Colosses 3
3
1Nômawa na Christ na nômakunduu gôéba monyovo na Christ. Tambô butani mane mag’ôba gôdigaa Christ gô géeyo gémôgôô saNzambé. 2Pangani étasa gô mane mag’ôba kaka mane matsengene. 3Gô mane matsengene nôndé nômawani. Monyoe wanyô ôndé ômakuégu n’one aChrist gétungu gévo gôndé Nzambé. 4Monyoe wanyô apie te Christ. Vangatsutsugangô te n’anye muetso nôngatsutsuga nômagésangana ôndômbovo n’edi.
Monyo ambeego n’one atsatsee awene mônongo
5Singani mbe metso mandé gô mitéma mianyô matsengene mayôhu ti yôhgu. Mangô te gésasô na matasa masagôsagô, na matasa mengéa gô gésasô na makusa te gô gésasô, na tsôvéye dibévani, na ônzôô okiti. G’ônzôô môma andé gôéneegeda ôkiti edi ganeegedu mbumba. 6Gô mabégô mema mabévani ôpisa aNzambé ôngaaga gôndé ane asamôgôbedani. 7Gô monyoe wanyô ambeego nômatômuku n’ebéva na nômayanza te mabégô mema mabévani.
8Géé deo noo, kinani na viiani ngima mabégôme mane. Mangô te ôpisa na bôvingô, n’obagaa. Nômbiasinga gô miônya mianyô gôkusa mavovia madibuanya na matoki. 9Nômbiapatanéa anyene n’anyene. Gôébégô nômamana étsubugéa g’ôtôe wanyô ambeego, ône ômbaka na ésimee éne. 10Nômamana ébongo wene ôtô na wene mônongo. Nôndé oma atsatsee nôgono na môvangine wanyô, Nzambé. Vootéa anye ékoga gandé amuene nôngootéa dôta émômenya. 11Vane oma asatatôu mbe Ajuif, n’ane asaba Ajuif, vo ane amageetuni n’ane asigeetuni, vo môma agéneega na môma abobo, vo avéga na ane asaba avéga. Gôébégô Christ, ône asaba n’ebandô na asaba n’ekôdéô andé gô mitéma mianyô.
12Nzambé amanônyôngéô na amanôsevoa mbe nôngaba omedi amôtéma na nôndéké asi mbumu éedi. T’ebandô ényepa gôndé anye gôéba na mitéma miawene mônongo. Nyepedani mônongoe wanyô atsatsee na ngeba, na tsôvé oma, na gôéba gébé na nyemo. Bakani na sekaseka, na môvinéné. 13Bakani n’obibo anyene n’anyene. Okô môvo va gatse anyô abé n’ebégô na môkedi, buedi mbe asingané kokoo anguene n’anguene. Singanéani kokoo gamasingéô anye kokoo na Christ. 14Va ngongo ametso mane nyepedani mônongoe wanyô n’etondo gôébégô éangô te évamba ékata mitéma mianyô gôéba na vitoo épo. 15Singani mbe gétabé saJésus‐Christ génôsuméda mitéma. Nzambé amanôbambéa gôévamba gavamba éemé éotô ôvo mbe nôbé na gétabége sedi géne. Kumédani angô. 16Singani mbe meekédu maChrist masakônda ta n’ebégô évo, maba na gédigaa gô mitéma mianyô. Ikédanani na evédanani anyene na anyene n’ebagé n’eodo. Imbani mimbô na kônda na géembi gôéneegeda na gôékuméda Nzambé na mitéma mianyô mietso gô mane meendiô anye na Nzambé. 17Gô metso meendanye, buéyé mbe mavovia, buéyé mbe mayanza, indani mangô gô ina aKumu Jésus. Gô inedi nôkuméda Tétasô n’anyô Nzambé.
Evambee évamba môma na môkedi gô wene monyoe ôdigaangô
18Anye ageto sugédani anyene gôégobeda omé anyô. Indani nane gôégobeda Kumu Jésus.
19Anye amôgôô, nyôngéôni agayanyô n’etondo. Nômbiasemba ahngô tsembô yagékiba.
20Anye anéngé, éyanzee émeetsô anye gôégobeda Kumu Jésus te mbe: Gobedani iyee yanyô na tétee yanyô gô mabégô metso ganyôngéô amuene Nzambé.
21Anye tétee, nômbiabévéda anee wanyô na tsembô yakangégangé kabaga aba na mitéma miditani.
22Anye avéga, gobedani mane matômu anye na kooko yanyô yava tsina. Indani na mitéma mimasumani buéyé mbe asaba wangô gôénôbono, buta mbe nôgobeda Kumu Jésus n’ene éyanzanye. 23Pati yeyanza éyanzanye, indani éangô na môkasa, ti eembe nôndé gôéyanzéa Kumu Jésus, kaka môma. 24Bangôani mbe Kumu Jésus anganôsangéga na môsenda ôvôni. Nôngeetsô mikuanya mane mamakôndégangô omedi. Kookone éanyô éapie éyanzéa anye te amuene Christ. 25Ivô muetso ane ayanza mabégô mabévani angadiia te gô mane mabévani mameendakahngô na manganika te na gôndé ahngô. Nzambé asabono môma gôémôsevoa.
Currently Selected:
Colosses 3: TSV
Highlight
Share
Copy
Want to have your highlights saved across all your devices? Sign up or sign in
Alliance Biblique du Gabon (Bible Society in Gabon) 1983
Colosses 3
3
1Nômawa na Christ na nômakunduu gôéba monyovo na Christ. Tambô butani mane mag’ôba gôdigaa Christ gô géeyo gémôgôô saNzambé. 2Pangani étasa gô mane mag’ôba kaka mane matsengene. 3Gô mane matsengene nôndé nômawani. Monyoe wanyô ôndé ômakuégu n’one aChrist gétungu gévo gôndé Nzambé. 4Monyoe wanyô apie te Christ. Vangatsutsugangô te n’anye muetso nôngatsutsuga nômagésangana ôndômbovo n’edi.
Monyo ambeego n’one atsatsee awene mônongo
5Singani mbe metso mandé gô mitéma mianyô matsengene mayôhu ti yôhgu. Mangô te gésasô na matasa masagôsagô, na matasa mengéa gô gésasô na makusa te gô gésasô, na tsôvéye dibévani, na ônzôô okiti. G’ônzôô môma andé gôéneegeda ôkiti edi ganeegedu mbumba. 6Gô mabégô mema mabévani ôpisa aNzambé ôngaaga gôndé ane asamôgôbedani. 7Gô monyoe wanyô ambeego nômatômuku n’ebéva na nômayanza te mabégô mema mabévani.
8Géé deo noo, kinani na viiani ngima mabégôme mane. Mangô te ôpisa na bôvingô, n’obagaa. Nômbiasinga gô miônya mianyô gôkusa mavovia madibuanya na matoki. 9Nômbiapatanéa anyene n’anyene. Gôébégô nômamana étsubugéa g’ôtôe wanyô ambeego, ône ômbaka na ésimee éne. 10Nômamana ébongo wene ôtô na wene mônongo. Nôndé oma atsatsee nôgono na môvangine wanyô, Nzambé. Vootéa anye ékoga gandé amuene nôngootéa dôta émômenya. 11Vane oma asatatôu mbe Ajuif, n’ane asaba Ajuif, vo ane amageetuni n’ane asigeetuni, vo môma agéneega na môma abobo, vo avéga na ane asaba avéga. Gôébégô Christ, ône asaba n’ebandô na asaba n’ekôdéô andé gô mitéma mianyô.
12Nzambé amanônyôngéô na amanôsevoa mbe nôngaba omedi amôtéma na nôndéké asi mbumu éedi. T’ebandô ényepa gôndé anye gôéba na mitéma miawene mônongo. Nyepedani mônongoe wanyô atsatsee na ngeba, na tsôvé oma, na gôéba gébé na nyemo. Bakani na sekaseka, na môvinéné. 13Bakani n’obibo anyene n’anyene. Okô môvo va gatse anyô abé n’ebégô na môkedi, buedi mbe asingané kokoo anguene n’anguene. Singanéani kokoo gamasingéô anye kokoo na Christ. 14Va ngongo ametso mane nyepedani mônongoe wanyô n’etondo gôébégô éangô te évamba ékata mitéma mianyô gôéba na vitoo épo. 15Singani mbe gétabé saJésus‐Christ génôsuméda mitéma. Nzambé amanôbambéa gôévamba gavamba éemé éotô ôvo mbe nôbé na gétabége sedi géne. Kumédani angô. 16Singani mbe meekédu maChrist masakônda ta n’ebégô évo, maba na gédigaa gô mitéma mianyô. Ikédanani na evédanani anyene na anyene n’ebagé n’eodo. Imbani mimbô na kônda na géembi gôéneegeda na gôékuméda Nzambé na mitéma mianyô mietso gô mane meendiô anye na Nzambé. 17Gô metso meendanye, buéyé mbe mavovia, buéyé mbe mayanza, indani mangô gô ina aKumu Jésus. Gô inedi nôkuméda Tétasô n’anyô Nzambé.
Evambee évamba môma na môkedi gô wene monyoe ôdigaangô
18Anye ageto sugédani anyene gôégobeda omé anyô. Indani nane gôégobeda Kumu Jésus.
19Anye amôgôô, nyôngéôni agayanyô n’etondo. Nômbiasemba ahngô tsembô yagékiba.
20Anye anéngé, éyanzee émeetsô anye gôégobeda Kumu Jésus te mbe: Gobedani iyee yanyô na tétee yanyô gô mabégô metso ganyôngéô amuene Nzambé.
21Anye tétee, nômbiabévéda anee wanyô na tsembô yakangégangé kabaga aba na mitéma miditani.
22Anye avéga, gobedani mane matômu anye na kooko yanyô yava tsina. Indani na mitéma mimasumani buéyé mbe asaba wangô gôénôbono, buta mbe nôgobeda Kumu Jésus n’ene éyanzanye. 23Pati yeyanza éyanzanye, indani éangô na môkasa, ti eembe nôndé gôéyanzéa Kumu Jésus, kaka môma. 24Bangôani mbe Kumu Jésus anganôsangéga na môsenda ôvôni. Nôngeetsô mikuanya mane mamakôndégangô omedi. Kookone éanyô éapie éyanzéa anye te amuene Christ. 25Ivô muetso ane ayanza mabégô mabévani angadiia te gô mane mabévani mameendakahngô na manganika te na gôndé ahngô. Nzambé asabono môma gôémôsevoa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Alliance Biblique du Gabon (Bible Society in Gabon) 1983