakani misiké gôéena éne énganôaabéa angô. Kumédani angô gô mane meenanye. 3Vandé anye gôévovo na Nzambé, tetani mina masô gômbe Nzambé angatôkônzéa ndéô yakuanakue gôéékéda Mane Mama vovo angô kuku yetso. Tônyôngéô énigôa mane maChrist masinigôgéôkô oma. Nandé gô tsôgôô te gô mabégôme masinigôganéôni mane. 4Dukani Nzambé gômbe nangapandôéda mabégôme mbe mangookanô na vede ganyôngéô amuene Nzambé mbe neenda.
5Digaakani na deede n’ekena va gatse ane madeo asineegeda Jésus‐Christ. Kuka yetso didenganô anye vavo n’ahngô, nômbiasinga ndéône éôta anye gévové éne éndé na tsoongo. 6Buedi mbe gô ndéô yetso mavoviame manyô vandé oma mabaké mamaninganinga na mbe manyepedu na sekaseka ganyepeda môma mabunza na vianga. Menyani éaabéa kuanakue nyivôye yetso dibambéa oma.
Kômbôye yamôyusumédu
7Muanee aTétee n’asô n’anyô Tychique, weene éasô n’anyô andéké n’ami éva gôéyanzéa Kumu Jésus. Andé payi amavôma gô mbumu éaNzambé. Te angô anganôbeenda metso meenda me. 8Namôkudéga na gôndé anye te gôénigôa anye gandéké we égô, na gôénôkasôgéda mitémamie. 9Angaviga, angô na muana aTétee n’edi Onésime. Angô dôta te môsi mbumu éaNzambé andé n’asô na vitoo. Angô abaé anganônigôa metso meenanô égô.
10Aristarque, ône andé n’ami gô eba atsôgôô, anôkômbôa. Na Marc muanaya aBarnabas anôkômbôa. Namani énôtenda ébégô éaMarc. Okô avigi na gôndé anye, vambani n’edi. 11Jésus, atetu mbe Justus, anôkombôa. Va gatse Ajuif amasinga Jésus‐Christ, te atatô adua atévo, Aristarque na Marc na Justus, ayanza na me gôétsanzabanéda mabégô mokumu aNzambé. Te ahngô akasôgéda me gôédiia ngudi.
12Epaphras, ône amabaka gôndé anye môsi mbumu éaNzambé, anôkômbôa. Angô te môyanzi aJésus‐Christ asanzeegeda évovo na Nzambé na môvinéné wetso gôndé anye. Aduka Nzambé gôénôodeda mbe nôngaba oma amoongôga na amadômbéa gô mabégô maNzambé. Na mbe nôsangagogo éyanza mane manyôngéô Nzambé. 13Nandé n’oséngu gôndé Epaphras. Ayanza pepe gôndé anye na gôndé asi Laodicée na gôndé asi Hiérapolis. 14Avo abaé anôkômbôani te Demas na Luc, môbôganine asô n’anyô môvôni andé na wa n’anyô na vitoo.
15Anye dôta kômbôani gôndé me ana aTétee n’ami andé gô Laodicée. Na muana aTéta Nympha, n’asi mbumu éaNzambé awanya kuka yetso gô ebedi. 16Vangamananye étanga gésangô gegé, nôgékudéga dôta na gôndé asi mbumu éaNzambé gô Laodicée mbe atanga sangô. N’anye nôtanga dôta géne gémakudéga me na gô Laodicée. 17Beendani Archippe mbe: Baka n’ekena gôémangôa éyanzee émeetsô éwe gô gésoo saKumu Jésus.
18Mabégô mema mamôyusumédu namatenda na misavi miami memuene mbe: Oô te me Paul. Nômbieeba mbe nandé te gô eba atsôgôô.
Te mbe mate maNzambé mabaké gôndé anye.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Alliance Biblique du Gabon (Bible Society in Gabon) 1983