Hakaefesusi 6
6
Hakuru nawanuke
1Mwanuke mu kare noghutawedhi kwawakuru wenu yira hatawi, yoyishi muragho ghu wa ghamba ngeno eshi: 2“Fumaneke wiho nanyoko” oghu ne muragho ghoghukuru thikuma. Apa ne poghadi karo matoyedhero eshi: 3“kemo mbo wana ruvigha nomoyo ghokuhenga pamuve.”
4Namwe mwawiha, mbadi mwa kona kurughanitha hanenu eshi, ha kare mumeman̂anyeno. Ene mu wa korere nomuragho nomashingero, thika di gha yihima Fumu.
Hanumwene nawapika
5Mwapika, mu kare ghutawedhi kwawahekudyenu pano pamuve. Ho mu tende yi mudikuto no ghukumbirupitha. Ene nomitjima dhodhihunga, yira kwaKristusi. 6Mwa tenda kemo, wangu ha mu mone hahekudyenu eshi mu wane fuma. Ene mu rughane yira hapika Kristusi wa ha tenda mahimeno ghaNyambi nomutjima ghoghuhe. 7Ngambi kenge di mwa kara mwapika, mu tende thirughana thenu nomitjima dhodhiwa, yira kwaFumu ene kadi yira kwawanu. 8Amwe ne mwa yidimuka shemwa eshi, Fumu mbo ghana ruwera kehe yu ghokutenda yinu yoyiwa. Gha kare mupika ngambi mukahoro. 9Namwe mwahekudyawo, mu rughane kemo nawapikenu! Mu thighe kuwapetha. Mu dimuke eshi Fumu ghomudiwiru, nawo Fumu wawo noFumu wenu namwe. Yodigho Aye, noyofotji, temba yu gha haka kupiterera ghumweya.
Yitwa yawakriste
10Paghuhura karo shime yino: mu shane ngcamu mwaFumu momu mungcamu dhendi dhishokuru. 11Mu shupate yitwa yi ghana kumupa Nyambi. Eshi mu tanare, mbadi gha kona kumuhongaghura Shatani noghuringi‐ringi wendi. 12Yita yetu ne kadi yokwawanu, ene yokwawakuru, kwawakamangcamu, kwawaraghuri hokaye kano komakokore, no kumipepo dhodhimango dhomuwiru. 13Yodigho, mu shupate yitwa yi gha mupa Nyambi. Eshi mbo mu tareke mudiyuwa dyoghukore. No pa mbo yihura yita, mbo mu kare thika di mwa kara.
14Mu kare kenge yo ghutanara. Mu kughange nomukata ghoghushemwa mumambunda ghenu, ghuhunga yira thishupata thothikuvo thopamiyidi dhenu. 15No mukwinduke mukuyuvitha mbudhi dhothiraro, yira makuha ghokumapadhi. 16Thikuma ne mu tumbure matawero ghenu. Gha kare yira thingandekitho thomunyara dhenu. Yoyishi nayo mbo mu dhimitha maretha ghomayi. 17Mu tambure ghushwi ghomakomweneno nodimende dyaMupepo. Edhi ne dhon̂ando dhaNyambi.
18Mu yitendange yoyihe kehe pano ghurapera no ghukumbera kwaNyambi paMupepo wendi. Mu rawe no mu rapere roruhe kwawatawi wahe. 19Namwe mu ni raperere karo kwaNyambi eshi, gha nipe man̂ando ni kone kuyuvitha mbudhi dhothiraro noghutjima. 20Pamurandu ghombudhi dhino, po na karera me nothitumi thomuyihakaboyi. Mu raperere eshi, ni kone kuyuvitha mbudhi noghutoghoro thika di gha ni tuma.
Nando dhoghuhuhura
21Tigikusi, mutawi muyendhange yu na haka thikuma, mukareri ghoshemwa waFumu. Mbo ghana mu tongwera karo yoyihe yokwange noyirughana yange. 22Ho na kumutuma kukwenu, eshi mu kone kudimuka mupindu wetu, no gha hedhumune mitjima dhenu.
23Thiraro kwawayendhange, noruhakitho nomatawero ghaNyambi naHekudyetu Jesus Kristusi! 24Thin̂eke thi kare nawa ha haka Hekudyetu Jesus Kristusi noruhakitho rokudhira kupwa.
Currently Selected:
Hakaefesusi 6: MHW1986
Highlight
Copy
Compare
Share
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986
Hakaefesusi 6
6
Hakuru nawanuke
1Mwanuke mu kare noghutawedhi kwawakuru wenu yira hatawi, yoyishi muragho ghu wa ghamba ngeno eshi: 2“Fumaneke wiho nanyoko” oghu ne muragho ghoghukuru thikuma. Apa ne poghadi karo matoyedhero eshi: 3“kemo mbo wana ruvigha nomoyo ghokuhenga pamuve.”
4Namwe mwawiha, mbadi mwa kona kurughanitha hanenu eshi, ha kare mumeman̂anyeno. Ene mu wa korere nomuragho nomashingero, thika di gha yihima Fumu.
Hanumwene nawapika
5Mwapika, mu kare ghutawedhi kwawahekudyenu pano pamuve. Ho mu tende yi mudikuto no ghukumbirupitha. Ene nomitjima dhodhihunga, yira kwaKristusi. 6Mwa tenda kemo, wangu ha mu mone hahekudyenu eshi mu wane fuma. Ene mu rughane yira hapika Kristusi wa ha tenda mahimeno ghaNyambi nomutjima ghoghuhe. 7Ngambi kenge di mwa kara mwapika, mu tende thirughana thenu nomitjima dhodhiwa, yira kwaFumu ene kadi yira kwawanu. 8Amwe ne mwa yidimuka shemwa eshi, Fumu mbo ghana ruwera kehe yu ghokutenda yinu yoyiwa. Gha kare mupika ngambi mukahoro. 9Namwe mwahekudyawo, mu rughane kemo nawapikenu! Mu thighe kuwapetha. Mu dimuke eshi Fumu ghomudiwiru, nawo Fumu wawo noFumu wenu namwe. Yodigho Aye, noyofotji, temba yu gha haka kupiterera ghumweya.
Yitwa yawakriste
10Paghuhura karo shime yino: mu shane ngcamu mwaFumu momu mungcamu dhendi dhishokuru. 11Mu shupate yitwa yi ghana kumupa Nyambi. Eshi mu tanare, mbadi gha kona kumuhongaghura Shatani noghuringi‐ringi wendi. 12Yita yetu ne kadi yokwawanu, ene yokwawakuru, kwawakamangcamu, kwawaraghuri hokaye kano komakokore, no kumipepo dhodhimango dhomuwiru. 13Yodigho, mu shupate yitwa yi gha mupa Nyambi. Eshi mbo mu tareke mudiyuwa dyoghukore. No pa mbo yihura yita, mbo mu kare thika di mwa kara.
14Mu kare kenge yo ghutanara. Mu kughange nomukata ghoghushemwa mumambunda ghenu, ghuhunga yira thishupata thothikuvo thopamiyidi dhenu. 15No mukwinduke mukuyuvitha mbudhi dhothiraro, yira makuha ghokumapadhi. 16Thikuma ne mu tumbure matawero ghenu. Gha kare yira thingandekitho thomunyara dhenu. Yoyishi nayo mbo mu dhimitha maretha ghomayi. 17Mu tambure ghushwi ghomakomweneno nodimende dyaMupepo. Edhi ne dhon̂ando dhaNyambi.
18Mu yitendange yoyihe kehe pano ghurapera no ghukumbera kwaNyambi paMupepo wendi. Mu rawe no mu rapere roruhe kwawatawi wahe. 19Namwe mu ni raperere karo kwaNyambi eshi, gha nipe man̂ando ni kone kuyuvitha mbudhi dhothiraro noghutjima. 20Pamurandu ghombudhi dhino, po na karera me nothitumi thomuyihakaboyi. Mu raperere eshi, ni kone kuyuvitha mbudhi noghutoghoro thika di gha ni tuma.
Nando dhoghuhuhura
21Tigikusi, mutawi muyendhange yu na haka thikuma, mukareri ghoshemwa waFumu. Mbo ghana mu tongwera karo yoyihe yokwange noyirughana yange. 22Ho na kumutuma kukwenu, eshi mu kone kudimuka mupindu wetu, no gha hedhumune mitjima dhenu.
23Thiraro kwawayendhange, noruhakitho nomatawero ghaNyambi naHekudyetu Jesus Kristusi! 24Thin̂eke thi kare nawa ha haka Hekudyetu Jesus Kristusi noruhakitho rokudhira kupwa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986