Rukwaro Romiposalemi 16
16
Mbadiko thothiwa shimengwa kwaNyambi
1Mutanuro waDavita.
GhoNyambi, ngo ni tambure mumaghamweno Ghoye,
mondo na kushana kuKoye.
2Na ningire kwaHekudyange eshi:
“No ghoye me,
mbadiko thokuniroghera, shimengwa kuKoye.
3Ngepi ne di ha rogha hanyambi hombango muditunga —
ene mbadi na kughayara thinu nawo.
4Kehe yu ghana kukutekera nyambi waye,
gha wane toko‐toko dhodhikuru.
Muyambo ghomanyinga, mbadi mbo ni ghu
tjakera hanyambi hombango,
no mbadi mbo gha kavera mena ghawo pamiromo dhange.”
5Hekudyange, Yowe mukakunirera nomoyo wange.
Yoyiheya yi na kutambura, kuKoye ya tunda.
6Kare‐kare wa ni fundera thiyora thothiwa,
ghuhunga, thiyora thange ne thina ni roghera.
7Mbo na mu kughu Hekudyange,
oyu ghana ni kumitha kuyidimuka yoyihunga,
ngambi ku na rara, na kuvuruka yiyenditha yendi.
8Fumu ne, kughutho wange gha kara roruhe,
mbadi mbo ni pundadhoka,
yoyishi nange gha kara roruheya.
9Yo na kushamberera no kushogherera
no mbadi na kukudhekera.
10Hekudyange, wa ni tapa kukufa.
Wa tawa eshi mupikoye ghomakurupero
ne, gha kume mumbira.
11Yowe ghuna kunihonga edi sho ni pare.
Kukoye ne kwa yara yishamberera.
Eyi ghuna kutapa, ya rogha roruhe.
Currently Selected:
Rukwaro Romiposalemi 16: MHW1986
Highlight
Copy
Compare
Share
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986
