Hakaefesusi 5
5
1Yoyi mwa kara hana Nyambi no gha mu haka Ye, yodigho mwa kona kukutha thitamenedhi thendi. 2Mu pare muruhakitho thika di gha tu hakire karo Kristusi, no papetu gha taperire moyo wendi ghu kare muyambo. Muyambo ghu ne gho gha menyamenyena Nyambi.
3Thika di yaroghera kwawatawi eshi ha thighe rungu, yikara yoyimango yoyihe, endi ghumu ghu tunde mukatji kenu. 4Mwa tenda mandunda, kashongo-shongo, endi kughamba yighamba yokufitha honyi, mbadi ya muroghera, eyi ne kadi kemo. Matumero ghokwaNyambi ne gha mu roghera mwe. 5Eyi ne yo mwa kona kudimuka eshi: Oyu ghokutenda ruhonda noyu ghokupara yipara yoyimango endi mumu — yoyishi ghumu ne ghunyambi ghombango — yoyishi munu ghokemo, mbadi mbo gha yora thutungi waKristusi no waNyambi temba.
Mu pare yira hanu homunyenge
6Perere penu eshi gha mu hongaghure munu nombango dhodhiheya. Yoyishi payinu yokengeyo, po gheyera mamashwero ghaNyambi kwawana wa ha kara kukwendi ghuthururu. 7No hanu hokengeyo, mbadi mwa kona kutenda nawo thinu. 8Pakare amwe ne mwadikokore, pashadyarero apa mudi, mwaFumu ne muna kara mwamunyenge. Mu kare yira hanu homunyenge. 9Mu munyenge mo yatunda yoyihe yoyiwa no yoyihunga no ko wakara ghushemwa. 10Mu kwipure roruhe eshi, ngwa poyidi yinu yi ghamenyemenyena Fumu. 11No mwa rughana pofotji kwawanu yirughana yomumakokore, eyi ya dhira kureta mbuyo. Eyi ne mu yinyathe. 12Yoyishi, honyi thikuma kughamba kuyinu yawathururu, eyi hana kutenda mughudhindo. 13Ene yoyiheya yina kukara muthishwaghameho, pakuyishwaghitha kumunyenge. 14No ngeshi thinu thina hokoka, tho thakara mumunyenge. Yo dina kuninga dimbo eshi:
“Pinduke, we ghuna rara,
no wimane mukufa,
naKristusi yo mbo gha munekera moyo ghoye.”
15Mu koneke thikuma muyipara yenu: mwa kara yira hanu hohathuta. Ene mu kare nomaghano. 16Mu tende mu kehe nako yinu yoyiwa. Yoyishi, nako dhino tudi ne dhiyi. 17Mbadi mwa kona kurughanitha, yira hanu hokupira maghano. Amwe ne mu yereke kudimuka yi gha hima Fumu. Eyi ne yo mwa kona kutenda.
18Mwa tereranga: yoyishi kuterera ne ko kwareta ghuyi. Eyi ne kadi kemo, amwe ne mu yare naMupepo, 19no mwimbe pofotji mupisalemi, membo ghomakughero, no membo ghamweya ghokupongoka. Mwimbe membo nomitjima dhenu dhodhihe, kudifumanekero dyaFumu. 20Mu tumere Nyambi Wihe kehe pano kuyoyiheya muDina dyaHekudyetu Jesus Kristusi.
Murume namukamadi
21Mu kare nomakuyuvero ghofotji. Kemo dyo sho mu fumaneke Kristusi.
22Mwakamadi mu kare ghutawedhi kwawatutughuru wenu, thika di mwa kara ghutawedhi mwaFumu. 23Murume yomutwi wamukamadi, thika di gha kara Kristusi mutwi ghongirishe. Kristusi yoMukomononi ghoyirama, ayo ne dhongirishe dhendi. 24Thika di dha kara ngirishe kwishi dhaKristusi, kemo dyo ha kona kukara hakamadi kwishi dhawatututghuru wawo muyoyihe.
25Mwarume, mu hake hanu wenu thika di gha hakire Kristusi ngirishe dhendi no gha tapire moyo wendi. 26Eyi gha yitenderire, mukutapa ngirishe kwaNyambi, munyima dhokudhipongokitha nomeyu noman̂ando. 27Eshi Aye gha kone kuyaritha mukuwatambura mughufumu wendi, kupira nodikongo temba nokamyandhu‐myandhu temba, yoyiheya yi yipongoke no yipire murandu. 28Harume ha hake hanu wawo thika di ha haka yirama yawo. No kehe yu gha haka mundambo wendi, gha kuhaka naye thinda. 29Yoyishi mbadiko munu yu gha dhimba yirama yendi. Karo ye ghana kuyikorera no kuyirera, thika di ghana kutenda Kristusi kungirishe dhendi. 30Yoyishi yoyirama yendi, atwe ne twayipo yayo.
31Mu Yitjanga yemana mo ngeno: Payinu yi katughuru gha thighe hawihe nanyina no gha pare pofotji namunu wendi. Mughuwadi wawo mbo ha kare yira munu yofotji. 32Ethi ne thithithatero thothikuru. Ame, kwaKristusi nongirishe dhendi na kuyikundeka. 33Ene no kukwenu karo kemo. Kehe yu ghopapenu gha hake munu wendi, thika di gha kuhaka thinda. Namukamadi gha neghedhe ruhakitho kwamundambo wendi.
Currently Selected:
Hakaefesusi 5: MHW1986
Highlight
Copy
Compare
Share
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986
Hakaefesusi 5
5
1Yoyi mwa kara hana Nyambi no gha mu haka Ye, yodigho mwa kona kukutha thitamenedhi thendi. 2Mu pare muruhakitho thika di gha tu hakire karo Kristusi, no papetu gha taperire moyo wendi ghu kare muyambo. Muyambo ghu ne gho gha menyamenyena Nyambi.
3Thika di yaroghera kwawatawi eshi ha thighe rungu, yikara yoyimango yoyihe, endi ghumu ghu tunde mukatji kenu. 4Mwa tenda mandunda, kashongo-shongo, endi kughamba yighamba yokufitha honyi, mbadi ya muroghera, eyi ne kadi kemo. Matumero ghokwaNyambi ne gha mu roghera mwe. 5Eyi ne yo mwa kona kudimuka eshi: Oyu ghokutenda ruhonda noyu ghokupara yipara yoyimango endi mumu — yoyishi ghumu ne ghunyambi ghombango — yoyishi munu ghokemo, mbadi mbo gha yora thutungi waKristusi no waNyambi temba.
Mu pare yira hanu homunyenge
6Perere penu eshi gha mu hongaghure munu nombango dhodhiheya. Yoyishi payinu yokengeyo, po gheyera mamashwero ghaNyambi kwawana wa ha kara kukwendi ghuthururu. 7No hanu hokengeyo, mbadi mwa kona kutenda nawo thinu. 8Pakare amwe ne mwadikokore, pashadyarero apa mudi, mwaFumu ne muna kara mwamunyenge. Mu kare yira hanu homunyenge. 9Mu munyenge mo yatunda yoyihe yoyiwa no yoyihunga no ko wakara ghushemwa. 10Mu kwipure roruhe eshi, ngwa poyidi yinu yi ghamenyemenyena Fumu. 11No mwa rughana pofotji kwawanu yirughana yomumakokore, eyi ya dhira kureta mbuyo. Eyi ne mu yinyathe. 12Yoyishi, honyi thikuma kughamba kuyinu yawathururu, eyi hana kutenda mughudhindo. 13Ene yoyiheya yina kukara muthishwaghameho, pakuyishwaghitha kumunyenge. 14No ngeshi thinu thina hokoka, tho thakara mumunyenge. Yo dina kuninga dimbo eshi:
“Pinduke, we ghuna rara,
no wimane mukufa,
naKristusi yo mbo gha munekera moyo ghoye.”
15Mu koneke thikuma muyipara yenu: mwa kara yira hanu hohathuta. Ene mu kare nomaghano. 16Mu tende mu kehe nako yinu yoyiwa. Yoyishi, nako dhino tudi ne dhiyi. 17Mbadi mwa kona kurughanitha, yira hanu hokupira maghano. Amwe ne mu yereke kudimuka yi gha hima Fumu. Eyi ne yo mwa kona kutenda.
18Mwa tereranga: yoyishi kuterera ne ko kwareta ghuyi. Eyi ne kadi kemo, amwe ne mu yare naMupepo, 19no mwimbe pofotji mupisalemi, membo ghomakughero, no membo ghamweya ghokupongoka. Mwimbe membo nomitjima dhenu dhodhihe, kudifumanekero dyaFumu. 20Mu tumere Nyambi Wihe kehe pano kuyoyiheya muDina dyaHekudyetu Jesus Kristusi.
Murume namukamadi
21Mu kare nomakuyuvero ghofotji. Kemo dyo sho mu fumaneke Kristusi.
22Mwakamadi mu kare ghutawedhi kwawatutughuru wenu, thika di mwa kara ghutawedhi mwaFumu. 23Murume yomutwi wamukamadi, thika di gha kara Kristusi mutwi ghongirishe. Kristusi yoMukomononi ghoyirama, ayo ne dhongirishe dhendi. 24Thika di dha kara ngirishe kwishi dhaKristusi, kemo dyo ha kona kukara hakamadi kwishi dhawatututghuru wawo muyoyihe.
25Mwarume, mu hake hanu wenu thika di gha hakire Kristusi ngirishe dhendi no gha tapire moyo wendi. 26Eyi gha yitenderire, mukutapa ngirishe kwaNyambi, munyima dhokudhipongokitha nomeyu noman̂ando. 27Eshi Aye gha kone kuyaritha mukuwatambura mughufumu wendi, kupira nodikongo temba nokamyandhu‐myandhu temba, yoyiheya yi yipongoke no yipire murandu. 28Harume ha hake hanu wawo thika di ha haka yirama yawo. No kehe yu gha haka mundambo wendi, gha kuhaka naye thinda. 29Yoyishi mbadiko munu yu gha dhimba yirama yendi. Karo ye ghana kuyikorera no kuyirera, thika di ghana kutenda Kristusi kungirishe dhendi. 30Yoyishi yoyirama yendi, atwe ne twayipo yayo.
31Mu Yitjanga yemana mo ngeno: Payinu yi katughuru gha thighe hawihe nanyina no gha pare pofotji namunu wendi. Mughuwadi wawo mbo ha kare yira munu yofotji. 32Ethi ne thithithatero thothikuru. Ame, kwaKristusi nongirishe dhendi na kuyikundeka. 33Ene no kukwenu karo kemo. Kehe yu ghopapenu gha hake munu wendi, thika di gha kuhaka thinda. Namukamadi gha neghedhe ruhakitho kwamundambo wendi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986