I Jean 1
1
Ogi aNzambé ôétsa monyo
1We tônôtendéa gôébégô éone eendô mbe, Ogi aNzambé ôétsa monyo. Angô te mapanga na éôma éetso. Tômookô angô. Na tômeena angô na miso masô. Tômootôneegeda. Na tômoobanda na mogo masô. 2Vamatsutsuga monyoe ône tômeena angô. T’ebandô we tôndé mbangiye gôénôtsuéa tsangône na tônôékéda mane mamonyoe ôdôô amôbô na môbô ône amabaka vavo na Téta Nzambé. 3One ômeena we na ône ômookô we te angô ôtsuéa we anye. Te mbe nôngagésangana môvo n’asô na vitoone éndé n’asô na Téta Nzambé na Muanedi Jésus‐Christ. 4Tônôtendéa mabégô mema te mbe gényônga sasô n’anyô géngaba ga kaka sagétabé.
Nzambé te gévede
5Nôeni tsangône émookô we na Jésus‐Christ, te yangô étsuéa we anye. Te mbe Nzambé te gévede. Gôndé angô gôsaba évitsi ta na pesu. 6Okô tôénda mbe: Me nandé môvo na Nzambé, tambô tôvovo nane tôndé gô évitsi, na tôpata. Tôpata gô mavovia na gô ésima. 7Okô tôndé gô gévede, gandé amuene Nzambé andé gô gévede, vane tôndé na vitoo wéene na wéene. Na nzina yaJésus, Muana ANzambé ditôgôgédaka ébévee éetso.
8Okô tôénda mbe: Me tsaba na ébéva, tôbômu ti bômugu. Na mane mapie masaba gô mitéma miasô n’anyô. 9Okô tôtuba va mbene aNzambé mbe: Me te môma môbévani, na tôétséni angô mitémamie gôébégô tôsabômu mbe Nzambé te Kumu amavôma na gôndé wa n’anyô asapata, atôsingéa kokoo gô ébévee éasô n’anyô na atôgôgéda éangô. 10Okô tôénda mbe: Me tsaba na ébéva, tôénda Nzambé mbe môpati. Na mabégô medi masaba gôndé wa n’anyô.
Currently Selected:
I Jean 1: TSV
Highlight
Copy
Compare
Share
Want to have your highlights saved across all your devices? Sign up or sign in
Alliance Biblique du Gabon (Bible Society in Gabon) 1983
