1 Thessaloniciens 1
1
Mikudéga na kômbô
1Oô te me Paul na Silas na Timothée tônôkudéga gésangô gegé. Sangô te sanyô, asi mbumu éaNzambé gô môsenge aThessalonique. Nôndé oma aTéta Nzambé na aKumu Jésus‐Christ. Tônyôngéô mbe mate medi na gétabé sedi gébaké gôndé anye.
Monyoe wanyô gômeetsanye Jésus mitémamie
2We égô tôkuméda Nzambé pitsi yetso gôndé anye muetso. We tônôteta gédundé go disambô yasô. 3Endé te nane. Vandé we va mbene aTétasô n’anyô Nzambé gôésambéda, tôkôngéda gameetsanye mitémamie mietso gôégobeda mane manyôngéô Nzambé. Etondoe éndé n’anyô énôtindéga gôéyanzéa Nzambé. Nôsanzeegeda éténdéda mane maKumu asô n’anyô Jésus‐Christ. 4Ana aTétee amôtéma, we tôsabômu mbe Nzambé anyôngéô anye na amasevoa anye gôéba omedi amôtéma. 5Gôébégô tômani énôéékéda Tsangô Eamôsoba éaJésus‐Christ. Nôsiikédu mangô gô mavovia matévo mookanôni. Mameekédu te na ényangee éenanôni. Enyangee te ngudi yaGédidi SaNzambé dimasumani. Na Mabégô MaPie mameekédu gébé na buétsé gôndé anye. Anye nôsabômu gamadigaa we va gatse anye gôénônyepeda. 6Nômadeka gamadigaa we na gamadigaa amuene Kumu Jésus. Gô éne nômeena te maguga. Buéyé nane nômasinga Mane Mamavovo Nzambé n’ekasôga émeetsô anye na Gédidi sedi. 7Vane nômadiia ngudi gôétubéda akanyô gadigaa môma gô nzéa éaNzambé. Ane ameetsa Jésus mitémamie gô Macédoine na gô Grèce amadeka te gôndé anye. 8T’ebandô mabégô maKumu Jésus mamatsanzabana bandôa n’anye. Na masikôdé gô Macédoine na Grèce gôtévo. Tsangône yanyô émeetsanye Nzambé mitémamie gébé na buétsé, émookanô tsengene nyetso. Endé te nane. Oma asaba na tsôvé éévôa we gôénigôa tsangône yanyô, amani émimookô. 9Muetso anigôana gamakeneanye we vamatsiga we na gôndé anye. Anigôa gamaviianye mbumbaye ngima gôégéngôga na gôndé Nzambé mbe nômôyanzéa, angô Nzambé apie Kumu amonyo. 10Anigôa dôta gandé anye gôéenéa génikéô saMuana ANzambé Jésus‐Christ, ône andé g’ôba. Asabômu mbe Nzambé amakundua Jésus‐Christ g’ôwa. Na te angô angatôyuua g’ôpisa aNzambé ôvigani.
Currently Selected:
1 Thessaloniciens 1: TSV
Highlight
Share
Copy
Want to have your highlights saved across all your devices? Sign up or sign in
Alliance Biblique du Gabon (Bible Society in Gabon) 1983
1 Thessaloniciens 1
1
Mikudéga na kômbô
1Oô te me Paul na Silas na Timothée tônôkudéga gésangô gegé. Sangô te sanyô, asi mbumu éaNzambé gô môsenge aThessalonique. Nôndé oma aTéta Nzambé na aKumu Jésus‐Christ. Tônyôngéô mbe mate medi na gétabé sedi gébaké gôndé anye.
Monyoe wanyô gômeetsanye Jésus mitémamie
2We égô tôkuméda Nzambé pitsi yetso gôndé anye muetso. We tônôteta gédundé go disambô yasô. 3Endé te nane. Vandé we va mbene aTétasô n’anyô Nzambé gôésambéda, tôkôngéda gameetsanye mitémamie mietso gôégobeda mane manyôngéô Nzambé. Etondoe éndé n’anyô énôtindéga gôéyanzéa Nzambé. Nôsanzeegeda éténdéda mane maKumu asô n’anyô Jésus‐Christ. 4Ana aTétee amôtéma, we tôsabômu mbe Nzambé anyôngéô anye na amasevoa anye gôéba omedi amôtéma. 5Gôébégô tômani énôéékéda Tsangô Eamôsoba éaJésus‐Christ. Nôsiikédu mangô gô mavovia matévo mookanôni. Mameekédu te na ényangee éenanôni. Enyangee te ngudi yaGédidi SaNzambé dimasumani. Na Mabégô MaPie mameekédu gébé na buétsé gôndé anye. Anye nôsabômu gamadigaa we va gatse anye gôénônyepeda. 6Nômadeka gamadigaa we na gamadigaa amuene Kumu Jésus. Gô éne nômeena te maguga. Buéyé nane nômasinga Mane Mamavovo Nzambé n’ekasôga émeetsô anye na Gédidi sedi. 7Vane nômadiia ngudi gôétubéda akanyô gadigaa môma gô nzéa éaNzambé. Ane ameetsa Jésus mitémamie gô Macédoine na gô Grèce amadeka te gôndé anye. 8T’ebandô mabégô maKumu Jésus mamatsanzabana bandôa n’anye. Na masikôdé gô Macédoine na Grèce gôtévo. Tsangône yanyô émeetsanye Nzambé mitémamie gébé na buétsé, émookanô tsengene nyetso. Endé te nane. Oma asaba na tsôvé éévôa we gôénigôa tsangône yanyô, amani émimookô. 9Muetso anigôana gamakeneanye we vamatsiga we na gôndé anye. Anigôa gamaviianye mbumbaye ngima gôégéngôga na gôndé Nzambé mbe nômôyanzéa, angô Nzambé apie Kumu amonyo. 10Anigôa dôta gandé anye gôéenéa génikéô saMuana ANzambé Jésus‐Christ, ône andé g’ôba. Asabômu mbe Nzambé amakundua Jésus‐Christ g’ôwa. Na te angô angatôyuua g’ôpisa aNzambé ôvigani.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Alliance Biblique du Gabon (Bible Society in Gabon) 1983