Hakaefesusi 4
4
Ghufotji ghongirishe
1Ame ne kutuywera na kuyimutuywera mumitjima dhenu, no mukan̂otwa me pamurandu ghokukarera Fumu: Mu ninge yipara yenu yikupakerere pofotji nomethero gha mwa wanine KwaNyambi. 2Mukumbirupithe kehe pano, mu kare noghunongo noghudhughutjima no mukudhidhimekerange muruhakitho. 3Amwe mu kon̂omeke ghufotji ghu gha mupa Mupepo mukatji kenu eshi, mu kare nothiraro mukatji kenu.
4Yirama ne yofotji noMupepo ghofotji, thika di gha karapo makurupero ghofotji agha gha mwithera Nyambi. 5Fumu ne yofotji, matawero ghofotji, no diyoghero dyofotji. 6Nyambi ne yofotji no yoWiha wawahe. Oyu gha piterera wahe noyu gha rughanene wahe no gha tunga mwawahe.
7Kwakehe yu ghopapetu oyu gha wana thitapa thon̂eke thika di gha taperire Kristusi yitapa yendi kwawahe. 8Yo yina kuningera yitjanga ngeno:
“Apa gha dhinine kudiwiru,
gha shimbire hakan̂otwa
no gha taperire yitapa kwawanu.”
9N̂ando dhi dhokuninga eshi: “Aye gha dhinine” kuninga dhina kuninga eshi, Aye ne gha shurukire pakutanga kwawakamwishi kuningashi pamuve. 10Oyu gha shurukire pamuve, yoYu gha dhinine karo, kundagha‐ndagha dhodiwiru dyodihe eshi, gha yarithe yoyihe papendi. 11No eyi ne “yoyitapa” eyi “gha taperire Ye” hapostoli haporofeta, ha yuvithe mbudhi dhodhiwa, nawadithi nawakungi nawahongi. 12Thitambo thendi tha karire eshi, gha roghithere hatawi kuyirughana yawo no thokutenda yirama yaKristusi. 13Kemo kate mbo tu kakume kughufotji ghoshemwa mumatawero ghetu noyidimuka yaMwana Nyambi. 14Po mbo tu dhira kukara shime twanuke no mbadi mbo tu kara yira mangumbi ghokukupingana gha yendahuka‐huka kukehe mupepo, thika hahongi hombango awa hana kupemukitha hamweya mughunya‐nyami wawo. 15Mbadi kemo, mbo tuna kara muruhakitho mughushemwa no kemo dyo mbo tu kundama kwaKristusi. Aye, gha kara roruheya mutwi. 16No Papendi yema yipo yoyihe. Yipo yokukutjaka-tjaka, ya kurikanya no yakara yinu yofotji. Kehe thipo, tha rikanyitha thirughana thatho. No kemo ya kutenda yirama yothinda muruhakitho.
Yipara yopatukuru no yon̂anyi‐n̂anyi
17Mu Dina dyaFumu na kumukanderera eshi: Mwa para shime rure yira hahayidena. Yighayara yawo, yawatwara kunyara‐nyara. 18Maghano ghawo ne ghamakokore. No mbadi ha yerana kuthitapa thaNyambi. Yoyishi, ghukukutu wawo, mukupira maghano wa tanara thikuma. 19Awo ha kasha no ha kutapa kudidovo dyorungu eshi, ha tende yinu yodidhiro yoyihe.
20Amwe ne kadi kemo mwa kuhonga yokwaKristusi. 21Amwe ne mwa mu yuvire, no yoyishi mwe mwakathishongero wendi mwa karire, yo gha mu hongerire mughushemwa ghu wa kara mwaJesusi. 22Mu thighe ne keho yipara yenu yokare‐kare: mu tundithe munu mumitjima dhenu, oyu yapetha yirumbera yoyimango. 23Mupepo wenu no yighayara yenu, yikare ghupya. 24Mu pare yira hanu hohapya, awa gha varekire Nyambi popanungu dhendi mughuhunga ghoshemwa no mughupongoki.
Miragho no yipara yoyipya
25Kenge muna thighi mbango, mwa kona keho kughambanga ghushemwa mukatji kenu. Yoyishi twe twayipo yoyirama yofotji.
26Ngeshi ha mu pata, mwa harura, ene mukuthigherere kughutho ghokuwa diyuwa. 27Mwa tapa dyango kwaShatani.
28Ngeshi ghumweya mwidhi, gha kona kushagheka widhi wendi, aye gha kona kuwana muparo wendi pakurughana thikuma thinda. Po mbo gha wana yinu yokukona kutapa kwawahepwe.
29Man̂ando ghomayi, kadi wa kutunda gha shwaghe mutunwa twenu. Mu kone kughamba yoyiwa keho no kushambereritha hanu wahe, thika di yakara muyikara yawo, kate yi wa roghere thiwana hateghereri wenu.
30No mwa tokotitha Mupepo Ghokupongoka waNyambi. Yoyishi Aye yo gha mutambithire eshi mu kare nothitamba thaNyambi thodiyuwa dyomakomweneno. 31Amwe ne mbadi mwa kona kupata wangu, ngambi kuvundhadhara, mwa tuka endi kushamuna, mbadi mwa kona kutenda thinu thothiyi. 32Mu kuhake no mu kuferange n̂eke. No mu kuthighererange thika di gha mu thighereranga mwe Nyambi mwaKristusi.
Currently Selected:
Hakaefesusi 4: MHW1986
Highlight
Copy
Compare
Share
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986
Hakaefesusi 4
4
Ghufotji ghongirishe
1Ame ne kutuywera na kuyimutuywera mumitjima dhenu, no mukan̂otwa me pamurandu ghokukarera Fumu: Mu ninge yipara yenu yikupakerere pofotji nomethero gha mwa wanine KwaNyambi. 2Mukumbirupithe kehe pano, mu kare noghunongo noghudhughutjima no mukudhidhimekerange muruhakitho. 3Amwe mu kon̂omeke ghufotji ghu gha mupa Mupepo mukatji kenu eshi, mu kare nothiraro mukatji kenu.
4Yirama ne yofotji noMupepo ghofotji, thika di gha karapo makurupero ghofotji agha gha mwithera Nyambi. 5Fumu ne yofotji, matawero ghofotji, no diyoghero dyofotji. 6Nyambi ne yofotji no yoWiha wawahe. Oyu gha piterera wahe noyu gha rughanene wahe no gha tunga mwawahe.
7Kwakehe yu ghopapetu oyu gha wana thitapa thon̂eke thika di gha taperire Kristusi yitapa yendi kwawahe. 8Yo yina kuningera yitjanga ngeno:
“Apa gha dhinine kudiwiru,
gha shimbire hakan̂otwa
no gha taperire yitapa kwawanu.”
9N̂ando dhi dhokuninga eshi: “Aye gha dhinine” kuninga dhina kuninga eshi, Aye ne gha shurukire pakutanga kwawakamwishi kuningashi pamuve. 10Oyu gha shurukire pamuve, yoYu gha dhinine karo, kundagha‐ndagha dhodiwiru dyodihe eshi, gha yarithe yoyihe papendi. 11No eyi ne “yoyitapa” eyi “gha taperire Ye” hapostoli haporofeta, ha yuvithe mbudhi dhodhiwa, nawadithi nawakungi nawahongi. 12Thitambo thendi tha karire eshi, gha roghithere hatawi kuyirughana yawo no thokutenda yirama yaKristusi. 13Kemo kate mbo tu kakume kughufotji ghoshemwa mumatawero ghetu noyidimuka yaMwana Nyambi. 14Po mbo tu dhira kukara shime twanuke no mbadi mbo tu kara yira mangumbi ghokukupingana gha yendahuka‐huka kukehe mupepo, thika hahongi hombango awa hana kupemukitha hamweya mughunya‐nyami wawo. 15Mbadi kemo, mbo tuna kara muruhakitho mughushemwa no kemo dyo mbo tu kundama kwaKristusi. Aye, gha kara roruheya mutwi. 16No Papendi yema yipo yoyihe. Yipo yokukutjaka-tjaka, ya kurikanya no yakara yinu yofotji. Kehe thipo, tha rikanyitha thirughana thatho. No kemo ya kutenda yirama yothinda muruhakitho.
Yipara yopatukuru no yon̂anyi‐n̂anyi
17Mu Dina dyaFumu na kumukanderera eshi: Mwa para shime rure yira hahayidena. Yighayara yawo, yawatwara kunyara‐nyara. 18Maghano ghawo ne ghamakokore. No mbadi ha yerana kuthitapa thaNyambi. Yoyishi, ghukukutu wawo, mukupira maghano wa tanara thikuma. 19Awo ha kasha no ha kutapa kudidovo dyorungu eshi, ha tende yinu yodidhiro yoyihe.
20Amwe ne kadi kemo mwa kuhonga yokwaKristusi. 21Amwe ne mwa mu yuvire, no yoyishi mwe mwakathishongero wendi mwa karire, yo gha mu hongerire mughushemwa ghu wa kara mwaJesusi. 22Mu thighe ne keho yipara yenu yokare‐kare: mu tundithe munu mumitjima dhenu, oyu yapetha yirumbera yoyimango. 23Mupepo wenu no yighayara yenu, yikare ghupya. 24Mu pare yira hanu hohapya, awa gha varekire Nyambi popanungu dhendi mughuhunga ghoshemwa no mughupongoki.
Miragho no yipara yoyipya
25Kenge muna thighi mbango, mwa kona keho kughambanga ghushemwa mukatji kenu. Yoyishi twe twayipo yoyirama yofotji.
26Ngeshi ha mu pata, mwa harura, ene mukuthigherere kughutho ghokuwa diyuwa. 27Mwa tapa dyango kwaShatani.
28Ngeshi ghumweya mwidhi, gha kona kushagheka widhi wendi, aye gha kona kuwana muparo wendi pakurughana thikuma thinda. Po mbo gha wana yinu yokukona kutapa kwawahepwe.
29Man̂ando ghomayi, kadi wa kutunda gha shwaghe mutunwa twenu. Mu kone kughamba yoyiwa keho no kushambereritha hanu wahe, thika di yakara muyikara yawo, kate yi wa roghere thiwana hateghereri wenu.
30No mwa tokotitha Mupepo Ghokupongoka waNyambi. Yoyishi Aye yo gha mutambithire eshi mu kare nothitamba thaNyambi thodiyuwa dyomakomweneno. 31Amwe ne mbadi mwa kona kupata wangu, ngambi kuvundhadhara, mwa tuka endi kushamuna, mbadi mwa kona kutenda thinu thothiyi. 32Mu kuhake no mu kuferange n̂eke. No mu kuthighererange thika di gha mu thighereranga mwe Nyambi mwaKristusi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986