Rukwaro Romiposalemi 24
24
Hekudyange ne yofumu ghomukangcamu
1Mupisalemi waDavita.
Yoyiheya yi ya tunga pakaye
no yoyiheya yi tunga pakaye,
yoyiheya yaFumu.
2Yoyishi yo gha pakire rundanda mudikuruviya
no gha ru nganganine mumeyu.
3Yidye ghokukona kudhina kudirundu dyaFumu,
no dye ghokukona kemana mudiyugho dyendi dyokupongoka?
4Yoyu ghokukushuka nyara dhendi no ghomutjima ghoghukenu,
noyu gha shwena mbango, no kadi wa kwedha mbango.
5Oyu ghokenge yo,
mbo ghana wana makandadhekero kwaFumu,
naNyambi ghomughamweni wendi,
mbo ghana mu hokwera ghuhunga.
6Hakakutenda mahimeno ghendi no kumukarera,
awo ne hanahoka waJakopu.
7Mu shamberere, mwamakorogho,
mu shamberere, mwayero yokutukuwa,
yoyishi Fumu ghomukangcamu ne,
ghana shana kwingena!
8Yidye ne yu Fumu ghomukangcamu?
Oyu ne Fumu shangcamu dhishokuru,
YoFumu ghomukakuwitha kehe n̂anani.
9Mu shamberere, mwamakorogho,
mu shamberere, mwayero yokutukuwa,
yoyishi Fumu ghomukangcamu ne,
ghana shana kwingena!
10Yidye ne yu Fumu ghomukangcamu?
Oyu ne Fumu ghoMukangcamu dhodhihe,
YoFumu ghongcamu.
Currently Selected:
Rukwaro Romiposalemi 24: MHW1986
Highlight
Copy
Compare
Share
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986
